Hosea 7:2 - Iaai Bible 1901 (New Caledonia)

² Ke adre me ca ûnykûme bi hnyi je hnyekudra, a inya oge me ûnykûme ta je hwakecidra hia ae kong: ke walang ang ame theling ödra hnen bi anyidra ta je huliwa; ke e bi hnyi hnyimakök.

Hosea 7:2 ပူးပေါင်းရင်းမြစ်များ

Jobu 34:21

Anyin a li emakan ame wâ je gethen deny at, Ke e ame wâ wia hnen hna okca.

Salamo 10:11

Haingen eû hnyi hnyekon, ka habe, A hnying ut Khong: E ame ikhâlâ hnyimakan; e ame ca he balua ka wâ.

Salamo 25:7

Ca he ka ûnykûme ta je hulöiny anyik hidröu, me ta je hanyâûâ gak: Unykûmi nya ju hoton ânyâm ibetengiö, Ûnyi ge hwakecâm ae so, Iehova.

Salamo 50:22

Tavat öbun e hnying Khong lö, ûnykûme ju öbun ang, Wâ oge nye he ka kiʼ öbun, ke ba at he ka omelo:

Salamo 9:16

Ke haba Iehova ame omanenâ e bi, kʼ ame owisa: Kʼ ame hnok dö at ae kong ge huliwa anyin li hnyamen. [Higaiona. Sela.

Salamo 90:8

U je hia but ip anyihmun ta je monu hnyi hnyimâkâm, Me ta je monu gahmun ae iyong hnyi melaminy hnyimâkâm.

Isaia 1:3

E khana but bolok at a haleny e, ke e khana but asina taben han ûnyi ge tuhan: ke ca khana Isaraela bi, kʼ ame ca ûnykûme bi lakeik.

Isaia 26:16

Iehova lö, hnyi ûen vec adre hia but senö u, adre me hingâlâ hic, u ka hom ûhnyûkongu ödra.

Isaia 44:19

Ke ba at ame ûnykûme hnyi hnyekon, ke ba metâ me wâhmakhmeto me me be ka ha, ka habe, Oge hia but vâc ke hnyiban hnyi meic; eke, oge hia but le falawa hon i walepiny ke hnyiban; oge hia but leû meno me han: ke hawa, oge me he bi ka bi ûnyi ae ikiki hnyi kolon? hawa, oge me be ka khudrung ju ka hnyiban ûö?

Isaia 5:12

Ke e bi kitara me nabeli, me bwinybet, me utkowi, me waina, hnyi anyidra je bijeû: ke adre me ca ûnykûme ge huliwa anyi Iehova, kʼ adre ca hia but ûnykûme bi huliwa anyin li hnyamen.

Jeremia 14:10

Walang hna ha hnö Iehova, ka tavat ang, ka habe, Helâe, e wedra he ka he baû: adre me ca hia but behânâ bi je cadra: anyin a wale ame ca he bi Iehova ka kop ödra; e ame he walang ang ka ûnykûme anyidra monu, me senâ anyidra je hulo.

Jeremia 16:17

Anyin a e hnyi hon dedra je gethen hia li emakök: ödra ca iyong hnyi hnyimakök, ke adre ca ikhâlâ gak hwakecidra ae kong.

Jeremia 17:1

ADRE hia but sihnalimen hulo anyi Juda ge pen fao, me homakan samira: adre kave hnyi viny je hnyekudra, me hon je baitoiny anyibun je taben hut;

Jeremia 2:19

Ame he ka thao u hnen bi ânyâm hulo, ke ame he ka û u hnen bi hnâm je hna kolu: anyin a wale khanö u thö me wâ ûnyi ae hiny me kong, wale ge hnâm hna digic Iehova a Khongom, ke u je outö nya, haingen Than Iehova tuhan sabaoth.

Jeremia 32:19

e beönua hnyi ûhnenamö, me maniny huliwa: at ame wâ ge li emakan ta je gethen hia deny tavat; me me ve ham ka tavat ûnyi ae ûcû me dedra ta je gethen me hoton wan anyidra ta je huliwa:

Jeremia 4:18

Hnen dem je gethen me hnâm hna ânyâ hna ohwâdâ köu ta je ûnyi eling; wale ânyâm hulo: anyin ae hiny e; ame o but ka hnyi hnyekom.

Jeremia 44:21

Haba utö ae bo so öbun e le hnyi je tauniny Juda me je getheniny Jerusalema, öbun me lakamöbun, me latuhöbun, me anyibun je taben, me tavat aten hnyei, hawa, ame ca ûnykûme e Iehova, me ip hnyi hnyekon?

Ezekiela 21:29

Adre me wâ iyawoâ hobi köu, adre me bi khong thoi hobi köu, he ka ip u hon nyin tavat ae kong adre kot moko, wale a o but bongudra bong, hnyi ûen umö hwakecin ae kong.

Hosea 12:2

Ke hu ivino anyi Iehova me Juda, ke e ame he ka bi hwaban kö Jekob hoton deny je gethen; e ame he ka bi hwaban kâu hoton hnen hna ânyâ.

Hosea 4:9

Kʼ ame he bi ka khaca bongon tavat me at bihut: ke oge me he ka bi hwaban kodra hoton dedra je gethen, me bi hwaban kodra hoton anyidra je huliwa.

Hosea 6:2

Hwaban lo li bong e ame he ka omeli öta: ke hnyi bong a kuniny e ame he ka höi öta, mʼ ate me he ka mot hnyi hnyimakan.

Hosea 8:13

Ke haba je bwihlany adre me hudo könya, adre me hudo utiö me an e; ke ame ca he Iehova ka kop ödra: e ame he walang ang ka ûnykûme anyidra hulo, me bi hwaban hwakecidra ae kong; adre me he ka hmetu Aigupito ai.

Hosea 9:15

E hnyi Gilegala hwakecidra ae kong; anyin oge me hûkötiʼ ödra eling: ke oge me he ka obʼ ödrâ ûnyi hnyi umök uma, can anyidra ta je huliwa ae kong: oge me ca he hmetu bi ka betenge gadra; tavat ûkhin fuc je latuhödra hia.

Hosea 9:9

Adre me ka oikiki ödra, helâji me hnyi je bong bongu Gibea: ke e ame he ka ûnykûme hwakecidra ae kong, me bi hwabananyidra je hulo.

Amosa 8:7

A hia but Iehova khemanyinâ ûnuainy Jekob, ka habe, E hnathu oge me ca he balua ka hnying anyidra ta je huliwa.

Jona 1:2

Todrö he thö Nineve ai, wale taun ae gan, me fuc hwege ûcon; anyin a o but hnyi hnyimakök anyidra monu.

Numera 32:23

Ke öbun e ne ca ânyâ e, me wâ bi, öbun tavat hulö kö Iehova: ke wâhmakhmeto ju öbun, a gʼ ame he ka omanenʼ öbun ge anyibun hulö.

Luka 12:2

Anyin ae ba ûnyi adre me ikhâlâ ame ca he bi ka manen: ke ba ûnyi ae iyong adre me ca he ka wâ.

I. Korinito 4:5

Anyin a wale, ca he ka ûnykûme ke ûnyi ke tiga hia bi ûen, e më o but Than, at ame he ka omelamâ ta je ûnyi ae iyong hnyi lit, me he ka omanenâ ta je ûnykûmenen hnyok; wale mʼ adre me he ka ve haisoâ ûnyi ge Khong.

Deuteronomi 32:29

Ödra na metâ ju, me wâhmakhmeto ûnyi eang, Mʼadre me he ka ûnykûme obiny ködra!

Heberu 4:13

Ke ca iyong bi ke unyi adre op hnyi hnyimakan: ke ame ve he thu me manen wia but ta je ûnyi hia thithö ka hnyi li emakan at, wale ate me he ka ve omanenâ kâu hwakecita.