Hosea 6:8 - Iaai Bible 1901 (New Caledonia)

⁸ Gileada taun anyin tavat adre me ânyâ hulo, kʼ ame kong ut ge dra.

Hosea 6:8 ပူးပေါင်းရင်းမြစ်များ

II. Samuela 20:8

Ke ödrin e o but hnyi veto ae gan hnyi Gibeona, me Amasa ame o he ka ûkhanö mödrin. Ke Joab ame weikâ ge ûkhaûen vat, wale e ame khavâ, ke hnyi hon e wen hnyekon me hele vat adre ohmâ ka hnyi li jevan hnyi tangen; ke e ame tiga he me ame kolu but hele vat.

II. Samuela 3:27

Ke ame hia hmetu Abinera Heberona ai, me haba Joab ame tha saû but mē hnyi homagöule he ka ûhnenamö duöng, me ame dâ e eling hnyi hnyekon, me ame mokcu, can drö Asael liamekeiny mē.

I. Je Than 2:5

Ke haba khaca, e khanö u but waleji a ânyâ könya Joab nöku Zeruia, waleji e ame ânyâ ka li taben vat anyin at Isaraela, jia Abinera nöku Neri, me Amasa nöku Jether, a li at e ame hlingâ, me hingâlâ dren vat hnyi ûen hnahic, me ip dren vat hon wen hnyekon hnyi hnyin, me hnyi tangen hnyeûcan hnyi li can.

Salamo 10:8

E ame laba tue hnyi je dok ae iyong hnyi je taun: E ame hlingâ tavat ae ba hnyikongon hnyi ta je dok ae nuong: Haba li emakan ame ecmâkâ tavat adre me okongoâ.

Salamo 141:4

Ca ohmehmela hnyekuk ka hofuc ae kong, He ka tha ânyâ hwakecin ae kong Me tavat adre me ânyâ hulo: Ke ca hnö nya he ka an ö ʼdra jeû ae senem.

Salamo 59:2

Omeli nya but ûnyi ge tavat adre me ânyâ ûnyi ae kong, Ke omeli nya thö ûnyi ge tavat adre me behingâlâ dra.

Isaia 59:6

Kʼ ame ca he bi ka ûkhaû anyidra je ûhaihnâ, ke adre me ca he bi ka tubi ödra ge anyidra ta je huliwa: haba anyidra je huliwa, me je huliwa ae kong, ke e bi hnyi hnyamödra ûokonguny.

Jeremia 11:19

Ke iny ûcû me nokon mamoe ae hnam adre me lelö he ka hlingâ; ke ca khanö nya bi, a gʼ adre me ip je hna ûnykûme könya me ha, ka habe, Ate me he ka tha ohia ûo me wan, ke ate me he ka subâ degecâ e hnyi hnyei iny tavat ae mot, mʼ adre me ca he hmetu ka ûnykûme ien.

Hosea 12:11

E kong ut Gileada? e hnathu ödra ûnyi baû; adre me hudo je bolok hnyi Gilegala: eke, haba anyidra je taben hut me helâ me je! vetaûnyi hnyi je deny utetebelökiny ta! hnyei.

Hosea 12:12

Ke haba Jekob ame kec ka hnyi utkânâ hnyi Aram, kʼ ame huliwa Isaraela hnân he ka bi hwaban momo, kʼ ame tuö mamoe hwaban âiân.

Hosea 4:2

Adre me khemanyin thibi, me thoi, me hlingâ at, me venöu, me bi ûnyi monu: kʼ adre me utut, me dra ame kâlâ dra bi.

Hosea 5:1

TAVAT bihut lö, long ju hofuc ang; lap anyi Isaraela lö, löng ju; lap anyin than lö, tevehlöng ju, anyin adre ha hwaban köbun; anyin a hnewe öbun ka Mizepa, me ert adre thong hon Tabora.

Mika 7:2

E hia but at ae so eang hmeledrany, ke ba at ae fofâ unyin tavat: ödra hia adre me mokut he ka mâdrâ dra; adre me ve hnu je lawaedra ge ert.

Ta je huliwa 25:3

me sumâtâ e he ka betenge kodra hu Paulo, me he ka kunâ e Jerusalema ai; mʼ adre me he ka mokut duöng eû hnyi gethen he ka hlingâ.

Josua 21:38

Ke ûnyi hnyi tribu Gada, Ramoth hnyi Gileada, taun hnân lubaduöng hnyin ge at ame hlingâ at, me je utkânâiny, me Mahanaima me je utkânâiny;