Hosea 2:7 - Iaai Bible 1901 (New Caledonia)

⁷ Ke e ame he ka hnu hoton laweny, ke e ame ca he ka khaletʼ ödrin; ke e ame he ka elom ödrin, ke ame ca he bi ka wâ: me e ame he ka ha, ka habe, Oge me he ka hmetu ka öiök a bân; anyin ae so könya ehac, ke kong walang ang.

Hosea 2:7 ပူးပေါင်းရင်းမြစ်များ

II. Man Ûlabainy Je Than. 28:23

Anyin a e ame bi hut ka je khongon Damaseko, tavat adre kot e: haingen ka habe, Anyin a je khongon je than Suria ödrin e hadruʼ ödrin, ke oge me he ka bi hut ködrin, mʼ ödrin e he ka hadruo nya. Ke so bi ödrin e hangâ e me at Isaraela hia a tha ödrin më.

Salamo 116:7

Hanuk lö, hmetu ju ka hnyi hnâm hna menâ; Anyin a hia but Iehova ânyâ köu so.

Isaia 30:16

Ke haingöbun, ka habe, E ba, anyin öhmun e he ka tabö hors me kec; awe, öbun e he ka kec: ke haingöbun, Öhmun e he ka tabâ je meno ae logot; awe ame he bi ka logot tavat hnu öbun.

Jeremia 14:22

Hawa, e hu at unyin ta je ûnyi baû anyin ta je wanaithila ae khana he ka bi we? hawa, e khana drany he ka ham we? hawa, ca u bi Iehova Khonguhmun? anyin a wale ohmun e he ka halubahingâm; anyin a u je op ta je ûnyi hia eling.

Jeremia 2:2

He thö, hongot dö hnyi je hnyikonyen Jerusalema, ka habe, Walang hna ha hnö Iehova, ka habe, Inya oge me ûnykûmi u wale ge hwakecâm ae menyik ku tiga hlu, me ânyâm betenge waleji hnyi hnâm hna ûköcö: waleji hnyi hnâm hna he hotuk hnyi hnyebuba, hnyi hnyei adre ca belökâ.

Jeremia 2:28

Ke ewa je khongom waleji u je ânyâ hobi köu? Hamödrin he ka tot, a ne khanʼ ödrin he ka omeli u hnyi ûen u me vec hnyin: anyin ae ûcû ûseiny ânyâm je khong, Juda, me ânyâm je lap.

Jeremia 2:36

Anyin a ieû u me labö ngenu monu gan me wia dem je gethen? u me he ka hmehma ge Aigupito, helâji me hnâm hna hmehma ge Asuria.

Jeremia 3:1

HAINGODRA, ka habe, A ne ke at ame degec âiân, ke ame he gan me ame âiân ke baga bi, hawa, e ame be ka hmetu ka momo? Ame ca he ka ti kong hnyei eling? Ke u je hia but bi ûnyi monu me tavat ae se hia; ke so bi, hmetu ju könya, haingö Iehova.

Jeremia 31:18

E hnathu oge hia but ling Eferaima ame mâng me ha, ka habe, U je hia but kuc nya, me adre me kuc nya, helâ me bolok ae ca khenenâ hna ûhûkâlâköuâ; ohmetu nya ju, me oge me he ka hmetu: anyin a u Iehova Khonguk.

Jeremia 31:32

ca helâ me ûhihinyköu eji oge ânyâ me lakamödra, waleji hnyi bong oge hom hnyamödra he ka su Ödra ûnyi hnyi hnyei Aigupito; ke adre me thamuâ anyik ûhihinyköu eja ke ne oge ne helâ me âiân baga kodra, haingö Iehova.

Jeremia 44:17

Ke e hnathu ohmun e he bi ka ânyâ ta je ûnyi hia ame o but hnyi je hnyimöhmun, he ka leû utö ae bo so ka momo thaniny drany, me hingâlâ je hudiny ic kâu, helâji me hnöhmun hna ânyâ, ohmun me je latuhöhmun me anyihmun je taben, hnyi je tauniny Juda, me je getheniny Jerusalema: anyin a hnyi ûen eling e gan hmâ ö ʼhmun, ke ohmun so, ke ba kong ohmun e wâ.

Ezekiela 16:18

ke u je hom ânyâm je ûkhaû adre omecâ, me khaûʼ ödrin, me ip hnyi hnyimaködrin anyik wakaco, me anyik utö ae bo so.

Ezekiela 16:8

ke hnyi ûen oge me he unyâm me ō u, me wâ bi, ûen betenge ânyâm bong, ke oge me lau hom obiny anyik ûkhaû, me khaûö u at ame mokut thu: eke, oge me khemanyin köu, me ûhihinyköu möu, haingen Than Iehova, ke u anyik bi.

Ezekiela 20:32

ke haba ûnyi ame o hnyi je hnyekubun ame ca he ka hwâdâ; wale ge hnobun hna ha, ka habe, Ohmun e he ka helâ me je hnyei, helâ me je lap hnyi je hnyei, adre me bi athnyabainy utö me veto.

Ezekiela 23:12

E ame betenge ge at Asuria tavat adre me laba hakekenyâ, a ta je taben me tavat musi, a tavat adre me khavâ ûkhaû ae mec, a tavat tabö hors, a wabidröu hia ae hmanenang.

Ezekiela 23:22

Anyin a wale, Aholiba lö, walang hna ha hnen Than Iehova, ka habe, Wâ bi oge me he ka otilâ je lawem ûcom, waleji u je hûkotiâ, ke oge me he ka hum ödra ûcom ûhedra ehele;

Ezekiela 23:4

Ke haba li iödru, me Ahola atö, ke Aholiba keiny: ke anyik ödru, ke ödru me hnokoâ obaga me wahlu. Ke haba li iödru, me haba Ahola me wale Samaria, ke haba Aholiba, me wale Jerusalema.

Daniela 4:17

Hnen musi anyin tavat hmâkâ ûnyi eling, me hnen hofuc hwan tavat ae kap hna hûna eling: me me khana tavat ae möt a gʼ ame musi At ae Beönua hnyi dokhu dokhon tavat, ke e ame ham kâu hnen hna weny, me otilâ hon e hoûmonu.

Daniela 4:25

a adre me he ka obö u unyin tavat, ke u me he ka tha laba me je menoiny hnyot, ke u me he ka han önying helâ me bolok, ke u me he ka kubet ge dân hau ûnyi hnyi drany, kʼ ame he ka seven je ûâm; ke ne o but ame khanö u thö a gʼ ame musi At ae Beönua hnyi dokhu dokhon tavat, kʼ ame ham e ka hnen hna weny kâu.

Daniela 4:32

Me adre me he ka obö u unyin tavat, me u me he ka tha laba me ta je menoiny hnyot; u m he bi ka han önying helâ me bolok ke ame he ka seven je ûâm, ke ne o but ame khanö u thö a gʼ ame musi At ae Beönua hnyi dokhu dokhon tavat, me ham e ka at e ame weny kâu.

Daniela 5:21

ke adre obâ e unyin tavat; ke helâ but me je meno hnyekon, ke e ame tha laba me je asinainy hnyot; e ame han önying helâ me bolok, ke khubet unyin ge dân hau ûnyi hnyi drany: ke ne o but e ame wâ a gʼ ame musi Khong ae Beönua hnyi dökhu dokhon tavat, me e ame otilâ hon e hnen hna weny kâu.

Hosea 1:2

Hnyi ûen Iehova ame bân ka fuc kö Hosea, me haingö Iehova kö Hosea, ka habe, He thö ka hok momo hnyi gethen ke lakon gethen: anyin ae gan hmâ bi ûuyi monu ge tavat, a gʼ adre me digic Iehova.

Hosea 13:6

Adre me ka sekudra hoton ö ʼdra jeû; e sekudra thö me ame bi gan je hnyekudra: anyin a wale adre me hnying nya.

Hosea 14:1

ISARAELA lö, hmetu ju kö Iehova Khongom; anyin a u je ta but ge ânyâm hulo.

Hosea 2:16

Ke haingö Iehova, ka habe, Hnyi bong eling u me he ka hawo nya, me Ishi; ke u me ca he hmetu ka hawo nya, me Baali.

Hosea 5:13

Ke a wâ but Eferaima anyin mok ke a wâ but Juda hnân aat, me haba Eferaima ame he Asuria ai, kʼ ame ûkhûnöng kö Jareba than; ke ca khana bi he ka omeli u, me ometo hnobun aat.

Hosea 5:15

Oge me he ka he but me hmetu ka hnyi hnok, ke ne o but adre me ogâ anyidra monu, me elâm hnyi-makök: ke adre me he ka ti elom nya e ka hu vec gadra.