Hosea 2:8 - Iaai Bible 1901 (New Caledonia)

⁸ Anyin ae ca khana bi momo a oge me ham kâu hwit, me waina, me wakaco, me osehia kâu sileva, me gol, wale ödrin e bi Baala kâu.

Hosea 2:8 ပူးပေါင်းရင်းမြစ်များ

I. Man Ûlabainy Je Than. 29:16

Iehova Khonguhmun lö, ûnyi gam ta je omjeû hia eang, wale ohmun e penapena hnân op uma hobi kâu iâm ae kap, me hing ânyâm.

Jobu 19:8

E ame hia but hwo hak hnyi dek gethen, me me ca khanö nya bi he ka vheno. Me omenekhulumâ dek je gethen.

Isaia 1:3

E khana but bolok at a haleny e, ke e khana but asina taben han ûnyi ge tuhan: ke ca khana Isaraela bi, kʼ ame ca ûnykûme bi lakeik.

Isaia 46:6

Haba tavat adre me hingâlâ gol ûnyi hnyi tang, ke tuluto sileva hnyi tulut, me adre me hawâ at ame huliwan gol, me e ame ânyâ e me me khong; adre me ta ju hnyikânâi, eke, adre me khudrung.

Jeremia 7:18

Ta je wanakat adre me thigö utö, ke haba je kamen adre me hû meic, ke haba je momo adre me up falawa, me adre me ânyâ je ong areto hobi kâu momo thaniny drany, me hingâlâ ka ke je khong je hudiny ic, me adre me ohmönyini nya.

Ezekiela 23:41

me laba hon hna mokut ae hmanenang, ke e hnyi hnyimakan e laulau adre penapena, waleji u je ip hon anyik utö ae bo so, me anyik wakaco.

Daniela 3:1

HABA Nebukaneza than ame ânyâ hnatheat gol, ke sikste kubit ibeûen goranyai, ke siks ta kubit ûlauen: me e ame otilâ e hnyi dok ae tha hon hnyi Dura, hnyi hnyei Babulona.

Daniela 5:23

ke u je bi gan ka Thaniny drany; ke adre hia but hom je omjehen umen uma ka hnyi hnyimâkâm, ke u je hia but, ke ânyâm je taben, ke laâiâm, ke ânyâm je momo, ic waina kâu; ke u je hia but ogânâ je khong sileva, me gol, me bras, me fao, me uto, me veto, wale adre me ca bwele, me löng, me khana: ke haba Khong at ame muso homenâm, ke e unyin dem je gethen hia, me u je ca ogânâ:

Hosea 10:1

HABA Isaraela, me vine, at ame kû hlau, kʼ ame wa je wan; hoton ûganiny je wan e, e ame osehia je taben hut; hoton ûsoiny iny hnyei, adre op je veto ame tot ae hmanenang.

Hosea 13:1

AME fuc Eferaima, me ame öbubuny ehe; ke e ame ka ogânâ e hnyi Isaraela: ke e ame hulo but ga Baala, me ame mokcu.

Hosea 13:2

Ke walang ang adre me kong tot, kʼ adre me ânyâ je idola hobi kodra adre me okoiâ ge anyidra sileva, a je idola hoton anyidra metâ, huliwa anyin at tretrao hia: kʼ adre me ha ge je ûnyi e, ka habe, E so ame he tavat adre me he ka hudo hut ka drem je nokon kau.

Hosea 2:5

Anyin a hiny-ödrin ame bi ûnyi monu: momo a hnöku ödrin ame ânyâ ûnyi hnân hmehma; anyin a haingen, ka habe, Oge me he ka hnu hoton lawek, tavat adre me ha ök, me belik köiö, me leûnen mamoe,, me lino, me wakaco, me belik.

Hosea 4:11

Haba ûnyi ame hûgûnâ hnyok, me wale bi ûnyi monu, ke waina, ke waina ae teb ûnyi.

Hosea 8:4

Adre hia but otilâ je than, ke ca ûnyi bi gak; adre hia but bi taben, ke ca khanö nya: adre hia but ânyâ anyidra sileva me gol hnân anyidra je idola, mʼ adre me ka subâ degeci ödra bi.

Habakuka 1:16

Anyin a wale, e ame bi hut ka ûten ert, kʼ ame leû utö ae bo so ka ûten ert hlihli; anyin ae pipikhenya jekhon ûnyi gan, ke gan hmâ an jeû.

Luka 15:13

Ke tiga ca se hia bong hwaban e, haba wakeiat ame ûkhacaköuâ anyin ta je ûnyi hia, me he ka hnyi ke hnyei ae sâkâû; me e ame dedegec eling tang omjehen ge hwakecin ae khâlâdren.

Roma 1:28

Ke ca wedra he ka wâhmakhmetoâ Khong, me haba Khong ame hnʼ ödra but he ka hwali hnyi je hnyekudra, mʼ adre me he ka ânyâ ta je ûnyi ae ca ûcû;

Deuteronomi 8:18

Ke so u ma ûnykûme ko Iehova Khongom, anyin a e at ame ham köu tang hwege he ka hu tang omjeû; me me ohmâ anyin ûhihinyköu waleji e ame khemanyin ka je lakâmâm, helâ me hnyi bong ang.

Owisa 9:27

Ke ödrin e he ka hnyi ta hnyei, me tau wan haledrin je vine, me ututo je wan vine, me senyin, me didro ka hnyi uma umen khongudrin, me han, me ic, me hangö Abimelek.