Hosea 6:10 - Iaai Bible 1901 (New Caledonia)

¹⁰ Oge hia but wâ hnyi lap anyi Isaraela ûnyi ae ti kong hmonyin; wale bi ûnyi monu anyi Eferaima, ke kong minya but Isaraela.

Hosea 6:10 ပူးပေါင်းရင်းမြစ်များ

I. Je Than 12:8

Ke e ame degecâ hofuc hwan wahingat ödrin e ûhnenamö, ke e ame ka ûhnenamö me je hidröu a ödrin tha dö më, wale ödrin e tot hnyi hnyimakan.

I. Je Than 15:30

can je hulö anyi Jeroboama waleji e ame ânyâ, wale ame okûâ hwakecin ae kong hnyi Isaraela; me can anyin monu wale ame okûâ hmonyin anyi Iehova Khongu Isaraela.

II. Je Than 17:7

Ke helâe anyin a je lakon Isaraela ame kong hwakecidrin kö Iehova Khongudrin, at a hum ödrin ûnyi hnyi hnyei Aigupito ûnyi hnyi hmelen hnyamö Farao than Aigupito, me outen je khong,

Jeremia 18:13

Anyin a wale, walang hna ha hnö Iehova, ka habe, Hnö thʼ öbun unyin ta je hnyei, ie at ame löng je ûnyi a helâe a hia but ânyâ ûnyi ae ti kong hnen hluiny Isaraela.

Jeremia 23:14

Ke oge hia but wâ ûnyi ae ikiki unyin je perofeta hnyi Jerusalema; adre me bi ûnyi monu me vheno thoi, ke adre me ohwegiâ je hnyamen tavat ae kong, me me ca ve ödra hmetu hnyi anyidra hulo: ödra hia thithö adre me helâ me at Sodoma könya, ke haba tavat adre me labā e, ödra helâ me Gomora.

Jeremia 3:6

Ke haba Iehova ame ha könya hnyi je bong bongu Josea than, ka habe, Hawa, u je wâ but hnö Isaraela, at ame labö kolu, hna ânyâ? E ame ölö ka hnyi je bucen hia ae beû goranyai ke he hmelen je ûö hia ae hât, me bi ûnyi monu eling.

Ezekiela 23:5

Ke tiga anyik momo Ahola, me e ame bi ûnyi monu; kʼ ame betenge ge je laweny, a at Asuria, tavat adre me laba hakekenyâ,

Ezekiela 23:7

Haba momo ame bi ûnyi monu mödra, tavat adre me ûca ge at Asuria hia: ke e ame okongoâ e bi ge je idola anyin tavat e ame betenge gadra.

Hosea 4:11

Haba ûnyi ame hûgûnâ hnyok, me wale bi ûnyi monu, ke waina, ke waina ae teb ûnyi.

Hosea 4:12

Kʼ ame labö he lakeik ka hnei unyin anyidra je ong uto, kʼ ame thumetu ödra anyidra uci: anyin adre me omonu ödra hnen bi ûnyi monu, kʼ adre me kec ûnyi hnyi hmelen Khongudrin he ka bi ûnyi monu.

Hosea 4:17

Ke Eferaima ame ûkhacaköu me je idola; hna but e.

Hosea 5:3

Oge me ō Eferaima but, ke ca iyong bi Isaraela könya: unyin a walang ang, u Eferaima, u je hia but bi ûnyi monu, ke kong ut Isaraela.