Hosea 6:6 - Iaai Bible 1901 (New Caledonia)

⁶ Anyin ae wek ibetengiö, ke ca but bi; ke beonuâ he ka wâhmakhmetoâ Khong hon je hudiny leû.

Hosea 6:6 ပူးပေါင်းရင်းမြစ်များ

I. Man Ûlabainy Je Than. 28:9

Ke haba u, Solomona nokuk, khanö u thö Khongon kâmâm, me bi athnyaba kâu ge hnyok ae bekhot me hanu ae weny: anyin a Iehova ame elâm ta je hnyok hia, me wâhmakhmeto ta je hna ûnykûme hia eû hnyi hnyok: u je ne elâm e, me u me he ka wâ e; ke u je ne hna degecâ e, me ame he ka digic u nyiele balua.

Salamo 50:8

Oge me ca he ka nö u ge hnâm hna hi hut; Ke e bala bi hnyi hnyimakök ânyâm ta je hut adre le.

Ta je Vejec 21:3

He ka ânyâ ûnyi ae ûcû me owisa, Me wale ûnyi ae so kö Iehova hon hut.

At Khet 5:1

TUÖ ju li cam u ka he ka hnyi uma umen Khong; anyin ae so he ka hakekeny dö he ka long, hon he ka hudo bi hut anyin at ae monu.

Isaia 1:11

Haingö Iehova, ka habe, Hnân eû könya anyibun ta je hut ae se hia? oge unöngötö ge je hudiny leû a je mamoe baga, me pipikhenyainy je meno adre hat; ke oge me ca senyin ge dren ta je bolok, me lakon mamoe, me je got baga.

Isaia 58:6

Hawa, ca walang bi ca han oge me wek? a gʼ adre me he ka hna baûâ at adre me ca monoâ, ke thang je toiny ûnyi hnân ûhûkâlâköuâ, ke hna baûâ tavat adre me oveci ödra, ke, thamuâ je hna ûhûkâlâköuâ hia thithö.

Jeremia 22:16

E ame owisa ivino anyin at ae theduoc me at ae vec; me ame so but e. Hawa, ame ca wâhmakhmetu nya e? haingö Iehova.

Jeremia 7:22

Anyin oge ca fuc ka je lakamöbun me hûna kodra hnyi ûen oge hum ödra ûnyi hnyi hnyei Aigupito, ge ta je hudiny leû me ta je hut:

Daniela 4:27

Anyin a wale, than lö, e na so ju köu bok hofuc, ke soju monu gam, me ânyâ wisa, ke soju hwakecâm ae kong, ke betenge ju ge tavat ae theduoc; mʼ adre me ne he ka obeûâ hnâm hnahic.

Hosea 14:2

Hom dö je ifucibun ke hmeto ju kö Iehova, ha thö kâu, ka habe, Hom dö hulo hia, me kap ju ûnyi ae so: me ohmun e he ka ham je hudiny hnyi-möhmun.

Hosea 2:20

Oge me he ka hum u könya hnyi hnathu: ke ame he ka khanö u Iehova.

Hosea 4:1

LAKON Isaraela lö, löng ju hofuc ho Iehova: anyin ae hu ivino anyi Iehova me aten hnyei, anyin ae ba hnathu, me ibetengiö, ke ca khanʼ ödra bi Khong hnyi hnyei.

Hosea 8:13

Ke haba je bwihlany adre me hudo könya, adre me hudo utiö me an e; ke ame ca he Iehova ka kop ödra: e ame he walang ang ka ûnykûme anyidra hulo, me bi hwaban hwakecidra ae kong; adre me he ka hmetu Aigupito ai.

Amosa 5:21

Iny höcö me hûkotiâ anyibun je bong bijeû, ke oge me ca he ka senyin hnyi anyibun je ûkhacaköu ae ûnyi hnathu.

Mika 6:6

Ieû oge me he ka oâ hnyi hnyimakö Iehova, ke khudrung ka Khong ae beonuâ? hawa, oge me he ka hom kâu je hudiny leû, je nak kau a khaca hunainy?

Mika 6:8

At lö, e ame hia but omanenâ köu ûnyi ae so ke ie ke ûnyi ame we Iehova gam, ke so bi he ka ânyâ wisa, me hnyokâ ibetengiö, me tha he me Khongom ke hnyok ae hnyikânâ?

Mataio 12:7

Ke a ne khanʼ öbun bongon hna ha, ka habe, Wek a ibetengiö ke ca hut bi, mʼ öbun e ca he ka haikongoâ tavat ae ca monu bi.

Mataio 5:7

Hnahic hnen tavat adre me betenge: anyin adre me he bi ka betenge kodra.

Mataio 9:13

Ke he thʼ öbun ka nâ bongon ang, ka habe, Wek a ibetengiö, ke ca hut bi: anyin oge me ca o he ka hawâ tavat ae wisa ke so bi tavat ae kong.

Mareko 12:33

ke haba he ka hnyok kâu ge hnyekon ae bekhöt, me oûnykûmânen ae bekhöt, me tang hwege ae bekhöt, me he ka betenge ge at ame laba hakekenyâ, helâ me e bi, awe, e ûnyi hnathu e hon ta je hut adre hudo bekhötâ, me ta je hut hia.

Josua 5:5

Anyin adre peritomonâ tavat hia ûhedra Aigupito: ke so bi adre tiga ca peritomonâ tavat hia waleji adre hnokoâ hnyi hnyebuba eû hnyi gethen hnyi ûhedra Aigupito.

I. Ioane 2:3

Ke walang haten a ga khanʼ öta e, ka habe, ate ne löng hoton anyin hnanyibu.

I. Ioane 3:6

Haba at ame laba eû hnyin e ame ca mâdrâ hulo: haba at ame ânyâ hulo, me ame ca hia but wâ e, ke ame ca wâhmakhmetoâ e;

I. Samuela 15:22

Haba Samuela ame ha, ka habe, Hawa, e hu senyin kö Iehova ge je hudiny leû me je hut, helâ me hna löng hoton hofuc ho Iehova? Wâ bi, e beönua hna löng hon hut, me beönua, hna hnu hoton, hon pipikhenyainy je mamoe baga.