Hosea 14:4 - Iaai Bible 1901 (New Caledonia)

⁴ Oge me he ka osoâ hna digic nya gadra: anyin ame hwio gadra anyik hmonyin.

Hosea 14:4 ပူးပေါင်းရင်းမြစ်များ

Salamo 10:14

U je hia but wâ e; anyin a u me wâ ûöveci me vec, he ka hom e hnyi hnyamâm: Ke haba at ae theduoc ame hna but e bi köu; U thibi at ame hadruâ nakahme.

Salamo 20:8

Adre me nom ju me ta but: Ke ate me köûö thö me tot wisa.

Salamo 78:38

Ke e at ae unöngöt ge ibetengiö, me e ame thang anyidra hulo, kʼ ame ca ohiʼ ödra bi: Eke, e ame osehia ohmeto anyin hmonyin, Ke ame ca oubâhlâ anyin wathethot.

Esodo 15:26

ke haingen, ka habe, U ka he ka löng wia hofuc ho Iehova a Khongom, me ânyâ ûnyi ae wisa hnyi hnyimakan, me tevehlöng hnen hna hûna, me tuö anyin je hnanyibu hia, oge me ca he ka kunâ köu ta je mok waleji oge kunâ ka at Aigupito: anyin a inya Iehova at ame osoi u.

Isaia 12:1

KE haba hnyi bong eling, me u me he ka ha, ka haba, Iehova lö, oge me he ka oleâ köu; anyin a eja ke ne u je ne hmonyin könya, me ame hwio but ânyâm hmonyin, me u je otubweli nya.

Isaia 55:1

E ÖBUN hia tavat ae beic lö, ai öbun ka hnyi je an, ke at ae ba mone; ai öbun, ûco ju, ke an ju; eke, ai öbun ûco ju waina me debai, ke ca ge mone bi, ke ca ge hwaban.

Isaia 57:18

Oge wâ but deny ta je gethen, ke oge me he ka omelo e: ke oge me he bi minya ka su e, me okûâ hmetu je ûnyi ae so kâu, me tavat adre me tha tenge mē.

Jeremia 14:7

Iehova jö, eja ke ne a ne hwâdâ kö hmun anyihmun ta je hulo, ânyâ bi thö u can iâm; anyin a ohmun e osehia but kolu: ohmun e hia but ânyâ hulo köu.

Jeremia 17:14

Iehova lö, ometu nya but, me inye metu but; omeli nya thö, me inye mot ut; anyin a u thibi hnok hna ogânâ.

Jeremia 3:22

Hmetu ju öbun tavat öbun e labö kolu, oge me he ka ometo hnobun je hna kolu. Wâ ju, öhmun e o but köu; anyin a u Iehova Khonguhmun.

Jeremia 31:20

Hawa, nokuk a oûnykûmik Eferaima? hawa, e wanakat ae kese? anyin a iny ka hia but fuc gan, oge me ti ûnykûme bala hmetu gan; anyin a wale ame fuc hnyekuk gan; e hnathu oge me he ka betenge gan, haingö Iehova.

Jeremia 33:6

Wâ bi, oge me he ka hom kâe ûnyi hnân ometo me eny, ke oge me he ka ometu ödra; ke oge me he ka omanenâ gânâ kodra hnahic me hnathu.

Jeremia 5:6

Anyin a wale ame he liona ûnyi hnyi hnyot ka hlingʼ ödra, ame he lukoiny sahac ka sei ödra, ame he lepad ka tuö anyidra je taun, ame he ka oloû usukiʼ ödra tavat adre me didrut ûnyi hnyi hnyin: anyin a ödra ibi ose ûkhin fuc, ke ödra ose hia kolu.

Jeremia 8:22

Hawa, e ba basama hnyi Gileada? e ba at eling ae tren bubuny? anyin a ieû adre me ca omelo hluiny ik hnyei.

Ezekiela 33:14

Ke haba khaca, iny ka ha ka ke at ae kong, ka habe, U me he ka mok; ke e ame hmetu bi ûnyi hnyi anyin monu, me ânyâ ûnyi ae wisa me ûnyi ae ûcû;

Ezekiela 36:36

Me ame he ka khana hnen je hnyei a je kolon igigili öbun, a inya Iehova at ame op hmetu je hnyaba adre hota degecâ, me belökâ je dok ae ba wan: inya Iehova at ame ha, ke oge me he ka ânyâ.

Hosea 11:7

E hwege lakeik he ka digic nya: eja ke ne adre ne hongot kö Beönua, me ba at a khaca ame he ka ogânâ e.

Hosea 2:19

Ke oge me he ka hum u me öiök nyiele balua; eke, oge me he ka hum u me öiök hnyi wisa, me hna owisa, me hnyok ae so, me betenge.

Hosea 6:1

A I öbun, ate me he hmetu kö Iehova; anyin a e ame hia but oloû kia, me e ame he ka ometo; e ame hia but kot, kʼ ame he bi ka lan.

Zefania 3:17

E bi hnyi wanbâm Iehova Khongom, at ae hwege, kʼ ame he bi ka omelö: e ame he ka senyin köu ke hobâ, e ame he ka laba wia hnyi anyin betenge, e ame he ka senyin gam ge khumöng.

Numera 25:11

Haba Fineasa nöku Eleazara a nöku Arona at bihut ame hia but wia anyik hmönyin ûheny unyin lakon Isaraela, hnyi hnen hna ciâ gak hnyi wanbödra, mʼ oge me ca ohia lakon Isaraela hnyi hnok hna ciâ.

Numera 25:4

Ke haba Iehova ame ha kö Mose, ka habe, Hom dö je taben tavat hia, me uhno döi ödrin hnyi hnyimakö Iehova, me me hmetu je hmönyin ae gan anyi Iehova ûheny unyi at Isaraela.

Roma 3:24

ke adre me haisoâ bâûâ bi öta hnen anyin ibetengiö ûnyi ge ûhomeli wale unyin Keriso Iesu:

Efeso 1:6

hnân ogânâ hmanenanginy anyin ibetengiö baû, waleji a betenge baû köta ûnyi ge Oûnykûminy:

II. Timoteo 1:9

at ame omeli öta, me hawʼ öta ge hwahongot ae kap, ca hoton bi anyita ta je huliwa, ke so bi hoton weny me anyin ibetengiö baû, waleji adre ham köta unyin Keriso Iesu adrem balua,

Tito 3:4

Ke ame manen dut hwakecin ae betenge anyin Khong At ame omeli öta, me anyin ibetengiö ka tavat,