Hosea 8:7 - Iaai Bible 1901 (New Caledonia)

⁷ Anyin adre me belökâ ang, me adre me he ka meno hou: ke ba gan hwit ame kû, ke ba falawa hnyi boviny: ke a ne hu, me ame he bi je atkanyua ka utâ e.

Hosea 8:7 ပူးပေါင်းရင်းမြစ်များ

Genese 41:23

ke wâ bi, hwaban ame kû thö ke je wan hwit a seven ae meleca, me kong, me ba önyen hnen anghwei:

II. Je Than 15:19

Ke ame o but Pula than Asuria he ka vat me hnyei; ke haba Menahema ame ham kö. Pula khaca thauzan talan sileva, me me hadruâ e he ka ohmâ dökhu unyin.

II. Je Than 15:29

Ke haba hnyi je bong bongu Peka than Isaraela ame o but Tigelathe-pilesera than Asuria, me hûgûnâ Ijon, me Abela-bethemaka, me Janoa, me Kadesi, me Hazora, me Gileada, me Galilaia, hnyei hia Nafatali; me e ame hum ödrin hia a je hwenbâ Asuria ai.

Jobu 4:8

Wânök, a gʼ ame he tavat adre me belökâ ûnyi ae kong, Me ta ûokonguny, he ka hnyi meno e.

Ta je Vejec 22:8

Haba at ame tā hulo, me ame he ka meno vec: Kʼ ame he ka hia uciny anyin wathethot.

At Khet 5:16

Ke wale monu ae vec, a gʼ ame he ka hmetuhmetu tha ûcû me ûen waleji e ame o hnyin: ke ieû troban kâu a e ame huliwa ka ang?

Isaia 17:11

hnyi bong u je tā hnyin u je si haginy, ke hnyi hnyomakatu u je ovhöngâ ânyâm je hatong: ke ame he ka ba menu hnyi bonginy hlöuhlöu me vec ae gan hmâ.

Isaia 55:2

Ieû gabun öbun e ham mone hwaban ûnyi a ca jeû? ke anyibun huliwa hwaban ûnyi ame ca osekunâ? long wia ju könya, ke an ju ûnyi ae so, ke ame he je hnyekubun ka senyinâ ûnyi ae pipikhenya.

Isaia 66:15

Anyin a wâ bi, ame he Iehova ka o me meic, ke helâ me hou anyin je kariöta; me me ohmeto anyin hmonyin hnyi wathethot, me hnen hna thawâ hnyi bâhlân meic.

Jeremia 12:13

Adre hia but belökâ hwit, me meno iwadekong; adre hia but oveci ödra bi, ke ba troban: ke öbun e he ka hmehman je jeûiny ibun hnyei, can hmonyin ae gan hmâ anyi Iehova.

Je tenge anyi Jeremi 5:2

Adre hom ihmun hobi kâu ta je atkanyua, Me umöhmun je uma hobi kâu aten ke je hnyei bi.

Hosea 2:9

Anyin a wale oge me he hmetu ka hûgûnâ anyik hwit hnyi ûen e, me anyik waina hnyi ûen e, me hûgûnâ anyik leûnen mamoe, me anyik lino a hnân okhâûâ hnen he thu.

Hosea 7:9

A hia but ohia hwegien hnen je atkanyua, ke ca khana bi: eke, ûsa khaca but tehûen, ke ca khana bi.

Hosea 9:16

Adre me kot at Eferaima, ke meleca thö iwân gadra kʼ adre me ca he ka wa: eke, eja ke ne adre ne hnokoâ, me oge me he bi nya ka hlingâ lakudra adre me betenge gan.

Nahuma 1:3

E bec Iehova he ka hmonyin, ke gan hmâ maniny man, ke e ame ca he ka hna bâûâ at ame ânyâ hulö: haba gethen de Iehova wale hnyi höu me weneû, ke haba je ûlâ, me wale sesâ hnyi li can.

Hagai 1:6

Öbun e hia but ti belök, ke ûhnyûkong bi hna hom; öbun e han, ke ca sekubun bi; öbun e ic, ke beic bala bi; öbun e khaû, ke ba at ame mage bi; ke haba at ame huliwa ge hwaban, me ame hom hwaban he ka hitangen hnyi tang ae moku.

Galatia 6:7

Ca omonu öbun bi; e pason he ka iyawâ Khong: anyin a haba hna tā hnen ke at, me e ame he bi ka meno minya helâe.

Galatia 6:8

Ke haba at ame tä ka hnyi hing unyin bi, me e ame he ka meno hna bobot ûnyi hnyi unyin; ke haba at ame tä ka hnyi Hanu, me e ame he ka meno möt ame ca ba balua ûnyi hnyi Hanu.

Deuteronomi 28:33

Haba wan kânâm kânâ, me ânyâm ta je huliwa hia, me ame he hnyei kanyua he ka han hia thibut; kʼ adre me he thibi ka okongu u, me hlic u balua: