Hosea 8:1 - Iaai Bible 1901 (New Caledonia)

¹ IP ju trutru hnyi hnyimâm. E ame he ûcon lap anyi Iehova helâ me aeto: anyin adre hia but hanyâûâ anyik ûhihiny-köu, me khikhin ge anyik hnanyibu.

Hosea 8:1 ပူးပေါင်းရင်းမြစ်များ

II. Je Than 18:27

Me haba Rabesake ame thu ködrin, ka habe, Hawa, a kunö nya tuhok ka tuhâm, möu minya, he ka ha hofuc ang? hawa, e ame ca kunö nya ka tavat adre me laba hon hna up haginy, mʼ adre me han tidrin me ijem hnödrin hna hwen hingat a tha ödrin möbun?

Isaia 18:3

Öbun hia thithö tavat adre me laba hnyi hmeledrany, ke tavat laba hon kânâ hia, e ka kap goranyai boûdila hon je bucen, wâ thö; ke e ka tûâ trutru long ju öbun.

Isaia 24:5

E ikiki hnyei hmelen tavat adre me labā e; anyin adre me hanyâûâ ta je hnanyibu, me wia hna otilâ, me thu hna ûhihinyköu a nyiele balua.

Isaia 58:1

HONGOT hwege ju, hai goranyai ifucâm helâ me trutru, ke haimemenâ thö ka lakeik hnödra hna hanyâûâ, ke haimemenâ thö ka lap anyi Jekob anyidra ta je hulo.

Jeremia 31:32

ca helâ me ûhihinyköu eji oge ânyâ me lakamödra, waleji hnyi bong oge hom hnyamödra he ka su Ödra ûnyi hnyi hnyei Aigupito; ke adre me thamuâ anyik ûhihinyköu eja ke ne oge ne helâ me âiân baga kodra, haingö Iehova.

Jeremia 34:18

Ke oge me he ka ham ka tavat a tavat hanyâûâ anyik ûhihinyköu, waleji adre ca ohwâdâ hofucin ûhihinyköu waleji adre ânyâ hnyi hnyimakök, waleji hnyi hnödra hna subâ luâ nokon kau, me he hnyi wanben li ke keihen e;

Jeremia 4:13

Wâ bi, e ame he ka o helâ me je ûlâ, me anyin je kariota helâ me hou: haba haleny je hors e logot hon je aeto. Ekölö gata anyin ate hnaûhango but.

Jeremia 4:5

Khetâ thö hnyi Juda, ke haimemenâ thö hnyi Jerusalema me ha, ka habe, Ûkhacaköu thö, ate me he ka didro ka hnyi je taun adre up haginy.

Jeremia 48:40

Anyin a walang hna ha hnö Iehova, ka habe, Wâ bi, e ame he ka gâ i helâ me aeto, me lau li labenyin ka Moaba.

Jeremia 49:22

Wâ bi e ame he ka ölö me gâ helâ me aeto, me lau li labenyin ka Bozera: ke hnyi bong eling ame he je hnyekon je tavat ae hwege hnyi Edoma ka helâ me hnyekon momo ame he ka hnokoâ.

Jeremia 51:27

Otilâ thö boûdila hnyi hnyei, tûâ thö trutru hnyi je hnyei, penapena thö je hnyei kâu, hawâ ûkhaca-köuâ thö kâu ta je dökhuiny Ararata, me Mini, me Asekenaza: otilâ thö ke taben vat kâu; oâ thö je hors helâ me je wahamon ae ûjejong.

Jeremia 6:1

TA je lakon Beniamina lö, kec bemöt dö ûnyi hnyi wanben Jerusalema, ke tûâ thö khoto hnyi Tekoa ke ogörânyâ thö haten hnyi hon Beth-akerem: anyin ame selâdrâ ûnyi ae kong ûheny hnyi hwadro, me hna ûhangö ae gan.

Ezekiela 11:4

Anyin a wale perofeta thö ködru, nokon at, perofeta thö.

Ezekiela 16:59

Anyin a walang hna ha hnen Than Iehova, ka habe, Oge me he bi nya ka ânyâ köu helâ me hnâm hna ânyâ, anyin a u je hûkotiâ hna khemanyin me thamuâ ûhihinyköu.

Ezekiela 17:3

me ha, ka habe, Walang hna ha hnen Than Iehova, ka habe, Ame o but hnyi Lebanona aeto ae gan hmâ labenyin, ke beû je leûnen labenyin, ke se hia leunen, ke se hia hnalimen, kʼ ame hom boviny arasi:

Ezekiela 7:14

Adre hia but tûâ trutru, me penapena hia; ke ba at ame hnyi he ka hnyi vat: anyin a e bi hon ûseidra hia anyik hmonyin.

Hosea 4:6

Adre me ohia lakeik anyin ae ba wâhmakhmeto: anyin a u je hia but hna degecâ wâhmakhmeto, awe, oge me he bi nya ka hna degeci u, inʼ u me ca at bihut könya: anyin a u je hnying hnanyibu anyin Khongom, me oge me he bi nya ka hnying lakom.

Hosea 5:8

Tûâ thʼ öbun sofa hnyi Gibea, me trutru hnyi Rama: kuku thö hnân haten hnyi Beth-aven; e hnyi hotom Beniamina.

Hosea 6:7

Ke adre hia but hanyâûâ ûhihinyköu helâ me Adamu: kʼ adre me iyawo nya eling.

Hosea 9:15

E hnyi Gilegala hwakecidra ae kong; anyin oge me hûkötiʼ ödra eling: ke oge me he ka obʼ ödrâ ûnyi hnyi umök uma, can anyidra ta je huliwa ae kong: oge me ca he hmetu bi ka betenge gadra; tavat ûkhin fuc je latuhödra hia.

Joela 2:1

TÛA thö trutru hnyi Ziona, me olungâ haten hnyi anyik bucen ae kap; öbu-buny ju öbun hia aten hnyei; anyin ame he jem bong bongu Iehova, ae hakekeny jut;

Joela 2:15

Tûâ thö trutru hnyi Ziona, thu bongon ju ânyâ ca han, hawâ ûkhacaköuâ thö ae ûnyi hnathu:

Amosa 3:6

Hawa, adre me he ka tûâ trutru hnyi taun, ke ame ca he ka ot tavat? hawa, ame he ka hu ûnyi ae kong hnyi taun ke a ca ânyâ bi Iehova?

Amosa 8:3

Ke haba je khu-möng hnyi uma kap, me ame he ka helâ me kuku tenge hnyi bong eling, haingen Than Iehova: kʼ ame he ka se hia ta je komok; kʼ adre me he ka khûâ hnyibu ödra hnyi je dok hia.

Amosa 9:1

OGE me wâ Than ame tot hnyi taben hut: ke haingen, ka habe, Kot dö je ban, me me jijing dö je hwanuma: me thu omomonu ödrin hon je bödra hia; ke oge me he ka hlingâ at a biliny gadra ge hele vat: e ba at a khaca gadra ame he ka kec, ke ba ke at gadra ame he ka mot.

Habakuka 1:8

E logot minya haledra je hors hon je lepad, ke hwege hnyimak hon je luko hnyi sahac; tavat tabö hors unyidra adre me ave ehe thibut: eke, anyidra tavat tabö hors ûhedra sâkâû; adre me gâ helâ me aeto at ame logot ka an haniny.

Zefania 1:16

bonginy fuc trutru me öbubuny ka hnyi je taun adre up haginy, me je tap tue görany.

Zakaria 11:1

LEBANONA lö, khong ut je homagouleny me me he meic ka thong degecâ ânyâm je arasi.

Zakaria 9:14

Ke ame he Iehova ka manen hudrin, ke ame he anyin fana ka gâ helâ me hucuce: ke ame he Than Iehova ka tûâ trutru, me he hnyi je höu ûheny hnyi hwaiöu.

Mataio 24:28

Haba hnen ta je komok, me wale dok ame ûkhacaköu ta je aeto hnyin.

I. Korinito 15:52

e ti logot, helâ me thuthubademak, hnyi hna tûâ khoto a biliny: anyin ame he ka fuc khoto, ke adre me he ka omelö hmetu thö tavat adre mokcu ka hnyi ca bobot bi; ke adre me he ka wiʼ öta.

Deuteronomi 28:49

Ke ame he Iehova ka oâ köu vat, a hnyei ûnyi hnyi dok ae sâkâû ûheny hnyi can hmeledrany, helâ me ugâiny aeto; hnyei ae ca khanö u he ka löng hwan;