Hosea 4:7 - Iaai Bible 1901 (New Caledonia)

⁷ Kʼ adre me ânyâ hwakecin ae kong könya hoton ûseidra: oge me he ka wia anyidra hmanenang, mʼ adre me hmehma but.

Hosea 4:7 ပူးပေါင်းရင်းမြစ်များ

Ezera 9:7

E gan anyihmun hulo hwan hnyi ûen lakamöhmun ke ne o but huyi bong ang; ke can anyihmun je monu, me adre me hnʼ ohmun, me latuhömun, me tavat bihut unyihmun, ka hnyi hnyamen je thaniny je hnyei, ka hnyi hele vat, me ka hnyi hwenbâ, me ka tavat söh, me he ka hmehma, helâ me hnyi bong ang.

Hosea 10:1

HABA Isaraela, me vine, at ame kû hlau, kʼ ame wa je wan; hoton ûganiny je wan e, e ame osehia je taben hut; hoton ûsoiny iny hnyei, adre op je veto ame tot ae hmanenang.

Hosea 10:6

Ke adre me he minya ka hom e Asuria ai hnân bwihlany kö Jareba than: ame he Eferaima ka hmehma, ke ame he Isaraela ka hmehma ge hnen hna ûhnenamö.

Hosea 13:14

Oge me he ka hûgûnʼ ödra ûnyi hnyi maniny erkemok; oge me he ka omeli ödra ûnyi ge mok: Mok lö, ewa ânyâm je ûokonguny? Erkemok lö, ewa hnâm hna ûhangö? adre me he ka ikhâlâ ietra ge li emakök.

Hosea 13:6

Adre me ka sekudra hoton ö ʼdra jeû; e sekudra thö me ame bi gan je hnyekudra: anyin a wale adre me hnying nya.

Hosea 4:10

Ke adre me he ka han, me ca sekudra bi; adre me he ka bi ûnyi monu, kʼ adre me ca he bi ka osehia: anyin adre hia but degec he ka löng kö Iehova.

Hosea 5:1

TAVAT bihut lö, long ju hofuc ang; lap anyi Isaraela lö, löng ju; lap anyin than lö, tevehlöng ju, anyin adre ha hwaban köbun; anyin a hnewe öbun ka Mizepa, me ert adre thong hon Tabora.

Hosea 6:9

Haba bunyen a tavat bi hut adre me ûhlingö hnyi gethen ûheny Sekema, helâ me tavat sei adre me mokulec at: eke, adre hia but ânyâ ûnyi ae ikiki.

Hosea 9:11

Ke haba at Eferaima, me ame he ka gâ thö anyidra hmanenang helâ me meno ame gâ: kʼ adre me ca he bi ka hnokoâ, ke erkin, ke oerkinâ.

Habakuka 2:16

U je unöngötö ge hmehma ke ca hmanenang bi: bethe ic dö minya, mʼ u me helâ me at adre ca peritomonâ: adre me he ka wia köu kaiainy hnyam a metö Iehova, ke ame he ka e bi hon ânyâm hmanenang hmehma ae ikiki.

Malaki 2:9

Anyin a wale oge hia but wiʼ öbun hnân hûkötiâ me kong hnyi hnyimakan tavat hia, hoton hnobun hna ca tuö dek je gethen, ke öbun e ûciâköuâ ge hnanyibu.

Deuteronomi 32:15

Ke haba Jesuruna ame pipikhenya bi, kʼ ame nyikâ can: U pipikhenya but, me gan unyâm, me habubut: Waleling me me degec Khong at a op e, Me oûnyibâûâ Kic at a omelö e.

Filipi 3:19

haba obiny ködra, me hnaûhango, haba khongudrin me hnyekudra, kʼ adre me hobeluâ ûnyi hnân hmehma ködra, kʼ adre me hnyok ka ta je ûnyi hnyi hmeledrany ang.

I. Samuela 2:30

Anyin a wale ame ha Iehova Khongon at Isaraela, ka habe, Oge ha a gʼ ame he ânyâm lap me lap anyin lakâmâm ka he hnyi hnyimakök nyiele balua: ke walang ang haingö Iehova, Hûkötiânök; anyin oge me he ka ogânʼ ödrin hnyat ödrin e oganö nya, ke oge me he ka hmehma gadrin hnyat ödrin e hûkötiö nya.