Hosea 4:18 - Iaai Bible 1901 (New Caledonia)

¹⁸ A hiny dut belidra; kʼ adre me bi ûnyi monu bala: ke haba je tuhan me adre me beânyâ ûnyi hnân ohmehma gan.

Hosea 4:18 ပူးပေါင်းရင်းမြစ်များ

Genese 38:24

Ke helâke kun ta tehi adre me thumetu Juda, ka habe, a hia but bi ûnyi monu Tamara a ûngom; ke wâ bi, a erkin dut hnyi hnen hna bi unyi monu. Ke haingö Juda, ka habe, Hom but, mʼ adre me he ka thong degecâ.

Salamo 47:9

Ame ûkhacaköu thö ta je tuhan je hnyei, Me me lakeiny Khongu Aberahama: Anyin a anyin Khong ta je becin hmeledrany; Ke e ti beönua.

Esodo 23:8

Ke u me ca he ka kap bwihlany: anyin a haba bwihlany ame omûko at ame wâ, me ohavâ hofuc hwan tavat ae wisa.

Jeremia 2:21

Ke haba u, me oge me tä helâ me vine ame khulelau, hatong ae so: ieû gam u me hwio gak, ke u vine but ae monu me atkanyua?

Ezekiela 16:15

Ke u je gejon ânyâm hmanenang, me bi ûnyi monu ge ânyâm lung, me hingâlâ ânyâm je bi ûnyi monu kodra hia adre me gethen unyâm; ka anyin dut.

Hosea 4:10

Ke adre me he ka han, me ca sekudra bi; adre me he ka bi ûnyi monu, kʼ adre me ca he bi ka osehia: anyin adre hia but degec he ka löng kö Iehova.

Hosea 4:2

Adre me khemanyin thibi, me thoi, me hlingâ at, me venöu, me bi ûnyi monu: kʼ adre me utut, me dra ame kâlâ dra bi.

Hosea 9:10

Oge me ö Isaraela helâ me je wan vine hnyi hnyebuba; oge me wâ lakamöbun helâ me je wan meta a bân: ke adre me he kö Baala-peora, ke ka hnʼ ödra bi ka ûnyi hnân ohmema, me adre me tha ikiki me ûnyi adre me hnyok kâu.

Amosa 5:12

Anyin ae khanö nya a öbun e osehia hanyâûâ, ke ûganiny anyibun je hulo; öbun tavat ovecâ at ae wisa, me kap hwaban ae hwali, me ohavâ ka at ae theduoc hnyi homagoule.

Mika 3:11

Ke haba je homakan, me adre me owisa hnân hwaban, kʼ ame ûne tavat bihut ge hwaban, kʼ ame bi kong hnen je perofetainy ge mone: ke so bi hwakecidra he ka labageju kö Iehova, me ha, ka habe, Hawa ca Iehova hnyi wanböta? ke ba ûnyi ae kong ame he ka o köta.

Mika 7:3

Adre me inâ li hnyamödra ka hnyi ûnyi ae kong he ka ie ânyâ; ame hnei hwaban hnen taben me at owisa; ke haba at ae gan, me e ame ha ûokonguny: eû hnyi hnyekon: ke adre me tha hwâwâ helâe.

Deuteronomi 16:19

U me ca he ka ohwalö hna owisa; ke u me ca he ka wâhmakhmetoâ at bi: ke u me ca he ka kap bwihlany; anyin a haba bwihlany, me wale at ame omûko tavat ae metâ, me ohavâ hofuc hwan tavat ae wisa.

I. Samuela 8:3

Ke haba li lakon ödru me ca vheno deny gethen, ke ödru me saû ka omjeû me khöp hwaban, me ohwalö hna owisa.