Hosea 8:9 - Iaai Bible 1901 (New Caledonia)

⁹ Anyin adre me he Asuria ai, helâ me asinainy hnyot ame hake he: Eferaima ame hia but hok laweny ge hwaban.

Hosea 8:9 ပူးပေါင်းရင်းမြစ်များ

II. Je Than 15:19

Ke ame o but Pula than Asuria he ka vat me hnyei; ke haba Menahema ame ham kö. Pula khaca thauzan talan sileva, me me hadruâ e he ka ohmâ dökhu unyin.

Isaia 30:2

tavat adre me he but he ka he Aigupito ai, me ca elâm bi unyik; he ka ohwegi ödra ge tang hwegiö Farao, me labageju ka hmenon Aigupito!

Isaia 30:6

Hok honen je meno hnyi Hwaiöu. Adre me he hnyi wanben hnyei ae vec me hlöuhlöu, wale ame o ûnyi hnyin liona momo me liona, vaipa me on ae hiâ ame gâ, adre me hom je omjehedra hnyi hon jon je asina, me tang omjehedra hon je jon ae khibi ge je kamela, ka tavat adre me ca he ka bi troban kodra.

Jeremia 2:24

asinainy hnyot at ame khenenâ hnyebuba, ame bubune ang hnyi weny hnyekon; ie at ame he ka ohmeto e hnyi weny? ame ca he ka osēnyini ödra bi tavat adre me elâm e, adre me he ka wâ e hnyi anyin tehi.

Hosea 12:1

EFERAIMA ame an ang, me wadring hoton ang hwei: e ame osehia thoi me öba wan hnyi je bong; ke ödrin e ûhi-hinyköu me at Asuria, me hok wakaco Aigupito ai.

Hosea 12:2

Ke hu ivino anyi Iehova me Juda, ke e ame he ka bi hwaban kö Jekob hoton deny je gethen; e ame he ka bi hwaban kâu hoton hnen hna ânyâ.

Hosea 2:10

Ke walang ang oge me he ka omanenâ hwakecin ae ikiki hnyi hnyimakan laweny, ke ba at ame he ka hûgûnâ e ûnyi hnyi hnyamok.

Hosea 5:13

Ke a wâ but Eferaima anyin mok ke a wâ but Juda hnân aat, me haba Eferaima ame he Asuria ai, kʼ ame ûkhûnöng kö Jareba than; ke ca khana bi he ka omeli u, me ometo hnobun aat.

Hosea 7:11

Ke e ûcû Eferaima me biny ae ûnyibaû me ba hnyekon: adre me hongot ka Aigupito, me he Asuria ai.