Hosea 2:10 - Iaai Bible 1901 (New Caledonia)

¹⁰ Ke walang ang oge me he ka omanenâ hwakecin ae ikiki hnyi hnyimakan laweny, ke ba at ame he ka hûgûnâ e ûnyi hnyi hnyamok.

Hosea 2:10 ပူးပေါင်းရင်းမြစ်များ

II. Man Ûlabainy Je Than. 24:7

Anyin a haba laku Athalia, momo ae kong, ödrin e hia but thö degecâ uma umen Khong; ke haba khaca ödrin e hia but ham hia ta je ûnyi a kapiny uma umö Iehova kö Baala.

Salamo 50:22

Tavat öbun e hnying Khong lö, ûnykûme ju öbun ang, Wâ oge nye he ka kiʼ öbun, ke ba at he ka omelo:

Ta je Vejec 11:21

Eja ke ne a ne ihok beny me ke at, ame ca he ka ba hwaban ka at ae kong: Ke ame he ka möt ta je mâtrâniny tavat ae wisa.

Isaia 3:17

anyin a wale ame he Than ka kot wanben je hodra ge oholök, kʼ ame he Iehova ka omanenâ je unyidra.

Jeremia 13:22

Ke u je ne ha eû hnyi hnyekom, ka habe, Can ieû ame o könya ta je ûnyi ang? can ûganiny hwakecâm ae kong adre hai obiny ânyâm ûkhaû, me adre me okongoâ ohmâiny li cam.

Jeremia 13:26

Anyin a wale oge me he ka hai obiny ânyâm ûkhaû ka hnyi hnyimâkâm, me e me manen hnân ohmehmai a.

Ezekiela 16:16

Ke u je hom ânyâm ke je ûkhaû me ânyâ hobi kâu je dok ae gorany ae ve bongon bi, me bi ûnyi monu eling: ame ca he ka o but ta je ûnyi helâe, kʼ ame ca he hmetu ka helâe.

Ezekiela 16:19

Ke haba jeû oge me ham köu, wale falawa me wakaco me hani, waleji oge me ham me âm, me u je ip hnyi hnyimaködrin, me hnân bo so, ke e hnathu e; haingen Than Iehova.

Ezekiela 23:29

ke adre me he ka ânyâ köu hnyi hmonyin, me hom hia hwabâm, me hnö u bi ke ba ûkhaû me he thu: ke ame he ka manen dut hmehmainy hnâm je hna bi ûnyi monu wale hwakecâm ae ikiki, me ânyâm je bi ûnyi monu.

Hosea 10:1

HABA Isaraela, me vine, at ame kû hlau, kʼ ame wa je wan; hoton ûganiny je wan e, e ame osehia je taben hut; hoton ûsoiny iny hnyei, adre op je veto ame tot ae hmanenang.

Hosea 13:1

AME fuc Eferaima, me ame öbubuny ehe; ke e ame ka ogânâ e hnyi Isaraela: ke e ame hulo but ga Baala, me ame mokcu.

Hosea 2:3

wâ oge nye uny jut anyin je ûkhaû, me hna but e, helâ me hnyi bong e ame o hnyin, me wia e me me helâ me hnyebuba, me ip e helâ me hnyei ae hwahwacit, me hlingâ e ge beic;

Hosea 6:9

Haba bunyen a tavat bi hut adre me ûhlingö hnyi gethen ûheny Sekema, helâ me tavat sei adre me mokulec at: eke, adre hia but ânyâ ûnyi ae ikiki.

Mika 5:8

Ke ame he ka e bi kolon ga Jekob unyin ta je hnyei, hnyi wanben tavat ae se hia, helâ me liona unyin je menoiny hnyot, helâ me nak liona hnyi wanben je hnahat mamoe: wale, ame ne he wanben, e ame he ka uto, me oloû kia, ke ba at ame he ka hûgûnâ.

I. Korinito 4:5

Anyin a wale, ca he ka ûnykûme ke ûnyi ke tiga hia bi ûen, e më o but Than, at ame he ka omelamâ ta je ûnyi ae iyong hnyi lit, me he ka omanenâ ta je ûnykûmenen hnyok; wale mʼ adre me he ka ve haisoâ ûnyi ge Khong.