Hosea 3:4 - Iaai Bible 1901 (New Caledonia)

⁴ Anyin ame he lakon Isaraela ka laba thibi hnyi se hia je bong ke ba than, ke ba taben, ke ba at bihut, ke ba veto ame tot, ke iefoda ke hnatheat:

Hosea 3:4 ပူးပေါင်းရင်းမြစ်များ

Genese 31:19

Ke Labana ame hia but he ka subâ leûnen haleny ta je mamoe: ke haba Rakela ame venâu thö ta je idola anyin kamen.

Genese 31:34

Ke haba Rakela ame hia but hom ta je idola me ikhâlâ hnyi je tap hnân tabâ kamela, me e ame laba ju hon. Ke Labana ame elâm igigilö hia hnyi uma mano, kʼ ame ca wâ bi.

Genese 49:10

Ame ca he ka hia ûnyi Juda uci musi, Me at bi hnanyibu ûheny hnyi wanben li can, Ke ne o but ame o Silo; Kʼ ame he ta je hnyei ka löng hoton.

II. Samuela 6:14

Ke Davita ame biâ hwege hnyi hnyimakö Iehova; ke Davita ame weikâ iefoda lino.

II. Je Than 23:24

Ke haba tavat a ödra tren biobotkong, me bi khong, me je terafi, me je idola, me je ûnyi hia ae ikiki adre me wâ hnyi hnyei Juda, me hnyi Jerusalema, me, Josea ame ohia, me me he ka ohwâdâ je hofucin hnanyibu adre sihnalimen hnyi tusi a wâ Hilekia at bihut hnyi uma umo Iehova.

II. Man Ûlabainy Je Than. 15:2

me e ame he ka ûkhanö me Asa, me ha kâu, ka habe, Asa lö, long ju öbun könya, Juda me Beniamina hia: e bala bi Iehova unyibun hnyi ûen öbun e tha öbun më; ke öbun e ne elâm me öbun e he ka wâ e; ke öbun e ne degec, me e ame he ka digic öbun minya.

Esodo 28:4

Ke walang je ûkhaû adre me he ka tibet, ka habe, tubwiny ûlainy, me iefoda, me ûkhaû ae beû, me ûkot ae hu hnalimen, me hnabinybak, me wen hnyekon: adre me he ka tibet je ûkhaû ae kap hobi kö Arona tuhâm, me je lakon, me me at bihut könya.

Esodo 28:6

Kʼ adre me he ka tibet iefoda gol, me mano ae udrudrâ, me udrudrâ hlit, me dra vec, me lino ae ûhnyûkong nân adre seveny a huliwan hnyat ae metâ.

Je tenge anyi Jeremi 2:9

Ame dit bi je homagouleny ka hnyi kânâ; kʼ ame ohia me oamamâ je ohmâiny: E but je thaniny me je taben hnyi je hnyei ae ba hnanyibu gadra; Eke, adre me ca wâ bi hnen anyin je perofeta hna omanenâ ûnyi ga Iehova,

Ezekiela 20:32

ke haba ûnyi ame o hnyi je hnyekubun ame ca he ka hwâdâ; wale ge hnobun hna ha, ka habe, Ohmun e he ka helâ me je hnyei, helâ me je lap hnyi je hnyei, adre me bi athnyabainy utö me veto.

Ezekiela 21:21

Anyin ame tot than Babulona hnyi hnyivheden li gethen, wale hnyi hwâniny li gethen, he ka bi khong: e ame jijingâ je fana, e ame hnö je idola, kʼ ame wâ akiny.

Ezekiela 21:31

Ke oge me he ka hingâlâ anyik hmönyin hom; oge me he ka tûâ köu meicin anyik wathethöt: ke oge me he ka hnö u ka hnyi hnyamen tavat a helâ me meno, tavat ae khanʼ ödra he ka ûohiö.

Daniela 11:31

Ke ame he ka tot hobi kâu je deo vat, ke adre me he ka okongoâ dok ae kap wale a hnabâ, me ohia hudiny leû adre hudo hnyi je bong hia, ke adre me he ka otilâ ûnyi ae ikiki at ame öba wan.

Daniela 12:11

Ke hwân hnyi ûen adre me he ka ohia hnyin hudiny leû adre hudo hnyi je bong hia, ke ne o but adre me otilâ ûnyi ae ikiki at ame öba wan, me wan thauzan tu haded ke nainte je bong.

Daniela 9:27

Ke e ame he ka ohmâ ûhihinyköu ka tavat ae se hia hnyi wik a khaca; ke haba hnyi hafiny wik, me e ame he ka bi obiny hut ke bwihlany; ke ame he ka o at ame öba wan, kʼ ame he ka tabâ labenyin ta je ûnyi ae ikiki; ke adre me he ka hingâlâ hmönyin hon at ame öba wan, ke ne o but ame bekhot ûnyi adre ohmâ.

Hosea 13:10

Ewa tuhâm, me me omeli u hnyi ânyâm ta je taun hia thithö? ke ânyâm tavat owisa köu, waleji u je ha, ka habe, Ham könya than me je taben?

Hosea 13:11

Oge hia but ham köu than hnyi anyik hmonyin, ke hûgûnâ e hmetu hnyi anyik wathethot.

Hosea 2:11

Ke oge me he ka bi obiny anyin senyin hia, je bijeû, me je tehi a tebûnyi, me je sabath, me anyin je ûkhacaköu hia adre thu.

Levitiko 8:7

Ke e ame okhâûâ e ge ûkhaû, me oweikâ e ge wen hnyekon, me okhâûâ e ge ûkhaû ae beû me iefoda, me oweikâ e ge wen iefoda adre hwâwâ metâ, me hûkâlâ e hnyi fetriny ûnyi gan.

Zakaria 10:2

Anyina a hia but ha thoi je idola, ke haba tavat bi khong adre hia but wâ thoi; ke adre hia but ha je bwi ae thoi, e ûnyi baû bi hnödra hna otubwelâ: anyin a wale adre me vheno je dedra helâ me je mamoe, adre me vec anyin ae ba at ame tuʼ ödra.

Zakaria 13:2

Ke hnyi bong eling haingö Iehova tuhan sabaoth, me oge me he ka ohia ta je ien je idola hnyi hnyei, mʼ adre me ca he hmetu ka ûnykûme ködrin: ke haba khaca oge me he ka obâ ta je perofeta me ta je hanu ae ikiki hnyi hnyei.

Luka 21:24

Ke adre me ke ka ta ge homakan hele vat, me he ka hom hwenbʼ ödra ka aten ta je hnyei: kʼ ame he ka uto Jerusalema hnen aten ta je hnyei, ke ne o but ame bekhöt ut ûen aten ta je hnyei.

Ioane 19:15

Me adre me ha hwegiâ, ka habe, Hom dö, hom dö, osatauroâ thö. Haingö Pilato kodra, ka habe, Hawa, oge ma he ka osatauroâ Tuhöbun? Me ame thu je taben tavat bihut, ka habe, E ba minya ju ke tuhöhmun ke hake Kaisara thibi.

Heberu 10:26

Anyin ate ne ânyâ hulo ge weta, öta ka hia but wâ ûnykûme hnathu, me ba hmetu bihut can ta je hulo,

Owisa 17:5

Haba Mika, me ame tren uma umen je khong, ke e ame ânyâ iefoda, me je idola, me okabâ ke nokon me me at bihut unyin.

Owisa 18:14

Me ame fuc tavat a thabûng hnyat ödrin e ecmâkâ hnyei Laisi, me ha ka je liamekeiny mödrin, ka habe, Hawa, e khanʼ öbun a gʼ ame hu iefoda hnyi je uma eang, me je idola, me hnatheat adre tretrao, me hnatheat adre oköiâ? Ke walang ang wâhmakhmeto ju öbun ûnyi he ka ânyâ.

Owisa 8:27

Ke haba Gideona ame ânyâ iefoda ûnyi hnyi je ûnyi e, me ip e hnyi anyin taun wale Ofera: ke haba at Isaraela hia thithö ödrin e bi ûnyi monu me ûnyi eling: ke wale hnewe kö Gideona me anyin lap.

I. Samuela 14:3

me Ahia a nöku Ahituba, liamekeiny me Ikaboda, nöku Fineasa, nöku Eli, at bihut kö Iehova hnyi Silo, e ame khavâ iefoda. Ke ca khana bi tavat a ga he but Jonathana.

I. Samuela 15:23

Anyin a haba hanyâûâ, me helâ me ûkongon bi khong, ke haba ûjöng, me helâ me ûkongon hmi ka hnatheat, me je idola. Anyin a u je hia but hna degecâ hofuc ho Iehova, awe, e ame hia but hna degeci u, me u me ca than dut.

I. Samuela 2:18

Ke Samuela ame bi athnyaba hnyi hnyimakö Iehova, ke e tiga wanakat, kʼ ame weikâ iefoda lino.

I. Samuela 21:9

Ke haingen at bihut, ka habe, Haba hele vat anyi Goliatha at Filisiti, at u je kot hnyi hnyigöulen bucen Ela, wale but ang adre lan ge ecmano, ame mokut hoton iefoda: u je ne wem he ka hom e, hom do: anyin ae ba hanen eang, ke hake e thibi. Me haingö Davita, ka habe. Ho jem; anyin ae ba khaca a helâe.

I. Samuela 22:18

Me ame ha than kö Doega, ka habe, Hwio thö u me kot hnyat bihut. Me ame hwio Doega at Edoma me kot at bihut; me e ame hlingâ hnyi bong eling eite faiv tavat ödrin e khavâ iefoda lino.

I. Samuela 23:6

Ke haba hnyi ûen ame kec dö kö Davita hnyi Keila Abiathara nöku Ahimelek, me e ame o me iefoda hnyi hnyamen.

I. Samuela 23:9

Ke e khanö Davita but a Saulo ame elâm he ka okongoâ, me e ame ha kö Abiathara at bihut, ka habe, Hö jem iefoda.

I. Samuela 30:7

Ke Davita ame ha kö Abiathara at bihut, nöku Abimelek, ka habe, Ö u hö jem könya iefoda. Me Abiathara ame hom iefoda kö Davita.