Hosea 6:5 - Iaai Bible 1901 (New Caledonia)

⁵ Anyin a wale, oge hia but kucʼ ödra a deny je perofeta; oge hia but hlingʼ ödra ge je ifucin hnyimök: ke ame he but je hna owisa gam helâ me melam.

Hosea 6:5 ပူးပေါင်းရင်းမြစ်များ

Genese 18:25

Ö u ca he ka ânyâ helâe, wale he ka tha omoko tavat ae wisa me tavat ae kong, me me tha ûcû at ae wisa me at ae kong. Ö u ca he ka helâe: hawa ame ca he at owisa hmeledrany hia ka ânyâ wisa?

I. Je Than 14:6

Ke a long ut Ahia hwan li can momo ame dit hnyi hwanuma, me e ame ha, ka habe, Didro, öiö Jeroboama; ieû gam u me iyâwâ me bi ke at? anyin adre me kunö nya me ûthumetu ae ûnyi hnathu köu.

I. Je Than 17:1

KE haba Elia at Tisebi, hanen tavat adre me laba hnyi Gileada, ame ha kö Ahaba, ka habe, Kia inya Iehova, Khongu Isaraela, wale oge me tot hnyi hnyimakan, a ame he ka ba hau, me we hnyi je huna, ke so bi hoton hok hofuc.

I. Je Than 18:17

Me Ahaba ame ō Elia, me haba Ahaba ame ha kâu, ka habe, Awe, u bi; a u at ame omonoâ at Isaraela?

I. Je Than 19:17

Ke haba at ame he ka kec ge hele vat anyi Hazaela, me ame he Jehu ka hlingâ: ke haba at ama kec ge hele vat anyi Jehu, me ame he Elisaia ka hlingâ.

II. Je Than 1:16

Ke e ame ha kâu ka habe, Walang hna ha hnö Iehova, ka habe, Anyin a u je kunâ je ûthumetu he ka hnei Bele-sebuba khongon Ekerona, hawa can ae ba Khong hnyi Isaraela he ka hnö hofuc a hwan? anyin a wale u me ca he ka ut ûnyi hnyi hnâm hna mokut, ke u me he bi ka mokcu.

II. Man Ûlabainy Je Than. 21:12

Ke ame o kâu ke tusi ûnyi ga Elia perofeta ame ha, ka habe, Walang hna ha hnö Iehova Khongu Davita a kibâm, ka habe, Anyin a u je ca vheno gethen de Jehosafata a kâmâm, me je gethen de Asa than Juda;

Jobu 15:30

E ame ca he ka he but ûnyi hnyi menekholom; Kʼ ame he anyin je khûen ka meleca ge bâhlân meic, Ke haba homenâ ûnyi hnyi hnyimen Khong ame he ka ohia e.

Jobu 34:10

Anyin a wale, ling nya ju, öbun tavat wâhmakhmeto: E so e ûsâkâûö hulo me Khong; Ke hwakecin ae kong me Ataekhanahia.

Salamo 119:120

Ame öbubuny vik ge hnok hna outö u; Ke iny ot ge hnâm ta je hna owisa.

Salamo 37:6

Me e ame he ka oâ hwakecâm ae wisa hela me melam, Ke je hna owisa u helâ me jebigö.

Isaia 11:4

ke e ame he ka owisa ka ta je theduoc hnyi hwakecin ae wisa, me nâ hnyi tulut ae ûcû ka tavat ae menyik eang hmeledrany: ke e ame he ka kot hmeledrany ge osöiny hnyimen, me hlingâ tavat ae kong ge homenâ ûnyi hnyi hnyimen.

Isaia 58:1

HONGOT hwege ju, hai goranyai ifucâm helâ me trutru, ke haimemenâ thö ka lakeik hnödra hna hanyâûâ, ke haimemenâ thö ka lap anyi Jekob anyidra ta je hulo.

Jeremia 1:10

wâ bi, oge hia but ötilö u hnyi bong ang hon ta je hnyei me hon ta je dokhu, he ka oc degecâ me hagutâ, ke he ka ohia, ke he ka öüo; he ka op goranyai, me tä.

Jeremia 1:18

Anyin a wâ bi, oge hia but wiö u hnyi bong ang me hnân taun adre up haginy, me hmolom fao, me hak bras, ûcon tavat hia, ûcon je than Juda, me je taben e, me anyin tavat bihut, me tavat aten hnyei.

Jeremia 13:13

Me u me he ka ha kodra, ka habe, Walang hna ha hnö Iehova, ka habe, Wâ bi, oge me he ka öunöngötâ tavat aten hnyei ang hia, wale je than a tavat adre me tabâ theron anyi Davita, me tavat bi hut, me ta je perofeta, ma aten Jerusalema hia, mʼ adre me he ka monu ge grâk.

Jeremia 23:29

Hawa, e ûcû hok hofuc me meic? haingö Iehova, ke helâ me hama at ame kot omomono kic?

Jeremia 5:14

Anyin a wale walang hna ha hnö Iehova Khongon sabaoth, ka habe, Anyin a öbun e ha hofuc e, wâ bi, oge me he ka wia hok hofuc hnyi hnyimâm me me meic bi, ke hnyei ang, me me utö, ke e ame he ka ön ödra.

Ezekiela 11:4

Anyin a wale perofeta thö ködru, nokon at, perofeta thö.

Ezekiela 3:9

Oge hia but wia barem me me helâ me samira ae hwege hon oût: ca ot bi gadra, ke ca öbubuny ge je hnyimakodra, anyin a lap ûkhin fuc.

Ezekiela 32:18

Nokon at lö, tenge thö ge aten Aigupito ae se hia, ke hagutʼ ödra but, e, me wahliuny je hnyei ae lung kâû ka hnyi kânâ tha ödra me tavat adre me utut ka hnyi thop.

Ezekiela 43:3

Ke haba imaneniny, me helâ me imaneniny oge me wâ, waleji oge wâ hnyi ioik he ka ohia taun; ke haba je hna omanenâ me helâ me hna omanenâ waleji oge wâ hnyi wagewe Kebara: me oge me ta hnyikânâi.

Zefania 3:5

At ae wisa Iehova hnyi wanben e; e ame ca he ka ânyâ hulö; e ame oâ hna owisa ka hnyi melam hnyi je hnyomakatu, e ame ca haû bi; ke haba at ae ca wisa bi, me ca khana bi hmehma.

Ta je huliwa 7:31

Ka a wâ but Mose, me e ame lâiâ hnen hna wâ: ke e ame tiga he hakekeny he ka wâ, me ame o but hofuc hwan Than,

Roma 2:5

ke can hnyekom ae nâk ke ca ietra, me u me ûkhöûnâ tang hmonyin hnân hobi köu bi hnyi bonginy hmonyin, ke hobi kâu ûen adre me omanenâ hwaban ae wisa ge Khong;

Efeso 6:17

Ke hom minya thʼ öbun hnabicen vat anyin ûhomeli, me hele vat anyin Hanu, wale hofuc hwan Khong:

Heberu 4:12

Anyin ae möt hofuc hwan Khong, me hwege huliwa, me so hwan hon hele vat a lo homakan, ame dâ me subâ luâ but hnyok me hanu, me hna hûjö je jeien unyin me onyen jeien, ke ame ie wâ cicöâ ta je ûnykûme me ta je weny hnyok.

Hna Omanenâ 1:16

Ke e hu hnyi hnyamen a metân, je okhû a seven: ke ame o hnyi hnyimen hele vat a lo homakan ae so hwan: ke haba hnyimakan, me helâ me seûno ae hadröngöc hmönyin.

Hna Omanenâ 2:16

Anyin a wale ietra ju; e ka ba, oge me he ka ie o köu, me vat mʼ ödra ge hele vatiny hnyimök.

Hna Omanenâ 9:15

Me adre me thang ut ta angela a vak, waleji adre penapena hobi kâu awa, me bong, me tehi, me huna, mʼ odrin e he ka hlingâ ke keihen a kuniny tavat.

Hna Omanenâ 9:21

ke adre me ca ietra ge hnödra hna ûhlingö, me bi khong, me bi ûnyi monu, me venöu.

I. Samuela 13:13

Me Samuela ame ha kö Saulo, ka habe, E monu ûnyi u je ânyâ: u je ca tuö hnanyibu anyi Iehova Khongom, waleji e ame huna köu: ame we Iehova ka ohmâ dokhom dökhu hnyi Isaraela nyiele balua.

I. Samuela 15:22

Haba Samuela ame ha, ka habe, Hawa, e hu senyin kö Iehova ge je hudiny leû me je hut, helâ me hna löng hoton hofuc ho Iehova? Wâ bi, e beönua hna löng hon hut, me beönua, hna hnu hoton, hon pipikhenyainy je mamoe baga.

I. Samuela 15:32

Me ame ha Samuela, ka habe, Hum Agaga thö jem könya, thaniny at Amaleka. Ke Agaga ame he hmecik kâu. Ke haingö Agaga E hnathu e hia but hinyin mok.

I. Samuela 15:33

Ke Samuela ame ha, ka habe, Hnen ânyâm hele vat hna öba nokon je momo, helâe adre me he ka öba nokon hinyâm unyin je momo. Ke Samuela ame susubö Agaga hnyi hnyimakö Iehova hnyi Gilegala.