Hosea 14:9 - Iaai Bible 1901 (New Caledonia)

⁹ Ie at ae metâ, me me wâ ûnykûme ta je ûnyi eling? ie at ame wâ wia me me wâhmakhmeto ta je ûnyi e? anyin ae wisa je gethen de Iehova, ke ame he at ae wisa ka vheno; ke ame he tavat hanyâûâ ka ta hnyin.

Hosea 14:9 ပူးပေါင်းရင်းမြစ်များ

Genese 18:25

Ö u ca he ka ânyâ helâe, wale he ka tha omoko tavat ae wisa me tavat ae kong, me me tha ûcû at ae wisa me at ae kong. Ö u ca he ka helâe: hawa ame ca he at owisa hmeledrany hia ka ânyâ wisa?

Jobu 17:9

Ke so bi ame he at ae wisa ka vheno balua deny gethen, Ke ame he ka hwege tot at ae tren li hnyam ae kalaöt.

Salamo 107:43

Haba at ae metâ ame he ka wâ wia ta je ûnyi eling, Kʼ adre me he ka ûnykûme wia tang betenge anyi Iehova.

Salamo 119:128

Anyin a wale oge me haiwisa hia ânyâm ta je hnanyibu ge ta je ûnyi hia; Hmiök ta je gethen hia ae thoi.

Salamo 119:75

Iehova lö, e khanö nya but ae wisa hnâm ta je hna owisa. Me u je hia but oveci nya hnyi hnathu.

Salamo 84:5

Hnahic hnen at at ae hwege gam; Eû bi hnyi hnyekon hna cit gethen ame he Ziona ai.

Salamo 84:7

Adre me he ka hwege tot, Adre me ve manen dut hnyi hnyimakan Khong hnyi Ziona.

Ta je Vejec 10:29

Haba gethen de Iehova, wale hnabâ ka tavat ae wisa; Ke ûokonguny bi ka tavat adre me ânyâ monu.

Ta je Vejec 16:21

Haba tavat ae tren hnyok ae metâ, me adre me he ka ha me tavat wâ wia. Ke haba hnebwiainy li esongot, me ame bi hanen metâ.

Ta je Vejec 4:18

Ke haba gethen deny tavat ae wisa me helâ me melam ae hadröngöc, Ame melam tot ke ne o but jebigö.

Isaia 1:28

Ke ame he ka tha hnaûhango tavat hanyâûâ me tavat ae kong, kʼ ame he ka hia but tavat adre me hna degeci Iehova.

Isaia 17:8

Ke e ame ca he ka bwela ka hnyi ta je taben hut, huliwa anyin li hnyamen, ke ame ca he ka wâ ta je ûnyi a ânyâ hnen je banyen, je Aseira, me je hna theati seûno.

Isaia 26:7

E wisa gethen deny tavat ae wisa: u thibi at ae wisa ke u je okhabalaûâ gethen deny tavat ae wisa.

Jeremia 29:12

Ke öbun e he ka hao nya, me öbun e he ka he me hic könya, me oge me he ka ling öbun.

Jeremia 9:12

Ie at ae metâ me me wâ ûnykûme e? ke ie at ame ha kâu hnen hnyimö Iehova, me me haimemenâ e? anyin a ieû ame kong ut hnyei adre thong helâ me hnyebuba, me me ba at ama vheno?

Ezekiela 11:18

Ke adre me he ka he kâe, me degec e je ûnyi ae ikiki me kong hia.

Ezekiela 18:25

Ke so bi, öbun e ha, ka habe, E ca ûcû hna ânyâ hnen Than. Lap anyi Isaraela lö, long ju walang ang: Hawa e ca ûcû hwakecik? hawa e ca hwali bi hwakecibun?

Ezekiela 36:25

Ke oge me he ka dukâiʼ öbun ge köiö ae alai mʼ öbun e he ka kalaöt ut: ke oge me he ka obosoi öbun ûnyi hnyi hwakecibun ae ikiki hia, me khongubun je khong hia.

Daniela 12:10

Ame he tavat ae se hia ka obosoi ödra, me ohawʼ ödra, me ânyâwi ödra; ke ame he tavat ae kong ka ânyâ hwakacin ae kong bala; ke ame ca he ke at ae kong he ka wâ ûnykûme: ke so bi, ame he tavat ae metâ ka wâ ûnykûme.

Zefania 3:5

At ae wisa Iehova hnyi wanben e; e ame ca he ka ânyâ hulö; e ame oâ hna owisa ka hnyi melam hnyi je hnyomakatu, e ame ca haû bi; ke haba at ae ca wisa bi, me ca khana bi hmehma.

Zakaria 10:6

Ke oge me he ka ha hwegien lap anyi Juda, me omelö lap anyi Josefa, me ohmetu ödra, anyin oge me betenge gadra; ke adre me he ka helâ ke mʼ oge me ca digic ödra: anyin a inya Iehova Khongudrin, ke oge me he ka ling ödra.

Mataio 11:19

Ke ame o but Nokon at, me ame han me ic, ke haingödra, ka habe, Wâ bi, at ae hwenhmiâ me beic waina, hanen ta je telona me tavat ae kong! Ke haba ûnyi hnân haisoâ metâ, me huliwainy.

Luka 2:34

ke haba Simeona ame hahnahici ödru, me ha kö Maria a hinyen, ka habe, Wâ bi, adre me ip wanakat ang hnân okolo me otilâ tavat ae se hia hnyi Isaraela; ke hnân haten minya adre me he ka haikongoâ;

Luka 7:23

Hnahic hnen at ame ca he ka thö thö gak.

Ioane 15:24

Oge ne ca mâdrâ unyidra ta je huliwa ae tiga ca mâdrâ ge at, ame ne ba anyidra monu: ke walang ang adre hia but wâ me hûkötiö Cica me inya minya.

Ioane 18:37

Me Pilato ame ha kâu, ka habe, Hawa gam, u than? Iesu ame ha, ka habe, U me ha e, a iny than. Adre hnöku nya hobi kâu e, ke oge o but eang hmeledrany hobi kâu e, me inye he ka ohnathoâ hnathu. Haba ta je aten hnathu hia, adre me long ifucik.

Ioane 8:47

Haba at a ûnyi ge Khong, me e ame long hofuc hwan Khong: waleling me öbun e ca long anyin a ca ûnyi ge Khong öbun.

Ioane 9:39

Haingö Iesu, ka habe, Oge o but eang hmeledrany he ka owisa, me me bwela but tavat adre me ca hnyi bwela; me me ca bwela bi tavat adre me bwela.

Ta je huliwa 13:10

me ha, ka habe, At ae unöngötö ge je thoi hia, me monu, u nokon diabolo, ke iwahnaihmiony me hwakecin hia ae wisa, hawa, u me ca menâ he ka ohwalö je hwakecin hia ae wisa anyin Than?

Roma 7:12

Awe, e kap hnanyibu, me e kap hna hûna, me wisa, me so.

Deuteronomi 32:4

E Kic, ke bekhöt anyin huliwa; Anyin a je deny hia, me hna owisa: E Khong ae hnathu, ke ba hnyikongon E wisa ke fâfâ.

Hna Omanenâ 15:3

Ke adre me khumöngö khumöng anyi Mose athnyabainy Khong, ke khumöng minya anyin Arenio, ka habe, E gan hmâ ke hnân lâiâ ânyâm ta je huliwa, Than a Khong Ataekhanahia; e wisa me hnathu dem je gethen, u Tuhan ta je dö.