Hosea 14:3 - Iaai Bible 1901 (New Caledonia)

³ Ame ca he Asuria ka omeli ohmun; ohmun e ca he ka tabâ je hors: ke ohmun e ca he hmetu bi ka ha ke je huliwa anyin je hnyamöhmun, ka habe, Obun je konguhmun: anyin ame wâ unyâm betenge ge tavat a mokcu kamödra.

Hosea 14:3 ပူးပေါင်းရင်းမြစ်များ

II. Man Ûlabainy Je Than. 16:7

Haba hnyi ûen eling ame o but Hanani at wâ kö Asa than Juda me ha kâu, ka habe, Anyin a u je hia but labageju ka than Suria, me ca labageju kö Iehova Khongom, anyin a wale a haûhaû but gam utbavat anyin than Suria.

Salamo 10:14

U je hia but wâ e; anyin a u me wâ ûöveci me vec, he ka hom e hnyi hnyamâm: Ke haba at ae theduoc ame hna but e bi köu; U thibi at ame hadruâ nakahme.

Salamo 146:3

Ca geju Öbun ka ta je than, Ke nokon at bi, wale ae ba hna ûhadruo unyidrin.

Salamo 146:9

Iehova ame tuö ta je atkanyua; E ame cö je nakahme, me je safac; Ke e ame ohnyimenâ hnyikânâi gethen; deny tavat ae kong.

Salamo 33:17

E ûnyi baû hors hnân omelo: Ke e ame ca he ka omelo at ge tang hwegien ae gan.

Salamo 68:5

Haba Khong hnyi hnyaban ae kap, E thibi kamen ta je nakahme, me at owisa ka ta je safac.

Isaia 1:29

Ke adre me he ka hmehma ge je iwajo öbun e weny, ke öbun e he ka monumonu can ta hnyei öbun e ûca.

Isaia 2:20

Ke hnyi bong eling amo he tavat ka degec anyidra je idola sileva, me anyidra je idola gol, waleji adre me tibet hnân hic kodra, adre me he ka degec ka je afora, ke ta je obûbû bi;

Isaia 27:9

Anyin a wale adre me he ka hneû degecâ hulo anyi Jekob, ke walang wan hia hnyi hna ohia anyin hulo; e ka ânyâ je vetoiny hia taben hut, me me helâ me veten inyâ veto adre me oamamâ, me me ca he hmetu ka tot je Aseira, me je hna theati seûno.

Isaia 30:16

Ke haingöbun, ka habe, E ba, anyin öhmun e he ka tabö hors me kec; awe, öbun e he ka kec: ke haingöbun, Öhmun e he ka tabâ je meno ae logot; awe ame he bi ka logot tavat hnu öbun.

Isaia 30:2

tavat adre me he but he ka he Aigupito ai, me ca elâm bi unyik; he ka ohwegi ödra ge tang hwegiö Farao, me labageju ka hmenon Aigupito!

Isaia 31:1

EKÖLÖ gadra tavat adre me he Aigupito ai, he ka hok ûhadruo, me labageju ka ta je hors; me labageju ka ta je kariota, anyin ae se hia: me labageju ka tavat tabö hors, anyin a ödra ti hwege; ke adre me ca bwela ka Kabi Isaraela, me ca elom Iehova!

Isaia 31:3

Ke ta je at thibi at Aigupito, ke ca Khong bi; ke je viny haledra je hors, ke ca je hanu bi; ke e ka he Iehova ka hai hnyamen, me ame he ka tha ta, a at ame hadruâ me at hok ûhadruo, mʼ ödru me he ka tha hia! but.

Isaia 36:8

Ke walang ang, u na he ju ka uhihinyköu me tuhok thaniny Asuria, ke oge me he bi nya ka ham köu lo li thauzan je hors a ne khanö u he ka ve bi at he ka tabʼ ödrin.

Jeremia 49:11

Hna but lakom a ga mokcu lakamödra, me oge me he ka tuö melidra; ke so e he ânyâm je safac ka labageju könya.

Ezekiela 36:25

Ke oge me he ka dukâiʼ öbun ge köiö ae alai mʼ öbun e he ka kalaöt ut: ke oge me he ka obosoi öbun ûnyi hnyi hwakecibun ae ikiki hia, me khongubun je khong hia.

Ezekiela 37:23

ke adre me ca he hmetu bi ka kong ge anyidra je idola, me anyidra ta je ûnyi ae ikiki, me hnödra je hna hanyâûâ hia: ke oge me he ka omeli ödra ûnyi hnyi je hnyabadra hia waleji adre ânyâ monu hnyin, ke oge me he ka obosoi ödra: helâe adre me he ka lakeik, ke oge me he ka Khongudrin.

Hosea 12:1

EFERAIMA ame an ang, me wadring hoton ang hwei: e ame osehia thoi me öba wan hnyi je bong; ke ödrin e ûhi-hinyköu me at Asuria, me hok wakaco Aigupito ai.

Hosea 13:2

Ke walang ang adre me kong tot, kʼ adre me ânyâ je idola hobi kodra adre me okoiâ ge anyidra sileva, a je idola hoton anyidra metâ, huliwa anyin at tretrao hia: kʼ adre me ha ge je ûnyi e, ka habe, E so ame he tavat adre me he ka hudo hut ka drem je nokon kau.

Hosea 14:8

Ame he Eferaima ka ha, ka habe, Hnân eû hmetu könya je idola? oge hia but thu kâu ke oge me he ka wâ e: iny helâ me köp ae hât; adre me he ka wâ gak wan gam.

Hosea 2:17

Ke oge me he ka hom but ien je Baala ûnyi hnyi hnyimen, ke adre me ca he hmetu ka ûnykûmi ödrin hoton je iödrin.

Hosea 4:12

Kʼ ame labö he lakeik ka hnei unyin anyidra je ong uto, kʼ ame thumetu ödra anyidra uci: anyin adre me omonu ödra hnen bi ûnyi monu, kʼ adre me kec ûnyi hnyi hmelen Khongudrin he ka bi ûnyi monu.

Hosea 5:13

Ke a wâ but Eferaima anyin mok ke a wâ but Juda hnân aat, me haba Eferaima ame he Asuria ai, kʼ ame ûkhûnöng kö Jareba than; ke ca khana bi he ka omeli u, me ometo hnobun aat.

Hosea 7:11

Ke e ûcû Eferaima me biny ae ûnyibaû me ba hnyekon: adre me hongot ka Aigupito, me he Asuria ai.

Hosea 8:6

Anyin a ûnyi ga Isaraela e; kʼ ame ânyâ e hnen at huliwa, ke ca Khong bi e: eke, adre me he ka kot omomono nokon kau anyin Samaria.

Hosea 8:9

Anyin adre me he Asuria ai, helâ me asinainy hnyot ame hake he: Eferaima ame hia but hok laweny ge hwaban.

Jona 2:10

Ke Iehova ame fuc ka wâ, me e ame hmitö Jona hmetu hot ai.

Zakaria 13:2

Ke hnyi bong eling haingö Iehova tuhan sabaoth, me oge me he ka ohia ta je ien je idola hnyi hnyei, mʼ adre me ca he hmetu ka ûnykûme ködrin: ke haba khaca oge me he ka obâ ta je perofeta me ta je hanu ae ikiki hnyi hnyei.

Ioane 14:18

Oge me ca he ka hnʼ öbun helâ me je nakahme; ke oge me he ka o köbun.

Deuteronomi 17:16

Ke so bi e ca so e ame osehia je hors hobi kâu, me ohmeto tavat Aigupito ai, me me he ka osehia haleny je hors: anyin a hia but ha Iehova köbun, ka habe, Öbun e ca he ka hmetu hnyi gethen eling.