Hosea 6:9 - Iaai Bible 1901 (New Caledonia)

⁹ Haba bunyen a tavat bi hut adre me ûhlingö hnyi gethen ûheny Sekema, helâ me tavat sei adre me mokulec at: eke, adre hia but ânyâ ûnyi ae ikiki.

Hosea 6:9 ပူးပေါင်းရင်းမြစ်များ

Genese 12:6

Ke Aberama ame vheno hnyei ke ne o but hnyi Sekema, hnyi iwajo anyi More. Ke ka e at Kanana hnyi hnyei.

I. Je Than 12:25

Ke haba hnyi ûen e Jeroboama ame op Sekema hnyi hnyei ae hut hnyi Eferaima, me laba eling: ke e ame he ûheny e me op Penuela.

Ezera 8:31

Me öhmun e he ûheny hnyi wagewe Ahava hnyi bong a twelviny tehi a bân, he ka he Jerusalema ai: ke ka e huhmun hnyamen Khonguhmun, me e ame omeli öhmun ûnyi hnyi hnyamen je iwahnaihmiony, me at ame laba duöng eû hnyi gethen.

Jeremia 11:9

Ke haba Iehova ame ha könya, ka habe, Adre wâ hna ûhnehnamö duöng unyin at Juda, me aten Jerusalema.

Ezekiela 22:25

Anyin je perofeta adre me si hnân hnyi wanben, helâ me liona ame kuku ame oloû kia haniny: adre hia but an at; adre me hûgûnâ omjeû, me ta je ûnyi ae ûnyi hnathu; adre hia but osehia je safaciny hnyi wanben e.

Ezekiela 22:27

Haba je taben hnyi wanben e, me helâ me je luko adre me oloû kia je hanidra; he ka hingâlâ dra, me ohia at, mʼ adre me hu omjeû a deny ta je ûnyi ae ca ûcû.

Ezekiela 22:9

E hnyi wanbâm ehac tavat bifuco thoi mʼ adre me hingâlâ dra: ke e unyâm hnyat adre me han hon je bucen: kʼ adre hia but ânyâ ûnyi ae ikiki hnyi wanbâm.

Ezekiela 23:27

Helâe oge me he ka bi obiny hwakecâm ae ikiki, me hnam hna bi ûnyi monu, waleji ge ûhem Aigupito: mʼ u me ca he ka bwele ka ta je ûnyi e, me ûnykûme hmetu ka Aigupito.

Hosea 2:10

Ke walang ang oge me he ka omanenâ hwakecin ae ikiki hnyi hnyimakan laweny, ke ba at ame he ka hûgûnâ e ûnyi hnyi hnyamok.

Hosea 4:2

Adre me khemanyin thibi, me thoi, me hlingâ at, me venöu, me bi ûnyi monu: kʼ adre me utut, me dra ame kâlâ dra bi.

Hosea 5:1

TAVAT bihut lö, long ju hofuc ang; lap anyi Isaraela lö, löng ju; lap anyin than lö, tevehlöng ju, anyin adre ha hwaban köbun; anyin a hnewe öbun ka Mizepa, me ert adre thong hon Tabora.

Hosea 5:2

Ke haba tavat thu musi adre me ûhlingö gan hmâ; ke inya bi at û ödra hia.

Hosea 7:1

KE oge me be ometo Isaraela, me ame manen bi thö hwakecin ae monu anyin Eferaima, me hulo anyin Samaria; anyin adre me thoi: ke ame didro tavat: venöu, ke haba deö at venöu adre me soh eû hnyou.

Mika 3:9

Ö öbun long ju ang, öbun je at hnathuiny lap anyi Jekob, ke tavat owisa ka lap anyi Isaraela, tavat hûkotiâ hna owisa, me ohwalö ta je ûnyi hia ae ûcû.

Mika 7:2

E hia but at ae so eang hmeledrany, ke ba at ae fofâ unyin tavat: ödra hia adre me mokut he ka mâdrâ dra; adre me ve hnu je lawaedra ge ert.

Zefania 3:3

Haba anyin je taben unyin, me helâ me je liona ame kuku; anyin bi tavat owisa, me helâ me je luko adre o hnyi sahac; adre me ca hna kolon bi hobi kâu nyi.

Mareko 14:1

HWABAN lo li bong adre me he ka bi paseka, me areto adre ca levenâ bi: haba je taben tavat bihut me hnyat sihnalimen, adre me heleû deny he ka kât e ge hofuc iyawö, mʼ adre me he ka hlingâ e:

Ioane 11:47

Me haba je taben tavat bihut me ta je Faresaio adre me hawâ ûhnenamö, me haingödra, ka habe, Hawa gata? anyin ae se hia but ta je ûöman ame ânyâ at e.

Ta je huliwa 4:24

Ke ödrin e hia but long, me ödrin e ha ka Khong hnyi hnyok a khaca ke hwege ifucidrin, ka habe, Tabony Than lö, u thibi at a op drany me hmeledrany, me köiö, me ta je ûnyi hnyin: