Hosea 3:1 - Iaai Bible 1901 (New Caledonia)

¹ KE Iehova ame ha könya, ka habe, He hmetu thö ka betenge ge momo at ame betenge gan waeny ke momo ame venöu, helâ me betenge anyi Iehova ka lakon Isaraela, tavat adre me hnyimakan ka je khong, ke wedra je hmata a wan vine.

Hosea 3:1 ပူးပေါင်းရင်းမြစ်များ

II. Samuela 6:19

Ke e ame khenâ oûco ka i tavat hia, wale ka ûseiny Isaraela hia, obaga me omomo minya, ûsa khaca ong areto, me khaca uthmeno, me khaca u wan vine ae meleca. Me ame vese thö tavat hia ka hnyi je hnyabadrin.

II. Je Than 13:23

Ke haba Iehova ame betenge gadrin, me hmak gadrin, me ö drin, can anyin ûhibinyköu me Aberahama, me Isaaka, me Jekob; ke ca weny bi he ka ohiʼ ödrin, me digic ödrin bala ûnyi hnyi hnyimakan.

I. Man Ûlabainy Je Than. 16:3

Ke e ame khenâ oûco ka tavat hia hnyi Isaraela, obaga me omomo, a ûsa khaca areto, me khaca uthmeno, me khaca ū wan vine.

Nehemia 9:31

Ke so bi can ânyâm ibetengiö ae gan, u je ca ti ohiʼ ödrin, me hna degeci ödrin; anyin a u Khong ame betenge me menyik.

Salamo 123:2

Wâ bi, je li emakan ta je athnyaba ame hngele ka hnyi hnyamen ta je tuhödra, Ke li emakan in ame hngele ka hnyi hnyamen tuhan a momo; Helâe minya je li emaköta kö Iehova a Khonguta, Ke ne o but e ame he ka betenge gata.

Esodo 32:6

Ke adre me vesâ hnyi hnyomakatu kong, me hudo je hut adre le, me hom je hudiny ûsoköu; me ame laba ju tavat he ka han me ic, me adre me todrö he ka mat.

Khumöng Hwanyi Solomona. 2:5

Thawo nya ju ge je hmata a wan vine, okahwö nya ju ge je okhöiö: Anyin a oge me moko ibetengiö.

Isaia 45:22

Bwele ju jem könya mʼ adre me he ka omeli öbun, öbun hia thithö je can hmeledrany: anyin a inya thibi Khong ke ba minya ju ke at.

Jeremia 3:20

E hnathu, öbun e hia but ânyâ hwakecin ae iyawo könya lap anyi Isaraela, helâ me momo ame degec âiân ge hwakecin iyawo, haingö Iehova.

Jeremia 31:20

Hawa, nokuk a oûnykûmik Eferaima? hawa, e wanakat ae kese? anyin a iny ka hia but fuc gan, oge me ti ûnykûme bala hmetu gan; anyin a wale ame fuc hnyekuk gan; e hnathu oge me he ka betenge gan, haingö Iehova.

Hosea 11:8

Eferaima lö, oge me he ka kâmâu ka hna degeci u? Isaraela lö, oge me he ka kâmâu ka hnö u? oge ma kâmâu ka wiö u helâ me Adema? me ip u helâ me Zeboim? kʼ ame hwio oûnykûmik eû hnyi hnyekuk, kʼ ame tha kû gan hmâ thö anyik je tang betenge.

Hosea 2:5

Anyin a hiny-ödrin ame bi ûnyi monu: momo a hnöku ödrin ame ânyâ ûnyi hnân hmehma; anyin a haingen, ka habe, Oge me he ka hnu hoton lawek, tavat adre me ha ök, me belik köiö, me leûnen mamoe,, me lino, me wakaco, me belik.

Hosea 4:11

Haba ûnyi ame hûgûnâ hnyok, me wale bi ûnyi monu, ke waina, ke waina ae teb ûnyi.

Hosea 7:5

Ke haba hnyi bong bongon tuhöta ame mok je taben ge ûkahwâiny waina; e ame ûkhöû hnyam me tavat ûhiö.

Amosa 2:8

ke adre me mokulec je ûkhaû adre me ham hnân haten, hnyi hmelen ta je taben hut hia, kʼ adre me ijem waina anyin tavat adre me takoû ge hnanyibu hnyi uma umen Khongudrin.

Amosa 6:6

tavat adre me ijem waina ûnyi hnyi je utkaia, kʼ adre me ka sûâ wakaco ae so; ke adre me ca hmak bi ge vec anyin Josefa.

Mika 7:7

Ke haba inya, oge me he ka bwele kö Iehova; oge me he ka lubahingen Khongon melik: ame he Khonguk ka ling nya.

Zakaria 1:16

Anyin a wale, walang hna ha hnö Iehova, ka habe, Inya oge me hmetu Jerusalema ai me je ibetengiö; adre me he ka op hmetu umök uma eling, haingö Iehova tuhan sabaoth, ke adre me he ka lelö tulut tö hon Jerusalema.

Mataio 26:50

Haba Iesu ame ha kâu, ka habe, Hanok, ânyâ thö ûnyi u je o kâu. Me adre me o me hinöbeny hu Iesu, me hom e.

I. Korinito 10:21

E ca khanʼ öbun he ka ijem kaia belen Than me kaia belen ta je demoni: e ca khanʼ öbun he ka ve hu ûnyi hnyi laulau anyin Than, me laulau anyin ta je demoni.

I. Korinito 10:7

Ke haba khaca, ca he öbun ka hmi ka je hnatheat, helâ me keihen gadra; helâ me hna sihnalimen, ka habe, Ame laba ju tavat he ka han me ic, me adre me tödra he ka mat.

I. Peteru 4:3

Ame ne soju hna ânyâ weny Aten ke je hnyei, hnyi je ûen a hia but, waleji adre me vheno wagelue, me je weny ae kong, me hwen hmiâ waina, me mede, me ta je bijeû ae kong, me hmi ka ta je hnatheat ae ikiki:

Owisa 10:16

Me adre me degec je khong kanyua unyidrin, me bi athnyaba kö Iehova, ke e ame tenge ge vec anyin at Isaraela.

Owisa 9:27

Ke ödrin e he ka hnyi ta hnyei, me tau wan haledrin je vine, me ututo je wan vine, me senyin, me didro ka hnyi uma umen khongudrin, me han, me ic, me hangö Abimelek.