Hosea 8:14 - Iaai Bible 1901 (New Caledonia)

¹⁴ Ke a hia but Isaraela hnying At a op e, me op je uma umen je khong; ke Juda ame hia but osehia je taun adre up haginy; ke so bi oge me he ka kunâ meic ka hnyi anyin je taun, me me an je uma umen than.

Hosea 8:14 ပူးပေါင်းရင်းမြစ်များ

I. Je Than 12:31

Ke e ame bi uma hnyi je dok ae görany, me otilâ je hnyat bihut ûnyi hnyi tavat hia, wale a ca je laku Levi.

I. Je Than 16:31

Ke helâke e hâhâ kâu waleji hnen hna vheno je hulö anyi Jeroboama nöku Nebata, me e minya bi ame hum Jezebela nöku Ethebaala thaniny at Zidona, me âiân, me e ame he me bi athnyaba kö Baala, me khudrung kâu.

II. Je Than 18:13

Ke haba hnyi huna a fotini Hezekia than, ame o but Saneribi than Asuria he ka vat me je taun hia adre up haginy veto hnyi Juda, me hûgûnâ.

II. Man Ûlabainy Je Than. 26:10

Ke e ame op je tap ae beû goranyai hnyi hnyebuba, me khû je an ae se hia, anyin ae se hia haleny je meno; helâe minya hnyi hnyei ae hnyikânâ, me dok ae tha hon: ke e hu gan tavat belök me ânyâwia vine hnyi je bucen, me hnyi Karemela; anyin a e at ae bebelök.

II. Man Ûlabainy Je Than. 27:4

Me e ame op minya ke je taun hnyi hnyei ae hutiny Juda, me op je hnabâ me je tap ae beû goranyai hnyi hnyot.

Salamo 106:21

Adre me hnying Khong wale at ame omeli ödra, At ame ânyâ ta je ûnyi ae gan hnyi Aigupito;

Salamo 95:6

Ai öbun, e so ate me he ka khudrung ju me nom; Ate me he ka cibouca hnyi hnyimakö Iehova at a up ota:

Isaia 17:10

Anyin a u je hnying Khongon ânyâm ûöhmeli, ke u je ca ûnykûme kicin tang hwegiâm; anyin a wale u je tā je ûo ae hmanenang, me tā ta je hatong kanyua:

Isaia 29:23

Ke e ka wâ lakon, wale huliwa anyin li hnyamok hnyi wanben, me adre me he ka okabâ iök; eke, adre me he ka okabâ Kabi Jekob, me outen Khongu Isaraela.

Isaia 42:13

Ame he Iehova ka he helâ me at ae hwege; e ame he ka oâ tang hwege helâ me taben vat: e ame he ka kuku, eke, e ame he ka hongot goranyai; e ame he ka hwege hon je iwahnaihmiony mē.

Isaia 42:25

Anyin a wale e ame hingâlâ hudra ûganiny anyin hmonyin, me ihwegien anyin vat; ke e ame vâc e igigilo e, ke e ca khana bi; ke ame hiâ e, ke e ame ca ûnykûme bi.

Isaia 43:21

waleji tavat oge me op hobi könya bi, mʼ adre me he ka oganö nya.

Isaia 9:10

A kolu but je veto kânâ, ke öhmun e he bi ka up uma ge je veto adre kave: adre sö but je sukamore, ke öhmun e he bi ka bi hnen ge je arasi.

Isaia 9:9

Ke ame he ka khana hnen tavat hia, wale Eferaima, me tavat adre me laba hnyi Samaria, tavat adre me ha ge hnyok bi gan me begörany, ka habe,

Jeremia 17:27

Ke öbun e ne ca ling nya he ka okabâ bong sabath, me he ka ca hije hok, me didro ka hnyi je homagouleny Jerusalema hnyi bong sabath; awe, oge me he ka hû meic hnyi ta je homagouleny e, ke ame he ka an je uma umen je than hnyi Jerusalema, ke ame ca he ka mok.

Jeremia 2:32

Hawa, ame he hlu ka hnying je hna theibâ e, ke hlu ame tep faipoipo ka hnying bi ûkhaûen? ke haba lakeik adre me hnying nya hnyi je bong a ca hnân bi aû.

Jeremia 23:27

Tavat adre me ûnykûme he ka ohnyingâ lakeik wale ge iök hnen je bwidra, wale adre me ve ha ka lahanödra, helâji me hnen lakamödra hna hnying iök ga Baala.

Jeremia 3:21

Adre me long hofuc hon je dok ae ba leûnen ethö gorany, wale tenge me khöû anyin lakon Isaraela; anyin adre hia but omono dedra je gethen, me hnying Iehova Khongudrin.

Jeremia 5:17

Ke adre me he ka an hnâm hna meno, me âm jeû, wale ae ûcû he ka han hnen lakom obaga me wahlu: adre me he ka an halem je mamoe, me kau; adre me he ka an halem je vine, me halem je meta: adre me he ka kot ge hele vat ânyâm je taun adre up haginy, waleji u je labageju kâu.

Ezekiela 23:35

Anyin a wale, walang hna ha hnen Than Iehova, ka habe, Anyin a u je hia but hnying nya, me kunö nya ka hnyi hotom, anyin a wale ame he ka tabö u hwakecâm ae ikiki me ânyâm bi ûnyi monu.

Hosea 13:6

Adre me ka sekudra hoton ö ʼdra jeû; e sekudra thö me ame bi gan je hnyekudra: anyin a wale adre me hnying nya.

Hosea 2:13

Ke oge me he ka bi hwaban kâu je bong bonginy je Baala, wale e ame leû uto ae bo so hnyin ködrin; ke e ame theibâ e ge je theibeny hnyikonyen me je ohmanenanginy, me hnu hoton je laweny, kʼ ame hnying nya bi, haingö Iehova.

Hosea 4:6

Adre me ohia lakeik anyin ae ba wâhmakhmeto: anyin a u je hia but hna degecâ wâhmakhmeto, awe, oge me he bi nya ka hna degeci u, inʼ u me ca at bihut könya: anyin a u je hnying hnanyibu anyin Khongom, me oge me he bi nya ka hnying lakom.

Amosa 1:10

ke oge me he ka kunâ meic ka hnyi hna up haginy Turo, kʼ ame he ka thong degecâ je uma umen than hnyin e.

Amosa 1:12

Ke oge me he ka kunâ meic ka hnyi Temana, ke ame he ka thong degecâ je uma umen than hnyi Boyera.

Amosa 1:14

ke oge me he ka hû meic hnyi hna up haginy Raba, ke e ame he ka thong degecâ je uma umen than hnyin e, me kuku hwege hnyi bonginy vat, me weneû hnyi bonginy hou:

Amosa 1:4

ke oge me he ka kunâ meic ka hnyi lap anyi Hazaela, kʼ ame he bi ka an hnyi uma ae hmanenang umo Ben-adada.

Amosa 2:5

ke oge me he ka kunâ meic hon Juda, kʼ ame he ka thong degecâ je uma umen than hnyi Jerusalema.

Efeso 2:10

Anyin a haba öta, me anyin huliwa, kʼ adre up öta unyin Keriso Iesu he ka ânyâ ta je huliwa ae so, waleji a penapena Khong adrem mʼ ate me he ka vheno.

Deuteronomi 32:18

U je hnying ge Kic, at ame hnöku u, Me ca ûnykûme hmetu ge Khong at ame up u.