Hosea 2:13 - Iaai Bible 1901 (New Caledonia)

¹³ Ke oge me he ka bi hwaban kâu je bong bonginy je Baala, wale e ame leû uto ae bo so hnyin ködrin; ke e ame theibâ e ge je theibeny hnyikonyen me je ohmanenanginy, me hnu hoton je laweny, kʼ ame hnying nya bi, haingö Iehova.

Hosea 2:13 ပူးပေါင်းရင်းမြစ်များ

II. Je Than 1:2

Ke haba Ahazia ame kolu ûnyi hnyi hna pewanâ mamalama hnyi hnyeuleny ethö, hnyi Samaria, me e ame moko: ke e ame kunâ je ûthumetu, me ha ködrin, ka habe, He thö ka hnei Bele-sebuba kongon Ekerona me inye he ka möt ûnyi hnyi mok ang.

II. Je Than 10:28

Helâe hnö Jehu hna ohiö Baala ûnyi hnyi Isaraela.

II. Je Than 21:3

Anyin a e ame otilâ hmetu je dok ae görany waleji a ohia ga Hezekia a kamen; ke e ame otilâ je taben hut kö Baala, me ânyâ ke Aseira, helâ me hna ânyâ hnö Ahaba than Isaraela, me khudrung ka ta je ûnyi hia hnyi drany, me bi athnyabaidrin.

Jobu 8:13

Helâe minya je gethen deny tavat hia adre me hnying Khong; Kʼ ame he ka hia hna gejon ge at ame ca outen bi Khong:

Salamo 106:13

Kʼ adre me ie hnying ut hnen je hna ânyâ; Kʼ adre me ca lubahingen bi anyin ûhnenamö:

Salamo 106:21

Adre me hnying Khong wale at ame omeli ödra, At ame ânyâ ta je ûnyi ae gan hnyi Aigupito;

Salamo 78:11

Kʼ adre me hnying anyin ta je huliwa, Me hnen je hna ânyâ hnân lâiâ, waleji e ame omanenâ kodra.

Esodo 32:34

Ke he thö walang ang me hom tavat ka hnyi dok waleji oge me ha köu: wâ bi, ame he ka he anyik angela hnyi hnyimâkâm: ke so bi, haba hori bong oge me he ka senâ, me oge me he ka bi hwaban anyidra hulö.

Isaia 17:10

Anyin a u je hnying Khongon ânyâm ûöhmeli, ke u je ca ûnykûme kicin tang hwegiâm; anyin a wale u je tā je ûo ae hmanenang, me tā ta je hatong kanyua:

Isaia 65:7

wale ta je hwakecibun ae kong, tha e me hwakecin ae kong anyin lakamöbun, haingö Iehova, waleji adre leû utö ae bo so hon je bucen, me bi gan könya hon je hut: anyin a wale oge me he ka bok ka tuluto anyidra ta je huliwa ka hnyi je ûlaidra.

Jeremia 11:13

Anyin ae ûcû ûseiny ânyâm je khong Juda me ânyâm je taun; ke öbun e hia but otilâ je taben hut ka ûnyi ae ikiki, a je tap hnân leû utö ae bo so kö Baala, hoton ûseiny je getheniny Jerusalema.

Jeremia 18:15

Anyin adre hnying nya lakeik, adre hia? but leû utö ae bo so ka ûnyi ae ba onyen; ke adre hia but ohaû ödra bi hnyi dedra je gethen, a je gethen kâû adrem, he ka he hnyi je ong gethen, adre ca okhibö goranyai;

Jeremia 2:32

Hawa, ame he hlu ka hnying je hna theibâ e, ke hlu ame tep faipoipo ka hnying bi ûkhaûen? ke haba lakeik adre me hnying nya hnyi je bong a ca hnân bi aû.

Jeremia 23:2

Anyin a wale walang hna ha hnö Iehova Khongu Isaraela ge tavat tuö mamoe tavat adre me tuö lakeik, ka habe, Öbun e hia but oveseâ halek je mamoe, me obʼ ödra, me ca senʼ ödra; wâ bi, oge me he ka bi hwaban ûkongon anyibun ta je huliwa, haingö Iehova.

Jeremia 7:34

Ke oge me he ka obuhlumo hnyi je tauniny Juda, me je gethen minya hnyi Jerusalema, hwan senyin, me hwan hobâ, me hwan li at ödre tep faipoipo: anyin ame he ka ba aten hnyei.

Jeremia 7:9

Hawa, öbun e he ka venöu, me ûhlingö, me bi ûnyi monu me khemanyin thoi, me leû utö ae bo so kö Baala, me hnu hoton ke je khong, wale ae ca khanʼ öbun,

Je tenge anyi Jeremi 1:4

Ame tenge je getheniny Ziona, anyin ame ca o tavat ka hnyi ûkhacaköu ae ûnyi hnathu; E ba but at hnyi je homagouleny hia, kʼ ame mâng anyin tavat bihut: Ame hlöuhlöu wahlu unyin, ke haba e, me momo ame vec dö.

Je tenge anyi Jeremi 5:14

E ba but wahingat hnyi je homagöule, Ke soju khumöng anyin wahidröu.

Ezekiela 16:12

Ke oge me ip otru hnyi hnyingoiâm, me li theibiny hnyiköny hnyi li hnyikönyâm, me obicö u ge korona ae hmanenang.

Ezekiela 16:17

Ke u je hom je hmanengâm gol me sileva gak, waleji oge me ham köu, me ânyâ je hna theâtâ at, mʼ u me bi ûnyi monu mē;

Ezekiela 22:12

E unyâm adre hia but kap je bwihlany mʼ adre me hingâlâ dra; u je hia but hok hwaban ûnyi adre me me ham, ke ta je troban bi, ke u je hia but hwenmiâ ka hom troban ge at ame laba hakekenyi u ge ûöveci, ke u je hnying nya, haingen Than Iehova.

Ezekiela 23:35

Anyin a wale, walang hna ha hnen Than Iehova, ka habe, Anyin a u je hia but hnying nya, me kunö nya ka hnyi hotom, anyin a wale ame he ka tabö u hwakecâm ae ikiki me ânyâm bi ûnyi monu.

Hosea 11:2

Adre me hawʼ ödra, me adre me he but ûnyi gadra: adre me bi hut ka je Baala, me leû uto ae bo so ka je idola.

Hosea 13:1

AME fuc Eferaima, me ame öbubuny ehe; ke e ame ka ogânâ e hnyi Isaraela: ke e ame hulo but ga Baala, me ame mokcu.

Hosea 13:6

Adre me ka sekudra hoton ö ʼdra jeû; e sekudra thö me ame bi gan je hnyekudra: anyin a wale adre me hnying nya.

Hosea 2:5

Anyin a hiny-ödrin ame bi ûnyi monu: momo a hnöku ödrin ame ânyâ ûnyi hnân hmehma; anyin a haingen, ka habe, Oge me he ka hnu hoton lawek, tavat adre me ha ök, me belik köiö, me leûnen mamoe,, me lino, me wakaco, me belik.

Hosea 2:7

Ke e ame he ka hnu hoton laweny, ke e ame ca he ka khaletʼ ödrin; ke e ame he ka elom ödrin, ke ame ca he bi ka wâ: me e ame he ka ha, ka habe, Oge me he ka hmetu ka öiök a bân; anyin ae so könya ehac, ke kong walang ang.

Hosea 4:13

Kʼ adre me bi hut hon ban je bucen, ke leû utö ae bo so hon je dok ae gorany, ke hmelen je iwajo, ke je libene, ke je ela, anyin ae so hmenon: anyin a wale ame bi ûnyi monu lakubun wahlu, kʼ ame venöu laöiöbun.

Hosea 4:6

Adre me ohia lakeik anyin ae ba wâhmakhmeto: anyin a u je hia but hna degecâ wâhmakhmeto, awe, oge me he bi nya ka hna degeci u, inʼ u me ca at bihut könya: anyin a u je hnying hnanyibu anyin Khongom, me oge me he bi nya ka hnying lakom.

Hosea 8:14

Ke a hia but Isaraela hnying At a op e, me op je uma umen je khong; ke Juda ame hia but osehia je taun adre up haginy; ke so bi oge me he ka kunâ meic ka hnyi anyin je taun, me me an je uma umen than.

Hosea 9:7

A o thö je bong bi hwaban, a o thö je bong he ka oûco; kʼ ame he Isaraela ka wâ e: at ae monu perofeta, ke monu at ae tren hanu, anyin ae se but ânyâm je hulo, ke gan hmâ ûöhûköti.

Amosa 8:10

Ke oge me he ka wia anyibun je bijeû ka hnyi tenge, me anyibun je khumöng hia ka hnyi, tenge thungaû; ke oge me he ka oâ ka hnyi ta je hnyin hia mano ae gan nân, me ohadreûâ ta je ban hia; ke oge me he ka wia e helâ me hwatenge can nokon a khaca, me obiny e helâ me bong vec.

Deuteronomi 32:18

U je hnying ge Kic, at ame hnöku u, Me ca ûnykûme hmetu ge Khong at ame up u.

Deuteronomi 6:12

awe, wâ eâu, wâ u nye hnying Iehova at ame hum u ûheny hnyi hnyei Aigupito, ûnyi hnyi hnyaba ae ûthaluo.

Owisa 10:6

Ke haba lakon Isaraela adre me ânyâ hmeto bi ûnyi ae kong hnyi hnyimakö Iehova, me bi athnyaba ka je Baala, me Aseira, me je khongon Suria, me je khongon Zidona, me je khongon Moaba, me je khongon laku Amona, me je khongon at Filisiti; ke adre me digic Iehova me ca bi athnyabainy.

Owisa 3:7

Ke haba lakon Isaraela adre me ânyâ hulö hnyi hnyimakö Iehova, me hnying Iehova Khongudrin, me bi athnyabainy je Baala me je Aseira.

I. Samuela 12:9

Ke ödrin e hnying Iehova Khongudrin, me e ame ûcû ödrin ka hnyi hnyamö Sisera, taben utbavat anyi Hazora, me ka hnyi hnyamen at Filisiti, me ka hnyi hnyamen than Moaba, me, ödrin e vat mödrin.