Hosea 2:2 - Iaai Bible 1901 (New Caledonia)

² Ivino thö me hinyöbun, ivino thö; anyin a ca öiök ut e, ke ca âiân dut inya: ke so e ame degec anyin bi ûnyi monu ûnyi hnyi hnyimakan, me hnen hna venöu hnyi wanben li basin;

Hosea 2:2 ပူးပေါင်းရင်းမြစ်များ

Isaia 11:12

Ke e ame he ka ogöranyâ boûdila hobi kâu ta je hnyei, me ûkhacaköuâ je hna degec ge at Isaraela, me ûkhacaköuâ je hna oveseâ a at Juda ûnyi hnyi je can hmeledrany a vak.

Isaia 50:1

WALANG hna ha hnö Iehova, ka habe, Ewa tusiny thang faipoipo ge hinyöbun, waleji oge me degec e kâu? ke ewa at oge hia but ûcû öbun kâu unyin tavat oge me hom gufa gadra? Wâ bi, can hwakecibun ae kong adre ûcû öbun, kʼ adre me degec hinyöbun can hnobun hna hanyâûâ.

Isaia 58:1

HONGOT hwege ju, hai goranyai ifucâm helâ me trutru, ke haimemenâ thö ka lakeik hnödra hna hanyâûâ, ke haimemenâ thö ka lap anyi Jekob anyidra ta je hulo.

Jeremia 19:3

me ha, ka habe, Long ju öbun hofuc ho Iehova je than Juda, me aten Jerusalema; walang hna ha hnö Iehova tuhan sabaoth, Khongu Isaraela, ka habe, Wâ bi, oge me he ka oâ ûnyâ ae kong ka hnyi hon dok ang ke ame he ka tenge met hnyi hnyikonyen tavat adre me löng.

Jeremia 2:2

He thö, hongot dö hnyi je hnyikonyen Jerusalema, ka habe, Walang hna ha hnö Iehova, ka habe, Inya oge me ûnykûmi u wale ge hwakecâm ae menyik ku tiga hlu, me ânyâm betenge waleji hnyi hnâm hna ûköcö: waleji hnyi hnâm hna he hotuk hnyi hnyebuba, hnyi hnyei adre ca belökâ.

Jeremia 3:1

HAINGODRA, ka habe, A ne ke at ame degec âiân, ke ame he gan me ame âiân ke baga bi, hawa, e ame be ka hmetu ka momo? Ame ca he ka ti kong hnyei eling? Ke u je hia but bi ûnyi monu me tavat ae se hia; ke so bi, hmetu ju könya, haingö Iehova.

Jeremia 3:13

Ke so bi, ogâ thö ânyâm hulo, a u je ânyâ hwakecin ae ikiki kö Iehova Khongom, me he monu unyin je atkanyua hmelen ta je ûö hia ae hât: ke öbun e ca long hok hofuc haingö Iehova.

Jeremia 3:18

Hnyi je bong eling ame he lap anyi Juda ka tha he me lap anyi Isaraela, ke adre me he ka tha o ûnyi hnyi hnyei hnyi hwadro ka hnyi hnyei waleji oge ham ka lakamöbun me hnân ibun.

Ezekiela 16:20

Ke haba khaca, u je hia but hom lakom obaga me wahlu, waleji u je hnoko hobi könya, me hudi ödra ködrin me hnân ö ʼdrin. Hawa, ûnyi ae ûhnyûkong hnâm je hna bi ûnyi monu,

Ezekiela 16:25

U je hia but op ânyâm je dok ae gorany, hnyi je hna saû hia, me oikikiâ ânyâm hmanenang, ke u je öûsakâûöâ li hnyeûcam ka tavat adre me gethen unyâm, me osehia hnâm hna bi ûnyi monu.

Ezekiela 20:4

Hawa, nokon at lö, u me he ka owisa kodra, hawa u me he ka owisa kodra? omanenâ thöʼ kodra je hwakecin ae ikiki anyin lakamödrin:

Ezekiela 23:43

Me oge me ha ge momo at ame kueny bi ûnyi monu, ka habe, Ödrin e he bi walang ang ka bi ûnyi monu mē, ke e minya mödrin.

Ezekiela 23:45

Ke ame he tavat ae wisa ka bi hwaban ködru helâ me hna bi hwaban ka momo hnyi gethen, me hna bi hwaban ka omomo adre me hingâlâ dra; anyin a ödru li at bi ûnyi monu, ke e hnyi li hnyamödru dra.

Hosea 1:2

Hnyi ûen Iehova ame bân ka fuc kö Hosea, me haingö Iehova kö Hosea, ka habe, He thö ka hok momo hnyi gethen ke lakon gethen: anyin ae gan hmâ bi ûuyi monu ge tavat, a gʼ adre me digic Iehova.

Hosea 2:1

HA thö ka je liamekeiny möbun, ka habe, Ami; me ka je lahanibun, ka habe, Ruama.

Hosea 2:5

Anyin a hiny-ödrin ame bi ûnyi monu: momo a hnöku ödrin ame ânyâ ûnyi hnân hmehma; anyin a haingen, ka habe, Oge me he ka hnu hoton lawek, tavat adre me ha ök, me belik köiö, me leûnen mamoe,, me lino, me wakaco, me belik.

Hosea 4:5

Ke u me he ka haû hnyi selany, ke u me he ka tha haû me perofeta hnyi lit; ke oge me he ka ohia hinyâm.

Mika 2:13

Ame he at thö hnyi hnyimakodra: adre me hia but utut me be thö ka hnyi homagoule, me didrut hnyin: ke haba tuhödra ame he hnyi hnyimakodra, ke Iehova a hnyimakan kodra.

II. Korinito 5:16

Wale me öhmun e hwân walang ang a öhmun e ca he ka wâhmakhmeto ke at hoton unyin: eja ke ne öhmun e hia but wâhmakhmeto Keriso hoton unyin, ke so bi walang ang öhmun e ca he ka wâhmakhmeto hmetu bi e helâe.