Hosea 2:20 - Iaai Bible 1901 (New Caledonia)

²⁰ Oge me he ka hum u könya hnyi hnathu: ke ame he ka khanö u Iehova.

Hosea 2:20 ပူးပေါင်းရင်းမြစ်များ

Genese 9:10

me ta je ûnyi hia ae möt unyibun, a je meno ame gâ, me je meno a vak can, me je menoiny hnyot hia unyibun eang hmeledrany; a ta je meno hia ʼa didrut ûhedra hnyin aka, wale ta je meno hia eang hmeledrany.

Isaia 2:4

Ke e ame he ka owisa ge ta je hnyei, me nâ je hnyei ae se: ke adre me he ka kokot anyidra je hele vat, me me hnân bi hwio kânâ, me dödra je ö hnân je bâlet adre dela kâu vine: ame ca he ke hnyei ka nang hele vat ka kot ke hnyei, ke adre me ca he hmetu bala he ka nâ vat.

Isaia 62:4

Ke adre me ca he hmetu ka haiö u, ka habe, Adre degec; ke adre me ca he bi ka ha ge em hnyei, ka habe, E ba aten: ke adre me he ka hwenyi iâm, ka habe, Hnok hna senyin gan, ke haba ien em hnyei, A faipoipo thö: anyin ame senyin köu Iehova, kʼ ame he ka faipoipo em hnyei.

Jeremia 24:7

Ke oge me he ka ham kodra hnyok he ka wâhmakhmetu nya, a inya Iehova: ke adre me he ka bi lakeik, ke oge me he ka Khongudrin, anyin adre me he ka hmetu könya ge hnyok ae bekhot.

Jeremia 30:10

Anyin a wale Jekob lö, athnyabaik, ca ot, haingö Iehova; ke Isaraela lö, ca hlohlo bi: anyin a wâ bi, oge me he ka omeli u ûnyi hnyi dok ae sâkâû, me je mâtrânâm ûnyi hnyi hnyei waleji adre hwenbʼ ödra hnyin; ke ame he Jekob ka hmetu me menâ, me laba hnahic, ke ba at ame he ka ootâ e.

Jeremia 32:41

Eke, oge me he ka senyin ködra, he ka mâdrâ kodra so, ke e hnathu oge me he ka te ödra hnyi hnyei ang, hnyekuk ae bekhot me hanuk ae bekhot.

Jeremia 9:24

ke so at ame hobâ he ka hobâ ûnyi ang, a e ame wâhmakhmeto me khana inya, a inya Iehova at ame ânyâ betenge, me owisa, me ûnyi ae ûcû eang hmeledrany: anyin a inya oge me senyin ka ta je ûnyi eling, haingö Iehova.

Ezekiela 16:62

Ke oge me he ka ohmâ anyik ûhihinyköu möu; me u me he ka wâ a inya Iehova:

Ezekiela 16:8

ke hnyi ûen oge me he unyâm me ō u, me wâ bi, ûen betenge ânyâm bong, ke oge me lau hom obiny anyik ûkhaû, me khaûö u at ame mokut thu: eke, oge me khemanyin köu, me ûhihinyköu möu, haingen Than Iehova, ke u anyik bi.

Ezekiela 34:25

Ke oge me he ka ânyâ ûhihinyköu ûsoköu mʼ ödrin, ke oge me he ka ohia ta je meno ae kong ûnyi hnyi hnyei: ke adre me he ka laba khotkic hnyi hnyebuba, ke mokut hnyin hnyi hnyot.

Ezekiela 34:27

Ke ame he je ûöiny hnyei ka wa, kʼ ame he kânâ ka ham jeûiny, kʼ adre me he ka laba khotkic hnyi idra; me adre me he ka wâ a inya Iehova, iny ka hia but thu je venyâiny hna ûhûkâlaköu ödra, me omeli ödra ûnyi hnyi hnyamen tavat adre me thalu ödra.

Ezekiela 38:23

Ke oge me he ka oganö nya, me okabi nya bi, ke oge me he ka manen hnyi hnyimakan je hnyei ae se hia; me adre me he ka wâ a inya Iehova.

Hosea 13:4

Ke inya Iehova Khongom ûnyi hnyi hnyei Aigupito; kʼ ame ca he ka khanö u ke khong ke hake inya thibi, ke ba at ûhomeli ke hake inya ke.

Hosea 2:19

Ke oge me he ka hum u me öiök nyiele balua; eke, oge me he ka hum u me öiök hnyi wisa, me hna owisa, me hnyok ae so, me betenge.

Hosea 6:6

Anyin ae wek ibetengiö, ke ca but bi; ke beonuâ he ka wâhmakhmetoâ Khong hon je hudiny leû.

Levitiko 26:5

Öbun e he ka uja hwit ke ne o but ûen he ka ip je wan vine, me ip wan anyibun vine ke ne o but ûen cekön: ke öbun e he ka han sekon me laba hnahic hnyi ibun hnyei.

Levitiko 26:6

Ke oge me he ka ham ûsoköu köbun hnyi hnyei, ke öbun e he ka mokut, ke ba at ame he ka oti öbun: ke oge me he ka, ohia je menoiny hnyot ae kong hnyi hnyei, kʼ ame ca he hele vat ka vheno ibun hnyei.

Mika 4:3

Ke e ame he ka owisa ka ta je hnyei ae se hia, me fuc ka je hnyei ae hwege hnyi je dok ae sâkâû; ke adre me he ka kokot anyidra je hele vat me me hnân bi hwio kânâ, ke dödra je ö hnân hele subö vine: ame ca he ke hnyei ka hai hele vat ka ke hnyei, ke adre me ca he hmetu ka ûnö vat.

Zakaria 9:10

Ke oge me he ka subâ degecâ kariota ûnyi Eferaima, me hors ûnyi Jerusalema, ke adre me he ka subâ degecâ cafanainy vat; ke e ame he ka ha ûsoköu ka ta je hnyei: ke e ame he ka musi hwân hnyi ke köiö, ke ne o but ka hnyi ke köiö, ke hwân hnyi Wagewe ke ne o but ka hnyi je can hmeledrany.

Mataio 11:27

A hia but Cica ham könya ta je ûnyi hia: ke ba ke at ame wâhmakhmetoâ Nokon, ke Kamen thibi; ke ba at ame wâhmakhmetoâ Kamen, ke Nokon thibi, me at minya ame weny Nokon he ka omanenâ kâu.

Luka 10:22

A ham könya ta je ûnyi hia thithö hnö Cica: ke ba at ame wâhmakhmetoâ Nokon, ke Kamen thibi; ke ba at ame wâhmakhmetoâ Kamen, ke Nokon thibi, me at minya hnen Nokon hna weny he ka omanenâ kâu.

Ioane 17:3

Ke walang möt ame ca ba balua, a gʼ adre me he ka wâhmakhmetu u Khong hnathu a khaca thibi, me at u je kunâ, wale Iesu Keriso.

Ioane 8:55

e ca khanʼ öbun e: ke khanö nya e; oge ne ha, ka habe, E ca khanö nya e, awe, oge ma at thoi bi helâ me öbun: ke khanö nya e, ke oge me vheno hwan hofuc.

II. Korinito 4:6

Anyin a Khong, waleji at ame ha, ka habe, Ame he ka umumelam but melam ûnyi hnyi lit, waleji ame öumumelamâ je hnyekuta, me me melam but he ka wâhmakhmetoâ hmanenang anyin Khong hnyi hnyimakö Iesu Keriso.

Filipi 3:8

Eke, e hnathu, inya oge me oûnyibâûâ ta je ûnyi hia thithö ûnyi hnyi ûnuainy hna wâhmakhmetoâ Keriso Iesu a Tuhok: ke can thibi e oge me hna degecâ ta je ûnyi hia thithö, ke oge me ûnykûme me tiren bi ta je ûnyi eling, me inye he ka hu Keriso,

Kolose 1:10

mʼ öbun e he bala ka ûcû ka Than, he ka osenyinâ bala e, me wa hnyi ta je huliwa ae so hia, me kû tot hnyi metâ anyin Khong;

II. Timoteo 1:12

Can e oge me vecâ ta je ûnyi e; ke inya oge me ca hmehma bi; anyin oge me wâhmakhmeto but e, waleji at oge me labageju kâu, ke mou thö hnyi hnyekuk a e khana he ka tuö hnok hna hna kâu, ke ne o but hnyi bong e.

Heberu 8:11

Kʼ adre me ca he bi ka ve nâ tavat ae hakekeny kodra, Ke je liamekeiny mʼ ödra, me ha, ka habe, Khanö u thö Than: Anyin ame he bi tavat hia thithö ka khanʼ ödra inya, Hwân ge tavat ae ûhnyûkong ke ne o but ge tavat ae gan gadra.

I. Ioane 4:6

Öhmun tavat ûnyi ge Khong: ke ame ling öhmun hnen at ame wâhmakhmeto Khong; ke ame ca ling öhmun hnen at a ca ûnyi ge Khong. Hnen ûnyi e ate me wâhmakhmeto hanu ae hnathu, me hanu ae monu.

I. Ioane 5:20

Ke e khanʼ öta a gʼ ame hia but o Nokon Khong, ke a hia but ham köta hna wâhmakhmeto, me me khanʼ öta e at ae hnathu, ke öta but eû hnyi hnyekon at ae hnathu, wale eû hnyi hnyekon Nokon a Iesu Keriso. Wale Khong ae hnathu, me möt ame ca ba balua.