Hosea 14:2 - Iaai Bible 1901 (New Caledonia)

² Hom dö je ifucibun ke hmeto ju kö Iehova, ha thö kâu, ka habe, Hom dö hulo hia, me kap ju ûnyi ae so: me ohmun e he ka ham je hudiny hnyi-möhmun.

Hosea 14:2 ပူးပေါင်းရင်းမြစ်များ

II. Samuela 12:13

Haba Davita ame ha kö Nathana, ka habe, Oge hia but ânyâ hulö kö Iehova. Ke haingö Nathana kö Davita, ka habe, Iehova ame hia but ohia minya ânyâm hulö; u me ca he ka mok.

II. Samuela 24:10

Me haba hnyeku Davita ame dâ e hwaban hnen hna aû tavat. Me haingö Davita kö Jehova, ka habe, Oge hia but ûnyâ monu ae gan hnyi ûnyi oge me ânyâ: ke walang ang, Than lö, oge me khöû köu he ka hna but hulö anyin athnyabaem; anyin oge me ânyâ monu.

Jobu 7:21

Ke ieû u je ca hna degecâ gan anyik hulo, me hom degecâ anyik monu? Anyin a walang ang oge me he ka mokut eû hnyi kânâ; Ke u me he ka elöm nya wia, ke hiö nya bi.

Salamo 119:108

Iehova lö, ö u kap ju je hut ae betenge ûnyi hnyi hnyimök, Ke nö nya thö ge hnâm je hna owisa.

Salamo 50:14

Hudo thö ole ka Khong; Ke ham but ka Beönua hnâm je hna khemanyin:

Salamo 51:16

Anyin ae ca wem hut; me inye he ka ham e: E ca senem köu je hudiny leû.

Salamo 51:17

Haba ta je hut ka Khong me wale thibi hanu ae mita: Khong lö, u me ca he ka oûnyibaûâ hnyok adre omomono ae bewisa.

Isaia 44:22

Oge hia but kot degecâ hnâm ta je hna hanyâûâ helâ me ûlâ ae khot, me ânyâm ta je hulo helâ me ûlâ: hmetu ju könya, anyin a oge hia but ûcû u.

Isaia 6:7

me e ame kâlâ hnyimök kâu, me ha, ka habe, Wâ bi, ame kâlâ li esongodâm ge ûnyi e; ke adre ohia but ânyâm monu, kʼ adre me hneû degecâ ânyâm hulo.

Jeremia 3:12

He thö me ha ta je hofuc ang hnyi ke keihen hnyi hwadro, ka habe, Hmetu ju u Isaraela, at ame labö kolu, haingö Iehova; oge me ca he ka ōʼ bun hnyi hmonyin; anyin a inya at ibetengiö, haingö Iehova; oge me ca he ka ip hmonyin nyiele balua.

Hosea 12:7

E at ame ûcû omjeû, e hnyi hnyamen tulut iyawo; e ame weny he ka seda.

Hosea 5:5

Ke haba bi gan anyin Isaraela ame ohnathoâ hnyi hnyimakan: anyin a wale ame he ka tha ta Isaraela me Eferaima hnyi anyidru hulo; kʼ ame he minya Juda ka ta unyidru.

Hosea 6:6

Anyin ae wek ibetengiö, ke ca but bi; ke beonuâ he ka wâhmakhmetoâ Khong hon je hudiny leû.

Joela 2:17

E so ame he tavat bihut, a je athnyabai Iehova ka tenge hnyi wanben poretiko me taben hut, me ha, ka habe, Iehova lö, betenge ju ge lakem, ke ca he ka hna jekhom me hnân taben haikongoâ, me he ka musi ödra hnen ta je hnyei: anyin a ieû ame he ka ha hnen je hnyei, ka habe, Ewa Khongudrin?

Jona 2:9

Ke oge me he bi nya ka bi hut köu me hwan ole; Oge me he ka thamuâ anyik khöbi. Haba ûhomeli ûnyi ga Iehova.

Zakaria 3:4

Me e ame thu me ha ka tavat adre me tot hnyi hnyimakan, ka habe, Uny jut je ûkhaû ae kânâ gan. Ke haingen kâu ka habe, Wâ bi oge hia but ohia hwakecâm ae kong gam, ke oge me he bi ka okhaûo u ge je ûkhaû ae hmanenang.

Mataio 7:11

Anyin a wale, a ne mabun, öbun tavat ae monu, he ka wâhmakhmeto hna he ka ham ta je ûnyi ae so ka lakubun, awe, ame ca ti he bi Kamöbun ethö hnyi drany ka ham ta je ûnyi ae so ka tavat adre me sumâtâ e.

Luka 11:13

Anyin a wale, a ne mabun tavat ae monu he ka wâhmakhmetoâ hna he ka ham ta je ûnyi ae so ka lakubun, awe, ame ca he bi Kamöbun ethö hnyi drany ka ham Hanu Kap ka tavat adre me sumâtâ e?

Luka 18:13

Ke haba telona ame tot sâkâû, e ame ca mē bwele bi hnyi drany ai, ke e ame khaû ûlainy me ha, ka habe, Khong lö, betenge ju gak at ae monu,

Ioane 1:29

Nyi e ame ō Iesu ame he kâu, me haingen, ka habe, Wâ bi Arenio anyin Khong at ame hijen monu anyin hmeledrany!

Roma 11:27

Ke wale hnok hna ûhihinyköu mödra, Iny ka he ka hom degecâ anyidra hulo.

II. Timoteo 1:9

at ame omeli öta, me hawʼ öta ge hwahongot ae kap, ca hoton bi anyita ta je huliwa, ke so bi hoton weny me anyin ibetengiö baû, waleji adre ham köta unyin Keriso Iesu adrem balua,

Tito 2:14

waleji at a hamen ham e hnân hobi köta, me me he ka ûcû öta ûnyi hnyi ta je hulo hia thithö, me ânyâwia hnân hobi kâu tavat hnân athnyabainy bi, hnyat ae hwege ka hnyi ta je huliwa ae so.

Heberu 10:4

Anyin e pason he ka ohia ta je hulo ge dren ta je bolok me got.

Heberu 13:15

Anyin a wale e so ate me hudo bala hudiny ogânâ Khong a deny e, wale wan ta je esongodita ame hâiâ ien.

I. Peteru 2:5

ke adre me up öbun minya goranyai a je veto ae möt hnân umen hanu, mʼ öbun e tavat bihut ae kap, he ka hudo ta je hudiny hanu, wale ae so ka Khong ûnyi ga Iesu Keriso.

I. Peteru 2:9

Ke öbun thibi dö adre me ûca, ke hnyat bihut anyin Khong, ke hnyei ae kap, ke tavat a je hing lakeiny Khong, mʼ öbun e he ka omanenâ je hwakecin ae ti so anyin at ame hawʼ öbun ûnyi hnyi lit ka hnyi anyin melam hnân lâiâ:

I. Ioane 1:7

ke ate me ne he hnyi melam, helâ me e hnyi melam, awe, ate me tha laba ke at me ke at, kʼ ame hneû degecâ anyita ta je hulo hia thithö hnen dro Iesu a Nokon.

I. Ioane 3:5

Ke e khanʼ öbun a gʼ ame manen dut me me he ka hom degecâ hulo; ke ba anyin hulo.