Hosea 9:1 - Iaai Bible 1901 (New Caledonia)

¹ ISARAELA lö, ca senyin bi me hobâ helâ me je hnyei; anyin a u je hia but bi ûnyi monu me degec Khongom, u je hok at ge hwaban hnyi je hna huje hwit hia.

Hosea 9:1 ပူးပေါင်းရင်းမြစ်များ

Salamo 73:27

Anyin a wâ bi, ame he ka hia but tavat adre me ûsâkâûö möu; U je hia but ohiʼ ödra hia adre me bi ûnyi monu digic u,

Isaia 17:11

hnyi bong u je tā hnyin u je si haginy, ke hnyi hnyomakatu u je ovhöngâ ânyâm je hatong: ke ame he ka ba menu hnyi bonginy hlöuhlöu me vec ae gan hmâ.

Jeremia 2:19

Ame he ka thao u hnen bi ânyâm hulo, ke ame he ka û u hnen bi hnâm je hna kolu: anyin a wale khanö u thö me wâ ûnyi ae hiny me kong, wale ge hnâm hna digic Iehova a Khongom, ke u je outö nya, haingen Than Iehova tuhan sabaoth.

Jeremia 2:20

Anyin a hwân ehac oge hia but thu degecâ ânyâm hna ûhûkâlâköuâ, me thamuâ hna cö u; ke haingâm, ka habe, Oge me ca he ka bi athnyaba; anyin a u me mokut hon je bucen hia ae beû, ke hmelen je ûö hia ae hât, he ka bi ûnyi monu.

Jeremia 44:17

Ke e hnathu ohmun e he bi ka ânyâ ta je ûnyi hia ame o but hnyi je hnyimöhmun, he ka leû utö ae bo so ka momo thaniny drany, me hingâlâ je hudiny ic kâu, helâji me hnöhmun hna ânyâ, ohmun me je latuhöhmun me anyihmun je taben, hnyi je tauniny Juda, me je getheniny Jerusalema: anyin a hnyi ûen eling e gan hmâ ö ʼhmun, ke ohmun so, ke ba kong ohmun e wâ.

Je tenge anyi Jeremi 4:21

Senyin dö me hobâ thö, u hluiny Edoma, at ame laba hnyi Uza: Ke ame he ka o köu minya kaia; u me he ka monu ge grâg, me he thu ka ûnyi bi gam.

Ezekiela 16:15

Ke u je gejon ânyâm hmanenang, me bi ûnyi monu ge ânyâm lung, me hingâlâ ânyâm je bi ûnyi monu kodra hia adre me gethen unyâm; ka anyin dut.

Ezekiela 16:30

Nakaem ge sënyin hnyi hnyekom, haingen Than; Iehova, anyin u me ânyâ ta je ûnyi hia eling, huliwa anyin momo ae hwege hnyimen, at ame bi ûnyi monu;

Ezekiela 20:32

ke haba ûnyi ame o hnyi je hnyekubun ame ca he ka hwâdâ; wale ge hnobun hna ha, ka habe, Ohmun e he ka helâ me je hnyei, helâ me je lap hnyi je hnyei, adre me bi athnyabainy utö me veto.

Ezekiela 21:10

e so hwan me me hlingâ; adre khet e me me helâ me hucuce; hawa, ate me he ka senyin? haba uci anyin nokuk ame hûkotiâ ta je ûö hia.

Hosea 10:5

Ame he tavat adre me laba hnyi Samaria ka hmak hnyekudra ge je nokon kau hnyi Beth-aven; anyin ame he aten ka tenge can e, ke tavat bihut hnyin, waleji adre hobeluâ ge hmanenanginy, anyin ae hia but e.

Hosea 2:12

Ke oge me he ka ohia anyin je vine, me imeta, wale e ame ha gan, ka habe, Wale hwabök a ham könya lawek: ke oge me he ka wia me me hnyot bi, ke ame he je menoiny hnyot ka han.

Hosea 4:12

Kʼ ame labö he lakeik ka hnei unyin anyidra je ong uto, kʼ ame thumetu ödra anyidra uci: anyin adre me omonu ödra hnen bi ûnyi monu, kʼ adre me kec ûnyi hnyi hmelen Khongudrin he ka bi ûnyi monu.

Hosea 5:4

Haba anyidra ta je huliwa ame ovheli ödra he ka hmetu ka Khongudrin: anyin a e unyidra weny he ka bi ûnyi monu, ke ca khanʼ ödra but Iehova.

Hosea 5:7

Adre hia but iyawo kö Iehova; anyin adre hia but hnokoâ je lakudra a je atkanyua: ke walang ang ame he tehi a teb ûnyi ka ön ödra me je jekhoûdra.

Amosa 3:2

Oge hia but khanö nya thibi öbun hnyi ta je lap hia eang hmeledrany: anyin a wale oge me he ka bi hwaban ta je hwakecibun hia ae kong.

Amosa 4:5

me hudo thö hudiny ole adre me levenâ, me thu bongon je hut ae betenge me haimemenâ: anyin a wale webun, lakon Isaraela, haingen Than Iehova.

Amosa 6:13

öbun tavat öbun e hobâ ûnyi ae ba onyen me ha, ka habe, Hawa, ohmun e ca bi faoihmun meno ge tang hwegiöhmun?

Amosa 8:10

Ke oge me he ka wia anyibun je bijeû ka hnyi tenge, me anyibun je khumöng hia ka hnyi, tenge thungaû; ke oge me he ka oâ ka hnyi ta je hnyin hia mano ae gan nân, me ohadreûâ ta je ban hia; ke oge me he ka wia e helâ me hwatenge can nokon a khaca, me obiny e helâ me bong vec.

Iakobo 4:16

Ke walang ang öbun e senyinâ anyibun je hobelöu: e monu hia ta je senyin helâe.

Iakobo 5:1

E ÖBUN watren omjeû, tenge thö me kuku can ta je vec ame he ka o köbun.