Hosea 14:7 - Iaai Bible 1901 (New Caledonia)

⁷ Ame he tavat adre me laba hnyi hmenon ka hmetu; adre me he ka mot hmetu helâ me hwit, me vhong helâ me vine: ame he ka helâ me wainainy Lebanona bunen.

Hosea 14:7 ပူးပေါင်းရင်းမြစ်များ

Salamo 138:7

Eja ke ne oge ne he hnyi wanben vec, u me he ka omeli nya: U me he ka hai hnyamâm hon hmönyin anyin je iwahnaihmiony mönya, Kʼ ame he hnyamâm a metâm ka omeli nya.

Salamo 85:6

Hawa, u me ca he hmetu bi ka omeli ohmun: Me me he bi lakem ka senyin gam?

Salamo 91:1

HABA at ame laba hnyi hna lubaduöng anyi Beönua, Me ame he ka laba bala huyi hmenon Ataekhanahia.

Khumöng Hwanyi Solomona. 2:3

Helâ me i okhöiö hnyi je ûöiny hnyot, Helâe oûnykûmik unyin wahidröu. Oge me laba ju hnyi hmenon me gan senyin, Ke hnebwia anyin wan hnyi hnyimök.

Khumöng Hwanyi Solomona. 4:11

Öiök lö, e lup esongodâm helâ me hani adre tiga ca hlec: Hani me debai eû hnyi hmelen bohmâm; Ke haba bunen ânyâm ûkhaû me helâ me bunen Lebanona.

Khumöng Hwanyi Solomona. 6:11

Oge me he ka hnyi ta sa egozi,; He ka wâ ta je ûnyi ame kû hnyi hnyigöulen bucen, Me he ka wâ ame ne kû hlau vine, Me vhong rimona.

Isaia 61:11

Anyin a kânâ ame okûâ je vongon, ke ta hnyei ame okûâ je hatong adre me tä hnyin; helâe minya ame he Iehova ka okûâ kwakecin ae wisa me ogânâ hnyi hnyimakan ta je hnyei hia thithö.

Ezekiela 17:23

kʼ oge me he ka tä e hnyi bucen Isaraela ae beû: kʼ ame ke ka vhei je anginy, me wa, kʼ ame he bi ka arasi ae hmanenang: kʼ ame he ka laba eû hmelen ta je meno hia thithö ae ve man ûgâidra: adre me he ka laba hnyi hmenon je vheiny e.

Hosea 14:5

Oge me he ka helâ me dân hau kö Isaraela: e ame he ka vhong hela me obedila, me sit ut helâ me Lebanona.

Hosea 2:21

Haingö Iehova, ka habe, Hnyi bong eling oge me he ka thu hmetu, oge me he ka thu hmetu ka je drany, ke drany ame he ka thu hmetu ka hnyi hmeledrany;

Hosea 2:22

ke ame he hmeledrany ka thu hmetu ka hwit, me waina me wakaco; ke ödrin e he ka thu kö Jezerela.

Hosea 6:2

Hwaban lo li bong e ame he ka omeli öta: ke hnyi bong a kuniny e ame he ka höi öta, mʼ ate me he ka mot hnyi hnyimakan.

Zakaria 8:12

Anyin ame he ka hu hatonginy ûsoköu; ame he vine ka wa, ke kânâ ame he ka oâ jeûiny, ke ame he drany ka ham dân hau; ke oge me he ka kunâ je kolon tavat ang ka hu ta je ûnyi hia eling.

Ioane 11:25

Iesu ame ha kâu, ka habe, Inya ang möt hmetu, me möt minya: haba at ame he ka labageju könya, eja ke ne a ne mokcu, e ame he ka möt:

Ioane 12:24

E hnathu, e hnathu, inya oge me ha köbun, A ne kolu ka hnyi kânâ ke wan hwit, ke ame ca bobot bi, ame he ka hake mokut; ke a ne bobot, ame he ka wa se hia.