Hosea 7:16 - Iaai Bible 1901 (New Caledonia)

¹⁶ Adre me hmetu ke ca kâu bi ethö gorany; ödrin ûcû me cafana ae iyawo; kʼ ame he anyidra je taben ka ta ge hele vat can ae hwege ifucidra: wale hnân hlumʼ ödra hnyi hnyei Aigupito.

Hosea 7:16 ပူးပေါင်းရင်းမြစ်များ

Salamo 12:3

Ame he Iehova ka subâ degecâ ta je esongot hia ae ûtakû, Me bohmen minya ame fuc bi gan:

Salamo 12:4

Waleji tavat adre me ha, ka habe, Ame he ka tuhmun ge je bohmöhmun; E unyihmun bi je esongodihmun; ia tuhöhmun?

Salamo 12:5

Can adre okongoâ tavat vec, can mâng anyin tavat ae theduoc, Oge me he ka todrâ walang ang, baingö Iehova; Oge me he ka ip wia at wale adre me tûâ.

Salamo 17:10

Adre me lan ödra bi ge anyidra pipikhenya, Kʼ adre me hobeluʼ ödra ge je hnyimödra bi.

Salamo 52:2

Haba bohmâm ame penapena hwakecin ae ti kong, Helâ me heleûgi ae so hwan, kʼ ame huliwa iyawâ.

Salamo 57:4

E ʼû hanuk hnyi wanben ta je liona; Oge me mokut unyin tavat adre me hiâ, Wale lakon tavat a je ö me fana ta je nyudra. Ke haba bohmödra me hele vat ae so hwan.

Salamo 73:9

Adre me fuc goranyai ka hnyi drany, Kʼ ame ngenu eang hmeledran je bohmö-dra.

Salamo 78:37

Anyin ae ca wisa hnyekudra kâu, Kʼ adre me ca hnathu bi ka hnyi hna ûhihinyköu mē.

Salamo 78:57

Ke adre me hmetuhmetu me iyâwâ helâ me lakamödra: Adre me saû but helâ me cafana ame onua.

Isaia 3:8

Anyin ame hangâ but Jerusalema, ke Juda ame ü: anyin ae iwahnaihmiony me Iehova je bohmödra me anyidra je huliwa, he ka ohinyâ li emakan ae hmanenang.

Jeremia 18:18

Me adre me ha, ka habe, Ai öbun mʼ ate me he ka ânyâ je bihihwakecin kö Jeremia; anyin ame ca he ka hia hnanyibu unyin at bihut, me ûhnenamö unyin at ae metâ, me hofuc ûnyi ge perofeta. Ai öbun, ate me he ka kot e ge bohmen, ke ca he bi öta ka tevehlöng bi hwan ta je hofuc.

Jeremia 3:10

Ke so bi, hnyi ta je ûnyi e hia, haba liamekeiny më, jia Juda at iyawo, ame ca hmetu könya me hnyekon ae bekhot, ke ame thoi, haingö Iehova.

Jeremia 42:18

Anyin a walang hna ha hnö Iehova tuhan sabaoth, Khongu Isaraela, ka habe, Oge hia but hingâlâ anyik hmonyin me anyik wathethot hon tavat adre me laba hnyi Jerusalema, helâe oge me he ka hingâlâ anyik wathethot hubun, öbun ka he ka he Aigupito ai; ke öbun e he ka hnân oû, me kuko, me hângâ, me haikongo; ke öbun e ca he hmetu ka wâ hnyei ang.

Ezekiela 23:32

Walang hna ha hnen Than Iehova, ka habe, U me he ka ijem kaia belen tuhâm, wale ae dit ke gan hnyin: kʼ adre me he ka hlumö u, me hiö u; e gan hmâ onyen.

Ezekiela 36:20

Ke hnyi ûen adre me o ka hnyi je hnyei, waleji adre me he ka hnyin, me adre me okongoâ iök ae kap; anyin ame ha tavat gadra, ka habe, Ta je atö Iehova ang, kʼ adre me he but ûhedra hnyi iny hnyei.

Daniela 7:25

Ke e ame he ka fuc bi gan kö Beönua, me ovecâ tavat ae kap anyi Beönua: ke e ame he ka ûnykûme ka wia je ûen, me je hnanyibu; ke adre me he ka hnʼ ödrin ka hnyi hnyamen, ke ne o but ame o ke ûen me li ûen, me haf ûen.

Hosea 11:5

E ame ca he bi ka hmetu ka hnyi hnyei Aigupito; kʼ ame he bi at Asuria ka tuhan, anyin adre me höcö he ka hmetu.

Hosea 11:7

E hwege lakeik he ka digic nya: eja ke ne adre ne hongot kö Beönua, me ba at a khaca ame he ka ogânâ e.

Hosea 6:4

Eferaima lö, ie ûnyi oge me he ka ânyâ köu Juda lö, ie ûnyi oge me he ka ânyâ köu anyin ae ûcû anyibu so me ûlâ hnyi hnyomakatu, ke helâ me dân hau ae logot hia.

Hosea 7:13

Ekölö gadra! anyin adre hia but he monu gak; hangʼ ödra but! anyin adre hia but hanyâûâ gak: oge me beûcû melidra, ke adre me sit hofuc thoi bi gak.

Hosea 9:3

Adre me ca he ka labâ hnyei i Iehova; he ame he Eferaima ka hmetu Aigupito ai, me an je meno ae ikiki hnyi Asuria.

Hosea 9:4

Adre me ca he ka hingâlâ waina kö Iehova, ke e ame ca he ka senyin kodra: haba anyidra je hut e ûcû me han anyin tavat adre me hnyamok ködrin; adre me he hia ka kong tavat adre me an e: anyin a haba ö ʼdra jeû me hnân behan bi, ke ame ca he ka o ka hnyi uma umo Iehova.

Hosea 9:6

Anyin a wâ bi adre me he me degec hna ûhangö, ke so ame he Aigupito ka ûkhacaköu ödra, kʼ ame he Nofi ka konim ödra: haba hnen anyidra je sileva ae hmanenang, me ame he ka watetaföcö: kʼ ame he ka hnen iwadekong hnyi umödra je uma mano.

Malaki 3:13

E hwege ifucibun ûcûk, haingö Iehova, Ke haingöbun, ka habe, Ieû öhmun e ha gam?

Malaki 3:14

Öbun e hia but ha, ka habe, E ûnyi baû he ka bi athnyaba ka Khong: ke ieû troban hnöta hna tuö hnen je hna otilâ, me tenge tot hnyi hnyimakö Iehova tuhan sabaoth?

Mataio 12:36

Ke inya oge me ha köbun, a haba ta je hofuc baû hia ame ha hnen at, me adre me he ka ha hmetu hnyi bong owisa.

Luka 8:13

Haba keihen hon dok ae hudei, me wale tavat adre me long me kap hofuc me senyin; ke ba wân gadra, ke ca beû bi anyidra labageju ke adre me ta ju hnyi ûen ûcûbic.

Iakobo 3:5

Ke helâe minya bohmen ûnyi ne ûhnyûkong hmonyin, ke e ame hobeluâ ta je ûnyi ae gan. Wâ bi ûganiny hnyot ame hiâ ge wahleûhleûiny meic ae ûhnyûkong!

II. Peteru 2:8

(anyin a haba at e ae wisa hwakecin, me ame tha laba mʼödra, me wâ, me löng, me ohmâkâ hnyekon ae wisa hnyi je bong ge anyidra ta je huliwa ame hanyâûâ hnanyibu):

Hna Omanenâ 13:5

ke adre me ham kâu hnyem, me ame ha ta je ûnyi ae gan, me je bi gan ka Khong; kʼ adre me ham kâu man he ka huliwa hnyi fâte tu je tehi.