Hosea 4:16 - Iaai Bible 1901 (New Caledonia)

¹⁶ Anyin a hia but Isaraela ûkhin fuc, helâ me man kau at ame hwen höcö: ke ame he Iehova walang ang ka ha ö ʼdra helâ me nokon mamoe hnyi dok ae lau.

Hosea 4:16 ပူးပေါင်းရင်းမြစ်များ

Salamo 78:8

Mʼ adre me ca he ka tha ûcû me lakamödra, Waleji dö ae ûjöng me ûkhin fuc; Wale tavat adre me ca penapena ta je hnyekudra, Ke ca hnathu ta je hanudra ka Khong.

Isaia 22:18

E hnathu e ame he ka hwio me khuö u ka hnyi hnyei ae gan helâ me wâthâ; u me he ka mokcu eling, ke ame he ka e eling je kariotainy ânyâm hmanenang, u at ame hi hmehma hnyaban tuhâm.

Isaia 30:23

Me e ame he ka ham we hobi kâu hatungâm ta je hatong, wale u me he ka tā hnyi kânâ; me jeû minya a troban kânâ, kʼ ame he ka pipikhenya me se hia: ke hnyi bong eling ame he halem ta je meno ka han tot hnyi je hnyei ae gan.

Isaia 5:17

Ke ame he lakon mamoe ka han hnyi hna alin ödra ka hnyin, kʼ ame he ta je atkanyua ka han ta je hnyei iny tavat ae pipikhenya adre me hna degecâ.

Jeremia 14:7

Iehova jö, eja ke ne a ne hwâdâ kö hmun anyihmun ta je hulo, ânyâ bi thö u can iâm; anyin a ohmun e osehia but kolu: ohmun e hia but ânyâ hulo köu.

Jeremia 3:11

Ke haba Iehova ame ha könya, ka habe, E hu omi wisa ge Isaraela, at ame labö kolu, hon Juda at iyawo.

Jeremia 3:6

Ke haba Iehova ame ha könya hnyi je bong bongu Josea than, ka habe, Hawa, u je wâ but hnö Isaraela, at ame labö kolu, hna ânyâ? E ame ölö ka hnyi je bucen hia ae beû goranyai ke he hmelen je ûö hia ae hât, me bi ûnyi monu eling.

Jeremia 3:8

Ke oge me wâ but, anyin a hnyi hna bi ûnyi monu hnö Isaraela, at ame labö kolu, me oge me degec e, me ham kâu tusiny thang hna faipoipo, ke so bi, ame ca ot bi Juda at iyawo a liamekeiny më; ke e ame he minya bi, me bi ûnyi monu.

Jeremia 31:18

E hnathu oge hia but ling Eferaima ame mâng me ha, ka habe, U je hia but kuc nya, me adre me kuc nya, helâ me bolok ae ca khenenâ hna ûhûkâlâköuâ; ohmetu nya ju, me oge me he ka hmetu: anyin a u Iehova Khonguk.

Jeremia 5:6

Anyin a wale ame he liona ûnyi hnyi hnyot ka hlingʼ ödra, ame he lukoiny sahac ka sei ödra, ame he lepad ka tuö anyidra je taun, ame he ka oloû usukiʼ ödra tavat adre me didrut ûnyi hnyi hnyin: anyin a ödra ibi ose ûkhin fuc, ke ödra ose hia kolu.

Jeremia 7:24

Ke adre me ca long bi, me tevehlöng, ke adre me vheno hnödra bi hna ûhnenamö hoton ihwegien hnyekudra ae kong; me he nulötudra, ke ca hnyimakodra bi.

Jeremia 8:5

Anyin a ieû ame hmetuhmetu tavat ang wale Jerusalema ke ame labö kolu balua? adre me kât hmâ thoi ödra, höcö he ka hmetu.

Hosea 10:11

Eferaima kau ae khenen, at ame beututo hwit; ke oge hia but hanyâûâ nyin ae hmanenang: oge me he ka ip at ka hije hu Eferaima; kʼ ame he Juda ka wia kânâ, kʼ ame he Jekob ka trohnenâ kânân kânâ.

Hosea 11:6

Me ame he ka nyikâ hele vat hnyi anyin je taun, me ohia je venyâiny, me ön ödra, can hnödra je hna ûhnenamö.

Hosea 11:7

E hwege lakeik he ka digic nya: eja ke ne adre ne hongot kö Beönua, me ba at a khaca ame he ka ogânâ e.

Levitiko 26:33

Ke oge me he ka ovesei öbun ka hnyi ta je hnyei, me oc hele vat he ka hnu öbun: ke ame he ka ba kolon ibun hnyei, kʼ ame he ka hnyot je hnyababun.

Zakaria 7:11

Ke ödra höcö long, me behânâ bajebenyidra, kʼ adre me hlöng je hnyikönyödra, mʼ adre me ca long bi.

I. Samuela 15:11

Inya oge me ietra hnok hna otilö Saulo me than: anyin a e ame hmetu but ûnyi hnyi hnen hna he hotuk, ke e ame ca ânyâ hnok je hna hûna. Me ame hmönyi Samuela; me tenge kö Iehova hnyi hnyinghet hia.