Hosea 8:5 - Iaai Bible 1901 (New Caledonia)

⁵ Samaria lö, e ame hia but hota degecâ nokon kau unyâm; kʼ ame ubâhlâ thö anyik hmonyin kodra: ke ne o but kehö adre me ca he ka vheno hwakecin ae so?

Hosea 8:5 ပူးပေါင်းရင်းမြစ်များ

II. Man Ûlabainy Je Than. 13:8

Ke walang ang öbun e ûnykûme he ka hlec dokhu dokhu Iehova unyin je laku Davita; ke öbun se hia hmonyin, ke e unyibun li nokon kau gol wale a ânyâ Jeroboama hobi köbun hnân li khong.

Salamo 19:13

Ö u thawâ ju athnyabaem mʼ oge me ca bi gan; Kʼ ame ca he ûnyi eling ka musi nya: me me wisa hwakecik, Ke ba hnyikonguk ûnyi ge hna hanyâûâ ae gan hmâ.

Ta je Vejec 1:22

Tavat ae ba hnyekudra lö, öbun e he ka hnyok ka hwakecin ba hnyekon ke ne o but kehö? Me tavat ûhiö he ka hiâ ke ne o but kehö, Me tavat ae monu ha hmiödra wâhmakhmeto?

Isaia 45:20

Ûkhacaköu thö ke ai öbun; tha hakekenyâ ju, öbun tavat öbun e kec möt ûnyi hnyi je hnyei: e ca hu metâ gadra adre me hom tilâ ûtoiny anyidra je idola, me hic ka khong ae ca khana he ka omelo.

Jeremia 13:27

Oge hia but wâ hwakecâm ae ikiki, wale hnâm je hna bi ûnyi monu, me hwâm hwakuku helâ me hors, me ûganiny hnâm hna bi ûnyi monu hon je dok ae hut hnyi ta hnyei. Ekölö gam Jerusalema! u me ca he ka bo so; ke ne o but kehö?

Jeremia 4:14

Jerusalema lö, hneû but hnyekom wale hwakecâm ae kong, me u me he ka mot. Ame he ka mokut eû hnyekom je hna ûnykûme ae kong ke ne o but kehö?

Jeremia 48:13

Ke ame he Moaba ka hmehma ge Kimosa, helâji me lap anyi Isaraela ame hmehma ge Beth-ela, waleji adre me labageju kâu.

Hosea 10:5

Ame he tavat adre me laba hnyi Samaria ka hmak hnyekudra ge je nokon kau hnyi Beth-aven; anyin ame he aten ka tenge can e, ke tavat bihut hnyin, waleji adre hobeluâ ge hmanenanginy, anyin ae hia but e.

Hosea 10:8

Adre me he ka ohia minya je dok ae gorany hnyi Aven, wale hulöiny Isaraela: ame he ka kû ûö ae ûdedö me watetaföcö hon anyidra je taben hut; ke adre me he ka ha ka je bucen, ka habe, Tubi ohmun ju; me ka je hut, ka habe, öbun kolu takû ohmun ju.

Hosea 13:2

Ke walang ang adre me kong tot, kʼ adre me ânyâ je idola hobi kodra adre me okoiâ ge anyidra sileva, a je idola hoton anyidra metâ, huliwa anyin at tretrao hia: kʼ adre me ha ge je ûnyi e, ka habe, E so ame he tavat adre me he ka hudo hut ka drem je nokon kau.

Hosea 8:6

Anyin a ûnyi ga Isaraela e; kʼ ame ânyâ e hnen at huliwa, ke ca Khong bi e: eke, adre me he ka kot omomono nokon kau anyin Samaria.

Amosa 8:14

Tavat adre me khemanyinâ hulöiny Samaria me ha, ka habe, Dana lö, kia inya Khongom; ke kia inya gethen ûheny Bere-seba; ke adre me he ka ta, ke adre me ca he hmetu bi ka tot.

Mika 1:7

Ke adre me he ka thu omomono je idolainy hia thithö, ke adre me he ka thong degecâ ge meic je troban hia, ke oge me he ka öba wan je khongon hia: anyin a e ame ûkhöûnâ e ge troban momo hnyi gethen, kʼ adre me he ka he hmetu kʼ ame troban momo hnyi gethen.

Ta je huliwa 7:41

Me adre me ânyâ nokon kau hnyi ûen eling, me bi hut ka hnatheat, me senyin ka hnyi huliwa hnen je hnyamödra.

Deuteronomi 32:22

Anyin adre hû meic hnyi anyik hmö nyin, Ke ame thong ke ne o but dok ae dit hmönyin, Me an hmeledrany me troban, Me thong ta je taben je bucen.