Hosea 2:16 - Iaai Bible 1901 (New Caledonia)

¹⁶ Ke haingö Iehova, ka habe, Hnyi bong eling u me he ka hawo nya, me Ishi; ke u me ca he hmetu ka hawo nya, me Baali.

Hosea 2:16 ပူးပေါင်းရင်းမြစ်များ

Genese 34:3

Kʼ ame kece but hnyekon kö Dina nöku Jekob, ke e ame betenge ka hlu, me fuc menyik ka hlu.

Isaia 40:2

Ha thö hofuc ae kaukahwa kö Jerusalema, ke hongot dö kâu a ga um dö bonginy vec, ke adre hia but thang degecâ anyin hulo; a hia but kap ûnyi ga Iehova hna olo bi hwaban anyin ta je hulo hia.

Isaia 54:5

Anyin a âiâm bi at a up u: haba ien, me Iehova tuhan sabaoth: ke haba at a ûcû melam, me Kabi Isaraela; adre me he ka hawâ e me Khongon hmeledrany hia thithö.

Jeremia 3:14

Öbun na hmetu ju, öbun tavat labö kolu, haingö Iehova; anyin a iny helâ me âiân köbun: ke oge me he ka hum öbun, ûsa khaca ûnyi hnyi taun, ke ûsa lo ûnyi hnyi lap, me hum öbun Ziona ai:

Ezekiela 20:35

ke oge me he ka hum öbun ka hnyebuba anyin je hnyei, me ivino eling möbun otin ka iohnyimak dö.

Hosea 2:7

Ke e ame he ka hnu hoton laweny, ke e ame ca he ka khaletʼ ödrin; ke e ame he ka elom ödrin, ke ame ca he bi ka wâ: me e ame he ka ha, ka habe, Oge me he ka hmetu ka öiök a bân; anyin ae so könya ehac, ke kong walang ang.

Ioane 3:29

Haba at ae hu hlu a teb faipoipo, me wale baga a teb faipoipo mē, ke haba hanen baga a teb faipoipo, at ame tot ka long e, me ame senyin gan hmâ ge ifucin at a teb faipoipo: anyin a wale e hwâdâ but anyik senyin ang.

II. Korinito 11:2

Anyin a inya oge me ciʼ öbun ge hwakecin ciâ anyin Khong: anyin a oge me kocʼ öbun ka baga a khaca, mʼ inye he ka hum öbun ka Keriso helâ me hlu cici.

Hna Omanenâ 19:7

E so ate me senyin me hobâ, ke so ate me ham kâu hna ogânâ: anyin ame o but Arenio he ka faipoipo, ke a hia but âiân hamen penapena e.

Owisa 19:3

Me ame todrö âiân baga me he hoton he ka ûhnenamö wia mē me hom hmetu bi, ke e unyin athnyabainy me li asina: ke haba momo ame hom e ka hnyi uma umen kamen: ke a wâ e kamen momo, me e ame senyin he ka iouny mē.

Rutha 2:13

Me e ame ha, ka habe, Me betenge ju gak, tuhok; anyin a u je otubweli nya, me ha kônya a athnyabaem hofuc ae so, eja ke ne ca ûcû me lathnyabaem omomo inya.