Hosea 2:22 - Iaai Bible 1901 (New Caledonia)

²² ke ame he hmeledrany ka thu hmetu ka hwit, me waina me wakaco; ke ödrin e he ka thu kö Jezerela.

Hosea 2:22 ပူးပေါင်းရင်းမြစ်များ

Isaia 62:4

Ke adre me ca he hmetu ka haiö u, ka habe, Adre degec; ke adre me ca he bi ka ha ge em hnyei, ka habe, E ba aten: ke adre me he ka hwenyi iâm, ka habe, Hnok hna senyin gan, ke haba ien em hnyei, A faipoipo thö: anyin ame senyin köu Iehova, kʼ ame he ka faipoipo em hnyei.

Jeremia 24:7

Ke oge me he ka ham kodra hnyok he ka wâhmakhmetu nya, a inya Iehova: ke adre me he ka bi lakeik, ke oge me he ka Khongudrin, anyin adre me he ka hmetu könya ge hnyok ae bekhot.

Jeremia 31:12

Ke adre me he ka o me khumöng hnyi dok ae gorany hnyi Ziona, me tha he ka hnyi soi Iehova, ka hnyi hwit, me waina, me wakaco, me je nokon mamoe, me kau: ke ame he je hnyekudra ka helâ me hna belök adre hû; ke adre me ca he balua hmetu he ka tenge.

Hosea 1:11

Ke ame he ka ûkhacaköu je lakon Juda, me je lakon Isaraela, ke adre me he ka otilâ hobi kodra ke taben a khaca, ke adre me he ka he but ûnyi hnyi hnyei: anyin ame he ka bong ae gan bong bongu Jezerela.

Hosea 1:4

Ke haba Iehova ame ha kâu, ka habe, Hwenyi ien do, ka habe, Jezerela; ke haba me okhaca me oge me he bi nya ka bi hwaban drö Jezerela ka lap anyi Jehu, ke oge me he ka bi obiny dokhu dokon lap anyi Isaraela.

Hosea 14:7

Ame he tavat adre me laba hnyi hmenon ka hmetu; adre me he ka mot hmetu helâ me hwit, me vhong helâ me vine: ame he ka helâ me wainainy Lebanona bunen.

Joela 2:19

Ke Iehova ame thu me ha ka lakeiny, ka habe, Wâ bi, oge me he ka kunâ köbun hwit, me waina, me wakaco, me me sekubun hnen je ûnyi e: ke oge me ca he hmetu ka hnʼ öbun me hnân haikongoâ hnen ta je hnyei:

Zakaria 8:8

ke oge me he ka hum ödra, mʼ adre me he ka laba hnyi wanben Jerusalema; ke adre me he ka lakeik, ke oge me he ka Khongudrin hnyi hnathu me hwakecin ae wisa.