Hosea 7:11 - Iaai Bible 1901 (New Caledonia)

¹¹ Ke e ûcû Eferaima me biny ae ûnyibaû me ba hnyekon: adre me hongot ka Aigupito, me he Asuria ai.

Hosea 7:11 ပူးပေါင်းရင်းမြစ်များ

II. Je Than 15:19

Ke ame o but Pula than Asuria he ka vat me hnyei; ke haba Menahema ame ham kö. Pula khaca thauzan talan sileva, me me hadruâ e he ka ohmâ dökhu unyin.

II. Je Than 16:7

Haba Ahaza ame kunâ je ûthumetu kö Tigelathi-pilesera than Asuria, me ha, ka habe, Inya ang athnyabaem me nokom: aiö u, me omeli nya ûnyi hnyi hnyamen than Suria, me ûnyi hnyi hnyamen than Isaraela, hnyat adre me tot könya.

Ta je Vejec 15:32

Haba at ame hmiân hna ûne me ame ka hmiân e bi: Ke haba at ame long hna nâ, me ame he ka hu ûne gan.

Ta je Vejec 17:16

Hnân eû hwaban hnyi hnaymen at ae monu he ka ûcû metâ, Ke ba hnyekon bi?

Ta je Vejec 6:32

Ke haba at ame bi ûnyi monu me momo, e at ae ba hnyekon; E ame ânyâ ke ûnyi wale ame he ka ohia hanon bi.

Jeremia 2:18

Ke walang ang ieû u me ânyâ hnyi gethen ûheny Aigupito, he ka ijem köiöiny Sihora? ke ieû u me ânyâ hnyi gethen ûheny Asuria, he ka ijem köiöiny Wagewe?

Jeremia 2:36

Anyin a ieû u me labö ngenu monu gan me wia dem je gethen? u me he ka hmehma ge Aigupito, helâji me hnâm hna hmehma ge Asuria.

Hosea 11:11

Adre me he ka o me öbubuny helâ me meno ame gâ ûheny Aigupito, ke helâ me biny ûheny hnyi hnyei Asuria: ke oge me he ka olabʼ ödra hnyi hnyin umödra je uma, haingö Iehova.

Hosea 12:1

EFERAIMA ame an ang, me wadring hoton ang hwei: e ame osehia thoi me öba wan hnyi je bong; ke ödrin e ûhi-hinyköu me at Asuria, me hok wakaco Aigupito ai.

Hosea 12:2

Ke hu ivino anyi Iehova me Juda, ke e ame he ka bi hwaban kö Jekob hoton deny je gethen; e ame he ka bi hwaban kâu hoton hnen hna ânyâ.

Hosea 14:3

Ame ca he Asuria ka omeli ohmun; ohmun e ca he ka tabâ je hors: ke ohmun e ca he hmetu bi ka ha ke je huliwa anyin je hnyamöhmun, ka habe, Obun je konguhmun: anyin ame wâ unyâm betenge ge tavat a mokcu kamödra.

Hosea 4:11

Haba ûnyi ame hûgûnâ hnyok, me wale bi ûnyi monu, ke waina, ke waina ae teb ûnyi.

Hosea 4:6

Adre me ohia lakeik anyin ae ba wâhmakhmeto: anyin a u je hia but hna degecâ wâhmakhmeto, awe, oge me he bi nya ka hna degeci u, inʼ u me ca at bihut könya: anyin a u je hnying hnanyibu anyin Khongom, me oge me he bi nya ka hnying lakom.

Hosea 5:13

Ke a wâ but Eferaima anyin mok ke a wâ but Juda hnân aat, me haba Eferaima ame he Asuria ai, kʼ ame ûkhûnöng kö Jareba than; ke ca khana bi he ka omeli u, me ometo hnobun aat.

Hosea 5:4

Haba anyidra ta je huliwa ame ovheli ödra he ka hmetu ka Khongudrin: anyin a e unyidra weny he ka bi ûnyi monu, ke ca khanʼ ödra but Iehova.

Hosea 8:13

Ke haba je bwihlany adre me hudo könya, adre me hudo utiö me an e; ke ame ca he Iehova ka kop ödra: e ame he walang ang ka ûnykûme anyidra hulo, me bi hwaban hwakecidra ae kong; adre me he ka hmetu Aigupito ai.

Hosea 9:3

Adre me ca he ka labâ hnyei i Iehova; he ame he Eferaima ka hmetu Aigupito ai, me an je meno ae ikiki hnyi Asuria.

Hosea 9:6

Anyin a wâ bi adre me he me degec hna ûhangö, ke so ame he Aigupito ka ûkhacaköu ödra, kʼ ame he Nofi ka konim ödra: haba hnen anyidra je sileva ae hmanenang, me ame he ka watetaföcö: kʼ ame he ka hnen iwadekong hnyi umödra je uma mano.

Obadia 1:7

Adre hia but hum u hnyi gethen hnen lahiâm hia, wale ka hnyi hnyigot: adre hia but iyawo u, me hwege hom, tavat adre ûsoköu möu; adre lau hnewe hobi köu hnen tavat adre me an âm jeû: e ba bi metâ gan.

Mataio 10:16

Wâ bi, inya oge me kunʼ öbun helâ me ta je mamoe hnyi wanben ta je luko: anyin a wale metâ but öbun helâ me ta je on, me menyik helâ me ta je biny.