Hosea 4:3 - Iaai Bible 1901 (New Caledonia)

³ Anyin a wale ame he hnyei ka tenge, kē sēnyin hia but tavat adre me labâ e, tha ödra me je menoiny hnyot, me je meno ame gâ ethö; eke adre me he minya ka hom but je wâ eû hnyi köiö.

Hosea 4:3 ပူးပေါင်းရင်းမြစ်များ

Isaia 33:9

Ame tenge me sēnyin hnyei: e hmehma Lebanona, ke meleca thö: ke ûcû but Sarona me hnyebuba; ke ame öbubuny Basana me Karemela.

Jeremia 12:4

Ame he hnyei he ka tenge ke ne o but kehö, me meleca je ûöiny hnyot hia ae ometu? can hulo anyin tavat adre me labā e, adre hia but ohia je meno a vak can, me ta je meno ame gâ; anyin a haingodra, ka habe, E ame ca be ka wâ obiny köta.

Jeremia 23:10

Anyin a unöngötö hnyei ge tavat bi ûnyi monu; anyin ame tenge hnyei can hna hângâ: e atgec dö je dok a je sajilat hnyi hnyebuba: ke kong dedra je gethen, ke ca wisa tang hwegiödra.

Jeremia 4:25

Oge me wâ, ke wâ bi, e ba but at, ke a hia but ta je meno hia ame gâ ethö.

Jeremia 9:10

Oge me he ka tenge thungaû can ta je bucen, me khumöng tenge can ta je dok a je sajilat hnyi hnyebuba, anyin adre thong degecâ thö, me me ca vheno hnen at; ke ca khana tavat he ka long hwan je meno; ame tha hia but je meno ame gâ ethö me je menoiny hnyok

Jeremia 9:9

Hawa, oge me ca he ka senʼ ödra can ta je ûnyi e? haingö Iehova: hawa ame ca be hanuk ka bi hwaban ka hnyei a helâe?

Ezekiela 38:20

mʼ adre me he ka öbubuny ge hnyimakök ta je wâ eû hnyi köiö, me ta je meno ame gâ ethö, me je menoiny hnyot, me ta je ûnyi hia ame iyâû wale adre me iyâûâ kânâ, me tavat hia hon kânâ, kʼ ame he je bucen ka kolu, kʼ ame he ka ta je dok ae hwatapkolu, kʼ ame he je hna up veto hia ka ta hnyikânâi.

Joela 1:18

Ekölö ge ûtengien je meno! ame hlohlo je hnahat kau anyin ae ba but ö ʼdra; eke adre oba wan je hnahat mamoe.

Amosa 1:2

Ke haingen, ka habe, Ame he Iehova ka kuku hwege hnyi Ziona, me fuc ûnyi hnyi Jerusalema; kʼ ame he bi ka tenge je hnyaban tavat tuö mamoe, kʼ ame he ka meleca ban Karemela.

Amosa 5:16

Anyin a wale, walang hna ha hnen Than Iehova Khongon sabaoth, ka habe, Adre me he ka tenge hnyi ta je gethen ae lau hia; ke adre me he ka ha hnyi ta je hna cit gethen hia, ka habe, Ekölö! ekölö! he adre me he ka hawâ thö tavat belök mʼ adre me tenge, ke tavat ae khanʼ ödra tenge he ka tenge thungaû.

Amosa 8:8

Hawa, ame ca he tavat ka öbubuny can eling, ke tenge hia tavat adre me labâ e? eke, e ame he bi ka khibi hia helâ me Wagewe; ke e ame he ka bwebwelâ, kʼ ame he ka dit hmetu ju, helâ me wageweiny Aigupito.

Nahuma 1:4

E ame thawâ köiö me omada e, me ohmö ta je wagewe hia: e sënyin thö Basana me Karemela, e meleca thö vongon hnyi Lebanona.

Zefania 1:3

Oge me he ka ohia tavat ke omeno; oge me he ka ohia omeno ame gâ ethö, ke ta je wâ eû hnyi köiö, ke ta je ûnyi ame öhaûâ, ke tavat minya ae kong; me oge me he ka subâ degecâ at ûnyi hnyi hon kânâ haingö Iehova.

Zakaria 5:4

Oge me he ka kunâ e, haingö Iehova tuhan sabaoth, ke e ame he ka dit hnyi hnyin uma umen at venöu, me uma umen at ame khemanyinâ thoiâ iök: ke e ame he ka laba hnyi hnyin umen uma, me ohia e, tha e me ûtoiny, me je vetoiny.