Hosea 5:10 - Iaai Bible 1901 (New Caledonia)

¹⁰ Haba je than hnyi Juda e ûcû me tavat adre me hok hnyigot: oge me he ka hingâlâ hudrin anyik hmonyin helâ me köiö.

Hosea 5:10 ပူးပေါင်းရင်းမြစ်များ

Salamo 32:6

Can e, e so ame he tavat ae so ka hic köu hnyi ûen ae khanʼ ödra he ka ō u: E hnathu e ka o but wadutö ae gan, me ame ca he ka hakekenyâ e.

Salamo 69:24

Hingâlâ but hudra ânyâm hmonyin, Ke so he ka khöû ödra hwegien ânyâm wathethot.

Salamo 88:17

Adre me igigili nya hnyi je bong helâ me köiö; Adre me tha ûtitilen könya.

Ta je Vejec 17:14

Haba hwân iwatretra, me helâ me adre si deny köiö: Anyin a wale degec ut ivino, ka tiga ca kû wathethot.

Ta je Vejec 22:28

Ca he ka oc je hnyigot kâû adrem, A konâm je lakibâm.

Isaia 1:23

Tavat ûkhin fuc je tuhâm, ke lahanen tavat venöu; ödra hia thithö adre me hnyok ta je bwihlany, ka hnu hoton je hwaban: adre me ca owisa hobi kâu at a mokcu kamen, ke adre me ca oâ kodra hna ivino hobi kâu safac.

Ezekiela 22:22

Adre me oköiö sileva hnyi wanben meic, helâe adre me he ka oköi öbun hnyi wanben e; ke öbun e he ka wâ a inya Iehova at ame hia but hingâlâ hmonyin köbun.

Ezekiela 7:8

Walang, e hakekeny jut me oge me he ka hingâlâ anyik wathethot hom, me ohwâdâ anyik hmonyin hom, ke oge me he ka owisa gam hoton dem je gethen; ke oge me he ka oâ ka hnyi hom ânyâm ta je ûnyi hia ae ikiki.

Mataio 7:27

ke ame ta but we, me o but di, ke hwege but ang, me kot uma e; me ame û but: ke gan hmâ ûtainy uma e.

Luka 6:49

Ke haba at ame long, kʼ ame ca mâdrâ bi, me ûcû me at ame hötilö uma hon kânâ ke ba taben; ke ame patrutrua bi di kâu, me logot û but e; ke gan hmâ hnaûhango uma e.

Deuteronomi 19:14

U me ca he ka uny haten hnyigöulen ke at, waleji adre ip kâû ehac, hnyi em hnyei u me he ka labā, wale hnyei a ham köu Iehova Khongom, me em.

Deuteronomi 27:17

Hnaûhangö at ame oc hnyigöulen ke at. Ke ame he tavat hia ka ha, ka habe, Amen.