Hosea 5:9 - Iaai Bible 1901 (New Caledonia)

⁹ Ame he ka ba wan Eferaima hnyi bong û: oge hia but omanenâ ka je tribuiny Isaraela ûnyi ame he ka o.

Hosea 5:9 ပူးပေါင်းရင်းမြစ်များ

Jobu 12:14

Wâ bi, e ame hagutâ, ke ca khana ke at he ka op hmetu; E ame thelöng at, ke ca khana ke at he ka khong hmetu.

Isaia 37:3

Ke ödrin e ha kâu, ka habe, Walang hna ha hnö Hezekia, ka habe, Bonginy vec, me û, me ûhaikonguny bong ang: anyin a ûen a o ta je wanakat, ke ba at ae hwege he ka hnokoâ.

Isaia 46:10

at ame haimemenâ obiny ûnyi hnyi can, ke ame ha ehac ta je ûnyi a ödra, tiga ca ânyâ bi; kʼ ame ha, ka habe, Ame he ka tethmâ anyik musi, ke oge me he bi nya ka ânyâ hia wek:

Isaia 48:3

Oge me bok ka ha ta je hofuc kâû adrem: eke, ame he but ûnyi hnyi hnyimök, me oge me omanenâ: oge me ie ânyâ, me adre me ohwâdâ bi.

Isaia 48:5

anyin a wale, oge hia but haimemenâ e köu ûnyi adrem; oge me omanenâ köu ke tiga ca hwâdâ but: wâ u nye he ka ha, ka habe, Hnen anyik idola hna ânyâ, ke hnen anyik hnatheat, ke anyik hnatheat adre me okoiâ hna hûna kodra.

Isaia 7:16

Anyin ae ka tiga ca khana e wanakat he ka höciâ hulo me ûca so, me adre me he ka hna degecâ hnyei iny li than u je hûkotiâ.

Hosea 5:12

Anyin a wale, iny helâ me nokon walelaba ka Eferaima, ke iny helâ me bobot ka lap anyi Juda.

Hosea 5:14

Anyin a oge me he ka helâ me liona ka Eferaima, ke helâ me nak liona ka lap anyi Juda: haba inya me oge me he ka oloû kia me he but; oge me he ka hom, ke ba at ame he ka hûgûnâ.

Hosea 7:12

Ödra ka he me oge me he ka thong ûtök ert hudrin; oge me he ka hagutʼ ödra helâ me je meno ame gâ ethö: oge me he ka kuc ödra helâ me hna löng hnyi anyidra ûkhacaköu.

Hosea 8:8

Adre hia but utâ Isaraela: ödra bi walang ang unyin je hnyei helâ me kaia a ca hnân senyinâ.

Hosea 9:7

A o thö je bong bi hwaban, a o thö je bong he ka oûco; kʼ ame he Isaraela ka wâ e: at ae monu perofeta, ke monu at ae tren hanu, anyin ae se but ânyâm je hulo, ke gan hmâ ûöhûköti.

Amosa 3:7

E hnathu ame ca he bi Than Iehova ka ânyâ ke ûnyi a ne ca bân ka omanenâ weny ka je perofeta a je athnyabainy.

Amosa 7:17

anyin a wale walang hna ha hnö Iehova, ka habe, Ame he âiâm ka helâ me momo hnyi getheniny taun, kʼ ame he ka ta lakon obaga me wahlu ge hele vat, ke adre me he ka khenâ em hnyei ge tulut tö; ke u me he bi ka mok hnyi hnyei ae ikiki, ke e hnathu adre me he ka hom bâ at Isaraela ûnyi hnyi idra hnyei.

Amosa 7:9

ke ame he ka ba wan je dok ae gorany anyi Isaaka, me ba onyen je dok ae kap anyi Isaraela; ke oge me he ka tot ûcon lap anyi Jeroboama me hele vat.

Mika 6:13

Anyin a wale oge hia but kuc u me takû u ge aat ae gan hmâ; ke oge hia but öba wan gam can ânyâm ta je hulo.

Zakaria 1:6

Ke haba hok je hofuc ke anyik je hnanyibu, waleji oge me hûna ka lathnyabaik a je perofeta, hawa, ödrin e ca khaû lakamöbun? me adre me hmetu me ha, ka habe, Haba Iehova tuhan sabaoth ame ûnykûme he ka ânyâ kohmun, hoton dehmun je gethen, ke anyihmun je huliwa, ke helâe e ame hia but ânyâ kohmun.

Ioane 16:4

Ke oge hia but ha ta je hofuc e köbun hobi kâu e ka o but ûen, öbun e he ka ûnykûme hnok hna ha ta je ûnyi e köbun. Ke oge me ca ha köbun ta je ûnyi e ûnyi hnyi can, anyin a tha inya möbun.