Hosea 4:6 - Iaai Bible 1901 (New Caledonia)

⁶ Adre me ohia lakeik anyin ae ba wâhmakhmeto: anyin a u je hia but hna degecâ wâhmakhmeto, awe, oge me he bi nya ka hna degeci u, inʼ u me ca at bihut könya: anyin a u je hnying hnanyibu anyin Khongom, me oge me he bi nya ka hnying lakom.

Hosea 4:6 ပူးပေါင်းရင်းမြစ်များ

II. Man Ûlabainy Je Than. 15:3

Ke se hia je bong ae ca hu Khong ae hnathu unyin at Isaraela, ke ba at ûne a at bihut, ke ba hnanyibu:

Jobu 36:12

Ke adre me ne ca long bi, me ame he ka hiʼ ödra ge hele vat, Adre me he ka mok ke ca khanʼ ödra bongon.

Salamo 119:139

Ame hia but oaûö nya hnen wek ae gan hmâ, Anyin ame hnying ut hwâm hofuc hnen ta je iwahnaihmiony mönya.

Salamo 119:153

Ûnykûme ju ge anyik vec, me omeli nya; Anyin oge me ca hnying ânyâm ta je hnanyibu.

Salamo 119:61

Ame hia but wâdrö nya ge ta je tö anyin tavat ae kong; Ke oge me ca hnying ânyâm ta je hnanyibu.

Salamo 18:27

Anyin a u me he ka omelo tavat ae vec; Ke u me he ka ohnyikânâ je ecmak ae bi gan.

Ta je Vejec 10:21

Haba li esongodiny at ae wisa me ame hān tavat ae se: Ke a mok ut tavat ae monu anyin ae ba hnyekudra.

Ta je Vejec 19:2

E ca so he ka ba wâhmakhmeto ge at; Ke ame he ka monu at ame he logot ge li can.

Isaia 1:3

E khana but bolok at a haleny e, ke e khana but asina taben han ûnyi ge tuhan: ke ca khana Isaraela bi, kʼ ame ca ûnykûme bi lakeik.

Isaia 17:10

Anyin a u je hnying Khongon ânyâm ûöhmeli, ke u je ca ûnykûme kicin tang hwegiâm; anyin a wale u je tā je ûo ae hmanenang, me tā ta je hatong kanyua:

Isaia 27:11

Ke e ka meleca ta je vheiny, me adre me he ka thu degecâ; ame he omomo ka he bi, me thong ut ge meic: anyin a e hnyei ame ca wâhmakhmeto; anyin a wale ame ca he ka betenge gadra at ame up ödra, ke haba at ame otilʼ ödra, me ame ca he bi ka ânyâ so ködra.

Isaia 28:7

Ke a hia but minya tavat ang he hwali ge waina, me he monu ge grâg; ame he hwali at bi hut me perofeta ge grâg, ame utʼ ödra ge waina, ke adre me he monu ge grâg; adre me haû hnyi hnödra hna wâ, me ta tot hnyi hna owisa.

Isaia 29:12

ke adre ham tusi ka at ae ca khana tusi, me ha, ka habe, Öu aû thö ang: ke haingen, ka habe, E ca khanö nya tusi.

Isaia 3:12

Ke haba lakeik, ame sedʼ ödra hnen je wanakat, ke ame musi ödra hnen je momo. Lakeik lö, a omonu u hnen tavat adre me su u, me ohia dem ta je gethen.

Isaia 45:20

Ûkhacaköu thö ke ai öbun; tha hakekenyâ ju, öbun tavat öbun e kec möt ûnyi hnyi je hnyei: e ca hu metâ gadra adre me hom tilâ ûtoiny anyidra je idola, me hic ka khong ae ca khana he ka omelo.

Isaia 5:13

Anyin a wale ame he lakeik ka bâ, can e ba ûnyi ae khanʼ ödra: kʼ ame mekihnânen tavat ae beönua gadra, ke mok ge beic hoûmonu gadra.

Jeremia 2:8

Haba tavat bihut adre me ca ha ka habe, Ewa Iehova? ke haba tavat adre me huliwan hnanyibu, me ca khanʼ ödra inya; ke haba tavat musi adre me ûkhin fuc mönya, ke haba je perofeta adre me perofeta ga Baala, me hnu hoton ta je ûnyi ae ba troban.

Jeremia 4:22

Anyin ae monu but lakeik, e ca khanö nya hnödra; ödra tavat ae monu, ke ödra tavat adre me ca wâhmakhmeto: ödra metâ he ka ânyâ hulo, ke ca khanʼ ödra bi he ka ânyâ so.

Jeremia 5:21

Long ju hofuc walang ang tavat ae monu me ba hnyekudra: tavat ae hu li ecmak, kʼ adre me ca wâ bi; e hu li hnyiköny kʼ adre me ca long bi:

Ezekiela 44:23

Ke adre me he ka nâ lakeik ge bongon ûnyi ae kap, me ûnyi ae ca kap, me owâhmakhmeto ödra ge ûnyi ae bo kong, me ûnyi ae bo so.

Hosea 13:6

Adre me ka sekudra hoton ö ʼdra jeû; e sekudra thö me ame bi gan je hnyekudra: anyin a wale adre me hnying nya.

Hosea 2:13

Ke oge me he ka bi hwaban kâu je bong bonginy je Baala, wale e ame leû uto ae bo so hnyin ködrin; ke e ame theibâ e ge je theibeny hnyikonyen me je ohmanenanginy, me hnu hoton je laweny, kʼ ame hnying nya bi, haingö Iehova.

Hosea 4:1

LAKON Isaraela lö, löng ju hofuc ho Iehova: anyin ae hu ivino anyi Iehova me aten hnyei, anyin ae ba hnathu, me ibetengiö, ke ca khanʼ ödra bi Khong hnyi hnyei.

Hosea 4:12

Kʼ ame labö he lakeik ka hnei unyin anyidra je ong uto, kʼ ame thumetu ödra anyidra uci: anyin adre me omonu ödra hnen bi ûnyi monu, kʼ adre me kec ûnyi hnyi hmelen Khongudrin he ka bi ûnyi monu.

Hosea 4:14

Ke oge me ca he ka bi hwaban ka lakubun wahlu can hnödra hna bi ûnyi monu, ke laöiöbun can hnödra hna venöu; kʼ adre me ka tha he me hnyat venöu, kʼ adre me tha bi hut me omomo hnyi gethen: ke haba hnyei ame ca wâhmakhmeto, me adre me he ka öta e.

Hosea 5:4

Haba anyidra ta je huliwa ame ovheli ödra he ka hmetu ka Khongudrin: anyin a e unyidra weny he ka bi ûnyi monu, ke ca khanʼ ödra but Iehova.

Hosea 6:6

Anyin ae wek ibetengiö, ke ca but bi; ke beonuâ he ka wâhmakhmetoâ Khong hon je hudiny leû.

Hosea 7:11

Ke e ûcû Eferaima me biny ae ûnyibaû me ba hnyekon: adre me hongot ka Aigupito, me he Asuria ai.

Hosea 7:9

A hia but ohia hwegien hnen je atkanyua, ke ca khana bi: eke, ûsa khaca but tehûen, ke ca khana bi.

Hosea 8:1

IP ju trutru hnyi hnyimâm. E ame he ûcon lap anyi Iehova helâ me aeto: anyin adre hia but hanyâûâ anyik ûhihiny-köu, me khikhin ge anyik hnanyibu.

Hosea 8:12

Oge ne sihnalimen kâu anyik hnanyibu me je ûnyi hnân nâ a ten thauzan, me adre me ûnykûme e me ûnyi a ca ûnyi hnathu.

Hosea 8:14

Ke a hia but Isaraela hnying At a op e, me op je uma umen je khong; ke Juda ame hia but osehia je taun adre up haginy; ke so bi oge me he ka kunâ meic ka hnyi anyin je taun, me me an je uma umen than.

Hosea 9:17

Ame he bi Khonguk ka hota degeci ödra, anyin adre me ca long kâu: me adre me he ka he baû hnyi wanben ta je hnyei.

Mataio 1:6

Jese ame hnöku Davita a than. Davita a than ame hnöku Solomona ûnyi ge öiö Uria;

Mataio 15:14

Hnʼ ödra but: ödra je hnyat kû gethen kʼ ödra wadröu. Ke a ne lelö wadröu ge ke wadröu, ödru me he ka tha ta eû hnyi hmonop.

Mataio 15:8

Haba tavat ang, adre me oganö nya ge je esongodidra; Ke haba je hnyekudra, me ûsâkâûö mönya.

I. Samuela 2:12

Ke haba li laku Eli me li laku Belial; ke ca khanʼ ödru Iehova.