Hosea 14:5 - Iaai Bible 1901 (New Caledonia)

⁵ Oge me he ka helâ me dân hau kö Isaraela: e ame he ka vhong hela me obedila, me sit ut helâ me Lebanona.

Hosea 14:5 ပူးပေါင်းရင်းမြစ်များ

II. Samuela 23:4

Ke e ame he ka helâ me lany hnyi hnyomakatu, hnyi ûen ame o seûno, Hnyomakatu ae ba ûlâiny; Hnyi ûen ame kû hna önying ûnyi hnyi kânâ, Hnyi lany ae hadröngöc hwaban we.

II. Je Than 19:30

Ke haba je kolon lap anyi Juda ae möt, ame he ka kû thö eû me wa goranyai.

Jobu 29:19

Ame iyâû anyik je wân ka hnyi köiö, Ke ame mokut dân hau hon vheik hnyi hnyinghet hia:

Salamo 133:3

E ûcû me dân hau hnyi Heberona, Ame ta hon je bucen Ziona: Anyin a Iehova ame hûna eling hnahic, A möt nyiele balua.

Salamo 72:16

Ame he ka hu hnyi hnyei hwit ae gan hmâ hon ban je bucen; Kʼ ame he ta je waniny ka bwebwet helâ me Lebanona: Kʼ ame he ka sot aten je taun helâ me hnaönyinginy hmeledrany.

Salamo 72:6

E ame he ka ta helâ me we hon ta hnaonying adre sö: E ûcû me we ame ta but ka hnyi ta hnyei.

Salamo 80:9

U je bi hnyimakan e, Me ame hwân dut me öunöngötâ hnyei.

Salamo 92:12

Ame he at ae wisa ka kû wia helâ me pama: E ame be ka kû gan hmâ helâ me arasi Lebanona.

Salamo 92:13

Haba ödra adre me tʼ ödra hnyin uma umo Iehova, Me adre me he ka kû wia hnyi je hnyeuleny Khonguta.

Ta je Vejec 19:12

Haba wathethot anyin than, me helâ me liona ame kuku; Ke haba anyin betenge, me helâ me dân hau hon hnaonying.

Khumöng Hwanyi Solomona. 2:16

Anyik oûnykûmik, ke inye bi a anyin. E ame ûhalin hnyi je sosani.

Khumöng Hwanyi Solomona. 4:5

E ûcû li bâsâm me li lakon zebi a li hûnye, Ödru me tha han tot hnyi je sa sosani,

Isaia 12:1

KE haba hnyi bong eling, me u me he ka ha, ka haba, Iehova lö, oge me he ka oleâ köu; anyin a eja ke ne u je ne hmonyin könya, me ame hwio but ânyâm hmonyin, me u je otubweli nya.

Isaia 18:4

Anyin a walang hna ba hnö Iehova könya, ka habe, Oge me he ka laba wia, me wâ hnyi hnyabak; helâ me hlöng ae gan e ka o seuno, ke helâ me hauiny ûlâ e ka hlöng hnyi ûen menu.

Isaia 26:19

Ame he ka möt hmetu ta je kokâm; ame he kʼ tot hmetu ta je kokik. Hmak dö, me khumöng dʼ öbun tavat öbun e laba hnyi sesâ: anyin a helâ me dân hau hon ûö ae ometu dân ânyâm hau, ke ame he kânâ ka oâ ta je komok.

Isaia 27:6

Hnyi ûen ame he ka o me ame he Jekob ka hu iwân; kʼ ame he Isaraela ka vhei me vhong: kʼ ödru me he ka ounöngötâ hon hmeledrany ge ta je wan ûö.

Isaia 35:2

E ame he ka vhong gan hmâ me senyin ge hobâ me khumöng; adre me he ka ham kâu hmanenanginy Lebanona me mecin Karemela me Sarona: adre me he ka wâ hmanenangi Iehova, wale mec anyin Khonguta.

Isaia 44:3

Anyin oge me he ka hingâlâ köiö hon at ame beic, me je wagewe hon dok ae hwahwacit: oge me he ka hingâlâ hanuk hon je mâtrânâm, me hnahicik hon tavat adre me o ûnyi gam:

Isaia 45:8

Ta ju, öbun je drany ûnyi ethö, ke so ame he je ûlâ ka hingâlâ jem hwakecin ae wisa: e so ame he hmeledrany ka memang, me owa but möt, me tha oâ hwakecin ae wisa; inya Iehova at a op e.

Isaia 57:18

Oge wâ but deny ta je gethen, ke oge me he ka omelo e: ke oge me he bi minya ka su e, me okûâ hmetu je ûnyi ae so kâu, me tavat adre me tha tenge mē.

Isaia 57:19

Inya oge me op wan esongot: habe, Hnahic, hnahic ka at hnyi dok ae sâkâû, me kâu hnyi dok ae hakekeny, haingö Iehova; ke oge me he ka omelo e.

Jeremia 3:22

Hmetu ju öbun tavat öbun e labö kolu, oge me he ka ometo hnobun je hna kolu. Wâ ju, öhmun e o but köu; anyin a u Iehova Khonguhmun.

Jeremia 32:41

Eke, oge me he ka senyin ködra, he ka mâdrâ kodra so, ke e hnathu oge me he ka te ödra hnyi hnyei ang, hnyekuk ae bekhot me hanuk ae bekhot.

Hosea 6:3

Ke so ate me wâhmakhmeto, e so ate me he hoton he ka ö Iehova; e hmâ bi hnen hna he, helâ me hnyomakatu; ke e ame he ka o köta helâ me we, helâ me we a biliny ame hû kânâ.

Mika 5:7

Ke ame he je kolon ga Jekob hnyi wanben je hnyei ae se hia, helâ me dân hau ûnyi ga Iehova, helâ me we ame khukhula hon hna önying; at ame ca bec ge at, ke ame ca halubahingen at.

Mika 7:18

Ie ke Khong ae ûcû möu, at ame hna monu, kʼ ame ca oûnyihnathoâ hna hanyâûâ hnen je kolon jekhon? e ame ca tuö anyin hmonyin nyiele balua, anyin a e ame senyin he ka betenge.

Mataio 6:28

Ke ieû gabun öbun e ûnykûme ûjengoâ ka hnyi ûkhaû? Ûnykûme ju ûkûen ta je ibedila; wale a ca hnyi huliwa me amo:

Luka 12:27

Ûnykûme ju öbun ûkûiny ta je ibedila, adre me ca huliwa bi me amo; ke inya oge me ha köbun, a haba Solomona hnyi anyin hmanenang hia, me ame ca khaû bi helâe.

Efeso 3:17

me me he Keriso ka laba eû hnyi je hnyekubun hnen labageju; me me he ka hu iwânibun me taben hnyi ibetengiö,

Deuteronomi 32:2

Ame he ka khula bongon ûûneik helâ me we, Ame he ka ta ifucik helâ me hau; Helâ me we ae menyik hon je bö ae mita, Ke helâ me khukhula hon sa khölak: