Hosea 5:15 - Iaai Bible 1901 (New Caledonia)

¹⁵ Oge me he ka he but me hmetu ka hnyi hnok, ke ne o but adre me ogâ anyidra monu, me elâm hnyi-makök: ke adre me he ka ti elom nya e ka hu vec gadra.

Hosea 5:15 ပူးပေါင်းရင်းမြစ်များ

Genese 42:21

Ke ödrin e tha ûhnenamö, ka habe, E hnathu jönitin keitin anyin a ötin e wâ thö vecin hnyekon e, waleji e ame khöû kötin kʼ ötin e ca löng bi; waleling me me o but kötin vec eang.

II. Man Ûlabainy Je Than. 7:14

ke e ka he lakeik, hnyat adre ip iök hudrin, ka oûhnyûkongu ödrin bi, me hic, me elâm hnyimakök, me hmetu ûnyi hnyi dedrin je gethen ae kong; awe, oge me he ka long hnyi drany, me hna anyidrin monu, me osoâ idrin hnyei.

Jobu 33:27

E ame khumöng hnyi hnyimakan tavat, ka habe, Oge hia but ânyâ hulö, me hanyâûâ ûnyi ae wisa, Ke ba troban könya:

Salamo 107:13

Ke adre me tenge kö Iehova hnyi anyi dra hloûhloû, Me e ame omeli ödra ûnyi hnyi anyidra ta jo vec.

Salamo 107:19

Ke adre me tenge kö Iehova hnyi anyi dra hloûhloû, Me e ame omeli ödra ûnyi hnyi anyidra ta je vec.

Salamo 107:28

Ke adre me tenge kö Iehova hnyi anyi dra hloûhloû, Me e ame hum ödra but ûnyi hnyi anyidra ta je vec.

Salamo 107:6

Me adre me tenge kö Iehova hnyi anyidra hloûhloû, Me e ame omeli ödra ûnyi hnyi anyidra ta je vec.

Salamo 132:14

Wale thibi e hnok hna menâ nyiele balua: Oge me he ka labâ e; anyin oge wek e.

Salamo 50:15

Ke hao nya thö hnyi bonginy vec; Oge me he ka omeli u, ke ume he ka oganö nya.

Salamo 78:34

Hnyi ûen e ame hlingʼ ödra, me adre me elâm dö e: Adre me hmetuhmetu, me hwege hnö Khong.

Salamo 83:16

Iehova lö, tube ju je hnyimakodra ge hmehma; Mʼ adre me he ka elâm iâm.

Ta je Vejec 8:17

Inya oge me betenge gadra adre me hnyok könya; Kʼ adre me he ka ō nya tavat adre me elâm hwegiö nya.

Isaia 18:4

Anyin a walang hna ba hnö Iehova könya, ka habe, Oge me he ka laba wia, me wâ hnyi hnyabak; helâ me hlöng ae gan e ka o seuno, ke helâ me hauiny ûlâ e ka hlöng hnyi ûen menu.

Isaia 26:16

Iehova lö, hnyi ûen vec adre hia but senö u, adre me hingâlâ hic, u ka hom ûhnyûkongu ödra.

Isaia 26:21

Anyin a wâ bi, ame he Iehova ka he ûheny hnyi hnen hna laba, he ka bi hwaban hulo anyin tavat adre me labā hmeledrany: ke ame he hmeledrany ka omanenâ dren e, ke ame ca he hmetu ka tube ta je hna hlingâ.

Isaia 26:9

Ame weny u ge hnyekuk hnyi hnyinghet; eke, oge me he ka elelöm u ge hanuk eû hnyi hnyekuk; ke wale but ang hnyi hmeledrany hnâm je hna owisa, waleling me me he tavat adre me laba hnyi hmeledrany ka nâ hwakecin ae wisa.

Jeremia 2:27

wale tavat adre me ha ka hnyiban utö, ka habe, Kamök u; me ka veto, U je hnöku nya: anyin adre me hotudra könya, me ca hnyimakodra bi; ke hnyi ûen anyidra vec, adre me he ka ha, ka habe, Todrö me omeli ohmun.

Jeremia 3:13

Ke so bi, ogâ thö ânyâm hulo, a u je ânyâ hwakecin ae ikiki kö Iehova Khongom, me he monu unyin je atkanyua hmelen ta je ûö hia ae hât: ke öbun e ca long hok hofuc haingö Iehova.

Jeremia 3:14

Öbun na hmetu ju, öbun tavat labö kolu, haingö Iehova; anyin a iny helâ me âiân köbun: ke oge me he ka hum öbun, ûsa khaca ûnyi hnyi taun, ke ûsa lo ûnyi hnyi lap, me hum öbun Ziona ai:

Je tenge anyi Jeremi 3:40

Ate me he ka elâm me cubec deta je gethen, me hmetu kö Iehova.

Ezekiela 10:4

Ke haba hmanenangi Iehova ame ölö ûheny hon kerubi, me tot hon hwanumen uma; ke unöngötö hnyeule ge ulâ, ke unö-ngötö hnyeule ge melaminy hmanenangi Iehova.

Ezekiela 11:23

Ke ame he göranyai hmanenangi Iehova ûnyi hnyi wanben taun, me laba hon bucen hnyi ke keihen taun e deiö.

Ezekiela 20:43

Ke öbun e he ka ûnykûme eling debun je gethen, me hnobun je hna ânyâ, waleji öbun e hia but okongu öbun hnyin; mʼ öbun e he ka hûköti öbun can ta je hulo hia öbun e hia but ânyâ.

Ezekiela 36:31

Ke öbun e he ka ûnykûme ta je hwakecibun ae kong, me hnobun je hna ânyâ ae ca so; ke öbun e he ka hûköti öbun bi hnyi hnyimaköbun bi can anyibun ta je hulo me hwakecibun ae ikiki.

Ezekiela 6:9

Kʼ ame he tavat adre me kec möt ka ûnykûmi nya hnyi ta je hnyei adre me he ka laba hwenbâ hnyin, a inya höcö wâ hmetu je hnyekudra ae bi ûnyi monu, waleji ame hna degeci nya, me je emaködra ae bi ûnyi monu hoton anyidra je idola: ke adre me he ka hûkötiʼ ödra bi hnyi hnyimakodra bi, can je hulo waleji adre me ânyâ ge anyidra ta je ûnyi ae ikiki.

Ezekiela 8:6

Ke e ame ha könya, ka habe, Nokon at lö, u je wâ but ûnyi adre me ânyâ? wale ûnyi ae ikiki ame ânyâ eang ge lap anyi Isaraela, me inye he ka ûsâkâûö me anyik dok ae kap? ke u me he eâu ka wâ minya je ûnyi ae ikiki.

Hosea 3:5

me hwaban e ame he lakon Isaraela ka hmetu me elom Iehova Khongudrin, me Davita a tuhödra; me adre me he ka o me outö Iehova me anyin so hnyi je bong a biliny.

Hosea 5:6

Adre me he ka he me elom Iehova me haledra je hnahat mamoe me kau; ke adre me ca he bi ka wâ e: e ame ka he me digic ödra.

Mika 1:3

Anyin a wâ bi, ame he Iehova ka he ûnyi hnyi hnen, me utut, me ututo je dok ae gorany hnyi hmeledrany.

Numera 21:7

Me ame he tavat kö Mose, me ha, ka habe, Öhmun e hia but ânyâ hulö, anyin a ohmun e fuc hwege kö Iehova, mʼ u: ö u hic dö kö Iehova, me me he ka ohia je on unyihmun. Ke Mose ame hic hobi kâu tavat.

Luka 13:25

E ka hia but tot tuhan uma, me hlöng hwanuma, ke öbun e hwân he ka tot eû me seseto hwanuma, me ha, ka habe, Than lö, khong ut kohmun: ke e ame he ka thu me ha köbun, ka habe, E ca khanö nya öbun, öbun hoûat ua;

Owisa 4:3

Haba lakon Isaraela ödrin e tenge kö Iehova: anyin ae hu gan nain haded je kariota fao; ke twente je huna e ame hom ûhnyûkongo hwegiâ lakon Isaraela.