Hosea 7:10 - Iaai Bible 1901 (New Caledonia)

¹⁰ Ke ame ohnatho hnen bi gan anyin Isaraela hnyi hnyimakan: ke so bi adre me ca hmetu bi kö Iehova Khongudrin, me elâm e, hnyi je ûnyi hia eling.

Hosea 7:10 ပူးပေါင်းရင်းမြစ်များ

Salamo 10:4

Haba at ae kong, ûnyi hnyi bi ganiny hnyimakan, ame ha, ka habe, E ame ca he ka elâm e. Ke haba hnen je hna ûnykûme hia, ka habe, E ba bi Khong.

Salamo 14:2

Iehova ame bwele jem ethö hnyi drany ka wâ lakon at, Me me wâ thö, hawa, e hu at ame wâ ûnykûme, A at ame elâm Khong.

Salamo 53:2

Haba Khong ethö hnyi drany ame wâ lakon tavat, Me me wâ thö, hawa, e hu at ame wâ ûnykûme, Me elâm Khong.

Ta je Vejec 27:22

U je ne oamemâ at ae monu ge utö tha e me hwit hnyi hnyin kumete, Me ame ca he ka hia gan anyin hwen monu.

Isaia 9:12

at Suria hnyi hnyimakodra, me at Filisiti hotudra ai; ke adre me he ka uto Isaraela ge hnyem ae memang. Ke hnyi ta je ûnyi e hia, e ame ca hwio hnyi anyin hmonyin, ke ame lau bala bi hnyamen.

Isaia 9:13

Ke so bi ame ca hwio tavat kâu at ame kuc ödra, ke haba khaca adre me ca elom Iehova tuhan sabaoth.

Jeremia 3:3

Anyin a wale adre behânâ je uth we, ke ba but we a biliny; ke hu gam bariny momo hnyi gethen, u je ca hmehma bi

Hosea 13:14

Oge me he ka hûgûnʼ ödra ûnyi hnyi maniny erkemok; oge me he ka omeli ödra ûnyi ge mok: Mok lö, ewa ânyâm je ûokonguny? Erkemok lö, ewa hnâm hna ûhangö? adre me he ka ikhâlâ ietra ge li emakök.

Hosea 5:5

Ke haba bi gan anyin Isaraela ame ohnathoâ hnyi hnyimakan: anyin a wale ame he ka tha ta Isaraela me Eferaima hnyi anyidru hulo; kʼ ame he minya Juda ka ta unyidru.

Hosea 6:1

A I öbun, ate me he hmetu kö Iehova; anyin a e ame hia but oloû kia, me e ame he ka ometo; e ame hia but kot, kʼ ame he bi ka lan.

Hosea 7:7

Ödra kahwa hia but helâ me wahnainyâ, ke adre me ohia tavat owisʼ ödra; a ta but anyidra je than: e ba ke at gadra ame hongot könya.

Zefania 1:6

ke tavat adre me hmetu unyi Iehova; ke tavat adre me ca elöm Iehova, me ca hnö e.

Zakaria 1:4

Ca he öbun ka helâ me lakamöbun waleji adre me hongot ka ta je perofeta kâû adrem, me ha, ka habe, Walang hna ha hnö Iehova tuhan sabaoth, ka habe, Hmetu ju öbun walang ang ûnyi hnyi debun ta je gethen ae kong, ke anyibun je huliwa ae kong: ke adre me ca long bi, kʼ adre me ca tevehlöng könya, haingö Iehova.

Roma 3:11

E ba at ame wâ ûnykûme, E ba at ame elâm Khong;