Hosea 3:5 - Iaai Bible 1901 (New Caledonia)

⁵ me hwaban e ame he lakon Isaraela ka hmetu me elom Iehova Khongudrin, me Davita a tuhödra; me adre me he ka o me outö Iehova me anyin so hnyi je bong a biliny.

Hosea 3:5 ပူးပေါင်းရင်းမြစ်များ

I. Je Than 12:16

Ke a wâ but Isaraela hia a gʼ ame ca long ködrin than, haba tavat adre me thu ka than me ha, ka habe, Ewa ke keihöhmun unyi Davita? ke ba jekhöûhmun unyin laku Jese: at Isaraela lö, vese thʼ öbun ka hnyi umöbun je uma mano: Davita lö, hamâm he ka tuö ânyâm lap. Me Isaraela ame vese but ka hnyi umödrin je uma mano.

Isaia 17:7

Hnyi bong eling ame he at ka bwela ka At a op e, ke ame he li emakan ka wâ Kabi Isaraela.

Isaia 2:2

Hnyi ta je bong a biliny adre me he ka otethmâ buceniny uma kap umo Iehova hon ban je bucen, ke adre me he ka ogöranyâ hon je hut; ke ame he ta je hnyei hia ka ok ut kâu.

Isaia 2:3

Ke ame he ka o ta je hnyei ae se hia me ha, ka habe, Ai öbun me otin e ölö thö ka hnyi bucen anyi Iehova, ka hnyi uma umen Khongu Jekob; ke e ame he ka nʼ öta ge deny je gethen, ke ate me he ka vheno je gethen ûnyi gan: anyin ame he ka he but hnanyibu ûheny Ziona, me hofuc ho Iehova ûheny Jerusalema.

Isaia 60:5

Me u me he ka wâ me senyin, ke ame he hnyekom ka öbubuny me hlau; anyin adre me he ka wia köu tang omjeû ûnyi hnyi köiö, ke adre me he ka hom köu tang omjeûiny je hnyei.

Isaia 9:13

Ke so bi ame ca hwio tavat kâu at ame kuc ödra, ke haba khaca adre me ca elom Iehova tuhan sabaoth.

Jeremia 23:5

Wâ bi, ame he ka o je bong, haingö Iehova, ke oge me he ka oâ kö Davita? Khûen ae wisa, ke e ame he ka than me; musi me so, me ânyâ ûnyi ae wisa me ûnyi ae ûcû hnyi hnyei.

Jeremia 30:24

Ame ca he hmonyin ae hwege anyi Iehova ka hmetu, ke ne o but e ame hia but mâdrâ, me ohwâdâ je ûnykûmenen hnyekon; öbun e he ka wâhmakhmetoâ hnyi je bong a biliny.

Jeremia 30:9

ke adre me he ka bi athnyabai Iehova Khongudrin me Davita a tuhödra wale oge me he ka oâ kodra.

Jeremia 33:17

Anyin a walang hna ha hnö Iehova, ka habe, Ame ca he ka ba hwabö Davita at ame he ka tabâ theroniny lap anyi Isaraela:

Jeremia 33:9

Ke ame he taun ang he ka hnân ien adre senyinâ, me hnân ogânâ, me haisoâ hnyi hnyimakan ta je hnyei hia eang hmeledrany, tavat adre me he ka long ta je so hia thithö wale oge me he ka ânyâ kodra, ke adre me he ka ot me öbu-buny ge ta je so hia me ta je hnahic hia wale oge me he ka oâ kâu.

Ezekiela 16:63

mʼ u me he ka ûnykûme, me hlohlo, me ca he hmetu ka fuc, can ânyâm hmehma; iny ka hia but thang degecâ hnâm hna ânyâ hia thithö, haingen Than Iehova.

Ezekiela 38:16

ke u me he ka o ûcon ik hnyei a Isaraela, helâ me ûlâ ame tube hnyei; ame he ka o hnyi je bong a biliny, me oge me he ka oi u ka hnyi ik hnyei, me me wâhmakhmetu u, iny ka kap gam Gog lö, hnyi hnyimakodra.

Ezekiela 38:8

Ke hwaban je bong ae se hia adre me he ka senö u: ke hnyi je huna a biliny u me he ka o ka hnyi hnyei adre ohmeto ûnyi hnyi hele vat, wale adre ûkhacaköu ûnyi hnyi je hnyei ae se hia, hon je bucen Isaraela ae itremacat but ehac: ke adre hom e ûnyi hnyi je hnyei, ke adre me he ka laba khotkic ödra hia thithö.

Daniela 10:14

Ke walang ang oge me o but he ka thumetu u ge ta je ûnyi ame he ka o ka aten em hnyei hnyi je bong a biliny: anyin ae bec je bonginy hna omanenâ.

Daniela 2:28

ke so bi, e hu Khong hnyi drany at ame omanenâ ta je ûnyi ae iyong, me e ame hia but thumetu u Nebukaneza than, ta je ûnyi ame he ka o nyiele. Walang bwem ke ûnyi eji u je wâ hon hnâm hna mokut:

Hosea 1:11

Ke ame he ka ûkhacaköu je lakon Juda, me je lakon Isaraela, ke adre me he ka otilâ hobi kodra ke taben a khaca, ke adre me he ka he but ûnyi hnyi hnyei: anyin ame he ka bong ae gan bong bongu Jezerela.

Hosea 11:10

Adre me he ka hnu hotu Iehova, hnyat adre me he ka kuku helâ me liona: anyin a e ame he ka kuku thö, me ame he ka o je wanakat ûhedra jimeû hnyi öbubuny.

Hosea 5:15

Oge me he ka he but me hmetu ka hnyi hnok, ke ne o but adre me ogâ anyidra monu, me elâm hnyi-makök: ke adre me he ka ti elom nya e ka hu vec gadra.

Hosea 5:6

Adre me he ka he me elom Iehova me haledra je hnahat mamoe me kau; ke adre me ca he bi ka wâ e: e ame ka he me digic ödra.

Hosea 6:1

A I öbun, ate me he hmetu kö Iehova; anyin a e ame hia but oloû kia, me e ame he ka ometo; e ame hia but kot, kʼ ame he bi ka lan.

Amosa 9:11

Hnyi bong eling oge me he bi ka hai uma menâ umo Davita a ta, me okhötâ hmetu je dok ae hmouca hnyin; ke oge me he ka otilâ je ke keihen a amam but, me op hmeto e helâ me hnyi je bong ehac;

Mika 4:1

KE haba hnyi je bong a biliny adre me he ka otethmâ buceniny uma kap umo Iehova hon ban je bucen, ke adre me he ka ogöranyâ e hon je hut, ke ame he ta je hnyei hia ka he kâu.

Numera 24:14

Ke walang ang oge me he but ka hnyi ik hnyei, ke aiö u me oge me he ka ha köu ke je unyi ame he tavat eang ka ânyâ ka lakem hnyi je bong a biliny.

Roma 11:25

Hnyat me lakeiny lö, oge me wek e me khanʼ öbun ûnyi eang ae iyong, wâ öbun nye bemetâ hnen je ûnykûmenöbun, a gʼ adre hia but onâkâ keihen tavat Isaraela, ke ne o but ame o hnahic ka Aten ta je hnyei;

Roma 2:4

Hawa u je hociâ omjeû wale hwakecin ae so, me hokhnyok, me lingvec, ke u me ca wâhmakhmetoâ a gʼ ame lili u ka hnyi ietra, hnen hwakecin ae so anyin Khong?

Deuteronomi 4:30

Ke ka o köu vec, kʼ ame ne aat köu ta je ûnyi hia eling, me u me he ka hmetu kö Iehova Khongom hnyi je bong a biliny, me löng hoton hwan hofuc;