Hosea 2:5 - Iaai Bible 1901 (New Caledonia)

⁵ Anyin a hiny-ödrin ame bi ûnyi monu: momo a hnöku ödrin ame ânyâ ûnyi hnân hmehma; anyin a haingen, ka habe, Oge me he ka hnu hoton lawek, tavat adre me ha ök, me belik köiö, me leûnen mamoe,, me lino, me wakaco, me belik.

Hosea 2:5 ပူးပေါင်းရင်းမြစ်များ

Isaia 1:21

Ekölö, momo hnyi gethen dut taun hnathu! waleji ae unöngöt ge wisa! ame laba ehac hnyi hwakecin ae wisa, ke walang ang bi tavat ûhlingö.

Isaia 50:1

WALANG hna ha hnö Iehova, ka habe, Ewa tusiny thang faipoipo ge hinyöbun, waleji oge me degec e kâu? ke ewa at oge hia but ûcû öbun kâu unyin tavat oge me hom gufa gadra? Wâ bi, can hwakecibun ae kong adre ûcû öbun, kʼ adre me degec hinyöbun can hnobun hna hanyâûâ.

Jeremia 11:13

Anyin ae ûcû ûseiny ânyâm je khong Juda me ânyâm je taun; ke öbun e hia but otilâ je taben hut ka ûnyi ae ikiki, a je tap hnân leû utö ae bo so kö Baala, hoton ûseiny je getheniny Jerusalema.

Jeremia 13:22

Ke u je ne ha eû hnyi hnyekom, ka habe, Can ieû ame o könya ta je ûnyi ang? can ûganiny hwakecâm ae kong adre hai obiny ânyâm ûkhaû, me adre me okongoâ ohmâiny li cam.

Jeremia 2:20

Anyin a hwân ehac oge hia but thu degecâ ânyâm hna ûhûkâlâköuâ, me thamuâ hna cö u; ke haingâm, ka habe, Oge me ca he ka bi athnyaba; anyin a u me mokut hon je bucen hia ae beû, ke hmelen je ûö hia ae hât, he ka bi ûnyi monu.

Jeremia 6:8

Jerusalema lö, kap ju hna ûnö, wâ e nye hwio hnyekuk gam; wâ oge nye he ka öba wânâm, me u me hnyei adre me ca labā.

Ezekiela 16:35

Anyin a wale, momo hnyi gethen lö, long je hofuc ho Iehova:

Ezekiela 16:39

Ke oge me he ka hnö u ka hnyi hnyamödrin, kʼ adre me he ka thö umâm uma ae nua, me hagutâ ânyâm je dok ae görany; ke adre me he ka un dö je khâuâm, me hom je ohmanenangâm ae meic: ke adre me he ka hnö u ke ba ûkhaû ke ba ûnyi gam.

Ezekiela 16:4

Ke haba hna hnöku u, haba hnyi bong adre hnöku u hnyin, me adre ca subâ bibikâm, ke adre ca ösûö u hnyi köiö me u me so; ke adre ca botru u ge sâlt, ke adre ca lan u ge mano.

Hosea 1:2

Hnyi ûen Iehova ame bân ka fuc kö Hosea, me haingö Iehova kö Hosea, ka habe, He thö ka hok momo hnyi gethen ke lakon gethen: anyin ae gan hmâ bi ûuyi monu ge tavat, a gʼ adre me digic Iehova.

Hosea 2:2

Ivino thö me hinyöbun, ivino thö; anyin a ca öiök ut e, ke ca âiân dut inya: ke so e ame degec anyin bi ûnyi monu ûnyi hnyi hnyimakan, me hnen hna venöu hnyi wanben li basin;

Hosea 2:8

Anyin ae ca khana bi momo a oge me ham kâu hwit, me waina, me wakaco, me osehia kâu sileva, me gol, wale ödrin e bi Baala kâu.

Hosea 3:1

KE Iehova ame ha könya, ka habe, He hmetu thö ka betenge ge momo at ame betenge gan waeny ke momo ame venöu, helâ me betenge anyi Iehova ka lakon Isaraela, tavat adre me hnyimakan ka je khong, ke wedra je hmata a wan vine.

Hosea 4:5

Ke u me he ka haû hnyi selany, ke u me he ka tha haû me perofeta hnyi lit; ke oge me he ka ohia hinyâm.

Hosea 8:9

Anyin adre me he Asuria ai, helâ me asinainy hnyot ame hake he: Eferaima ame hia but hok laweny ge hwaban.

Hosea 9:10

Oge me ö Isaraela helâ me je wan vine hnyi hnyebuba; oge me wâ lakamöbun helâ me je wan meta a bân: ke adre me he kö Baala-peora, ke ka hnʼ ödra bi ka ûnyi hnân ohmema, me adre me tha ikiki me ûnyi adre me hnyok kâu.

Amosa 8:13

Hnyi bong eling ame he wahlu ae hmanenang me wahidröu ka momonu ge beic.

Owisa 16:23

Ke haba je tuhan at Filisiti ödrin e ûkhacaköu he ka hudo hut ae gan kö Dagona a khongudrin, me he ka senyin: anyin a haingödrin, ka habe, a hia but khongutin hnö Samasona a iwahnaihmiony mötin ka hnyi hnyamötin.