Hosea 7:13 - Iaai Bible 1901 (New Caledonia)

¹³ Ekölö gadra! anyin adre hia but he monu gak; hangʼ ödra but! anyin adre hia but hanyâûâ gak: oge me beûcû melidra, ke adre me sit hofuc thoi bi gak.

Hosea 7:13 ပူးပေါင်းရင်းမြစ်များ

Nehemia 1:10

Ke walang ang lathnyabaem me lakem, waleji u je omelö ge manâm man ae gan, me hnyamâm ae hwege.

Jobu 22:17

Wale hnyat adre me ha, ka habe, Ûsâkâûö but möhmun; Ke, Ieû ae khana Ataekhanahia he ka ânyâ hnân hobi kohmun?

Salamo 106:10

Ke e ame omeli ödra ûnyi hnyi hnyamen at ame hûkötiʼ ödra, Me omeli ödra ûnyi hnyi hnyamen iwahnaihmiony.

Isaia 30:1

EKÖLÖ ge tavat adre me ûkhin fuc, ame ha Iehova, tavat adre me elâm bongon, ke ca ûnyi bi gak; adre me tube hnen ûnyi hnân tube, ke ca ûnyi bi ge hanuk, mʼ adre me he ka bi hanen hulo ka hulo:

Isaia 30:2

tavat adre me he but he ka he Aigupito ai, me ca elâm bi unyik; he ka ohwegi ödra ge tang hwegiö Farao, me labageju ka hmenon Aigupito!

Isaia 31:1

EKÖLÖ gadra tavat adre me he Aigupito ai, he ka hok ûhadruo, me labageju ka ta je hors; me labageju ka ta je kariota, anyin ae se hia: me labageju ka tavat tabö hors, anyin a ödra ti hwege; ke adre me ca bwela ka Kabi Isaraela, me ca elom Iehova!

Isaia 41:14

Ca ot bi u Jekob a waahnyöng, ke öbun tavat Isaraela; haingö Iehova, ka habe, Oge me he ka hadruo u; ke haba at ûhomeli u, me Kabi Isaraela.

Isaia 43:1

KE walang ang, walang hna ha hnö Iehova at a up u Jekob, me at a huliwön u Isaraela, ka habe, Ca ot bi, anyin a oge hia but ûcö ânyâm möt; oge hia but hawâ iâm, anyin a atök ut u.

Isaia 59:13

wale hnyi hnöhmun hna hanyâûâ me ivino Iehova, me hmetuhmetu ge Khonguhmun, me ha ûöveci me thu musi, me ûnykûme me ha ûnyi hnyi hnyok je hofuc ae thoi.

Isaia 63:8

Anyin a e ame ha, ka habe, E hnathu, ta je atök ödra, a je wanakat adre me ca he bi ka ânyâ iyawo: me me at omeli ödra bi.

Jeremia 14:10

Walang hna ha hnö Iehova, ka tavat ang, ka habe, Helâe, e wedra he ka he baû: adre me ca hia but behânâ bi je cadra: anyin a wale ame ca he bi Iehova ka kop ödra; e ame he walang ang ka ûnykûme anyidra monu, me senâ anyidra je hulo.

Jeremia 42:20

Anyin öbun e hia but iyâwʼ öbun bi; anyin a öbun e kunö nya kö Iehova Khongubun me ha, ka habe, Hic dö hobi kohmun kö Iehova Khonguta; ke ohmun e be ka ânyâ hia hoton hofuc ame he Iehova Khonguta ka ha köu:

Jeremia 51:9

Ate me beomeli Babulona, kʼ ame ca mot bi: hna but e, ke ate me he ka ve he ka hnyi ta je ita; anyin a haba hwaban bi, me ke ne o but ka hnyi drany, kʼ ame o but ka hnyi ta je ûlâ.

Jeremia 7:15

Ke oge me he ka digic öbun ûnyi hnyi hnyimakök, helâji me hnok hna degec je liamekeiny möbun hia, je mâtrâni Eferaima hia.

Je tenge anyi Jeremi 5:16

Ame kolu but korona ûnyi hnyi hon ta je böhmun: Ekölö gahmun walang ang! anyin ae kong ut hwakecihmun.

Ezekiela 16:23

Ke hwaban ânyâm ta je hulo hia, (ekölö, ekölö gam! haingen Than Iehova,)

Ezekiela 18:2

Anyin a ieû öbun e oûco hnyei Isaraela, me ha, ka habe, Haba lakamen adre hia but ijem wan vine ae but me ame miminy bi nyon je lakon?

Ezekiela 18:25

Ke so bi, öbun e ha, ka habe, E ca ûcû hna ânyâ hnen Than. Lap anyi Isaraela lö, long ju walang ang: Hawa e ca ûcû hwakecik? hawa e ca hwali bi hwakecibun?

Ezekiela 34:6

Haba halek je mamoe adre me he monu hon je bucen me je hut hia ae gorany: eke, ame vese thö halek ta je mamoe hon hmeledrany hia thithö; ke ba at ame elâm me hnö.

Hosea 11:12

Eferaima ame wadrö nya ge thoi, me lap anyi Isaraela ge tang iyawo: ke haba Juda e ame tiga tha musi me Khong, ke ame hnathu ka At ae Kap.

Hosea 11:2

Adre me hawʼ ödra, me adre me he but ûnyi gadra: adre me bi hut ka je Baala, me leû uto ae bo so ka je idola.

Hosea 5:7

Adre hia but iyawo kö Iehova; anyin adre hia but hnokoâ je lakudra a je atkanyua: ke walang ang ame he tehi a teb ûnyi ka ön ödra me je jekhoûdra.

Hosea 7:1

KE oge me be ometo Isaraela, me ame manen bi thö hwakecin ae monu anyin Eferaima, me hulo anyin Samaria; anyin adre me thoi: ke ame didro tavat: venöu, ke haba deö at venöu adre me soh eû hnyou.

Hosea 7:3

Adre me osenyinâ than ge anyidra bi monu, me je taben hnen anyidra je thoi.

Hosea 9:12

Eja ke ne adre ne hat je lakudra, me oge me he bi nya ka ohiʼ ödra unyin tavat, me me ba hmetu at a kolon: eke, ekölö gadra bi, iny ka he ka digic ödra!

Hosea 9:17

Ame he bi Khonguk ka hota degeci ödra, anyin adre me ca long kâu: me adre me he ka he baû hnyi wanben ta je hnyei.

Jona 1:10

Me ame ot gan hmâ tavat me ha kâu, ka habe, Ieû ke ûnyi ang u je hia but ânyâ? anyin ae khana but tavat a e ame kec ge hnyimakö Iehova, anyin a e ame hia but thumetu ödrin.

Jona 1:3

Me haba Jona ame tpdrö me kec Tasesa ai ge hnyimakö Iehova; ke e ame he Jopa ai, me wâ ke hu ame he Tasesa ai: ke e ame bi hwaban hna houden e, me dit hnyi hnyin hu, he ka tha kec mʼ ödrin Tasesa ai, ame kec ge hnyimakö Iehova.

Mika 6:12

A unöngötö tavat tren omjeû ge ûokonguny, kʼ ame fuc thoi tavat adre me labâ e, kʼ ame iyawo je bohmödra hnyi je hnyimödra.

Mika 6:4

Anyin oge hum u ûnyi hnyi hnyei Aigupito, me omeli u ûnyi hnyi hnyaba ûthaluo; ke oge kunö Mose me Arona, me Miriama hnyi hnyimakâm.

Mataio 23:37

Jerusalema, Jerusalema lö, at ame hlingâ ta je perofeta, me lûâ tavat adre me kunâ kâu! iny ibi osehia wek he ka ûkha-caköuâ lakom helâ me hinyen denakhoto ame tube lakon ge li labenyin, mʼ öbun ka höcö öbûn!

Deuteronomi 15:15

Ke u me he ka ûnykûme a gʼ adre thaluö u hnyi hnyei Aigupito, ke Iehova Khongom ame omeli u; anyin a wale, inya oge me hûna köu hofuc e hnyi bong ang.

I. Ioane 1:10

Ate me ne ha, ka habe, ate me ca hia but hnyi ânyâ hulo, awe, ate me wia e me at thoi bi, ke haba hwan hofuc, me ca eû hnyi je hnyekuta.

Hna Omanenâ 8:13

Ke oge me wâ me löng ke aeto ame gâ hnyi wanben drany, kʼ ame ha ge hwan ae hwege, ka habe, Ekölö, ekölö, ekölö ge tavat adre me laba hnyi hmeledrany ûnyi hnyi ifucin ke ta je trutru ame he ka tûâ biju hnen ta angela a kun.