Hosea 13:8 - Iaai Bible 1901 (New Caledonia)

⁸ ke oge me he ka ûkhanö mödra helâ me bea adre me hûgûnâ lakon, ke oge me he ka kia thamuâ tangen oûnykûmidra: ke oge me he ka ön ödra eling helâ me liona; ame he ka oloû kiʼ ödra hnen menoiny hnyot.

Hosea 13:8 ပူးပေါင်းရင်းမြစ်များ

II. Samuela 17:8

Ke haba Husai ame ha minya, ka habe, E khanö u hwakecin kâmâm me tavat unyin, a ödrin hnyat ae hwege, ke hmonyin je hnyekudrin helâ me bea adre hûgûnâ lakon hnyi hnyot: ke at vat kâmâm, ke ame ca he ka tha mokut me tavat.

Salamo 50:22

Tavat öbun e hnying Khong lö, ûnykûme ju öbun ang, Wâ oge nye he ka kiʼ öbun, ke ba at he ka omelo:

Salamo 80:13

Ame oloû usukia e hnen buakainy hnyot, Me an e hnen menoiny hnyot.

Ta je Vejec 17:12

E so at ame he ka ûkhanö me bea adre hûgûnâ lakon, Hon he ka ûkhanö me at ae monu hnyi anyin hwen monu.

Isaia 5:29

ke adre me he ka kuku helâ me liona, adre me he ka kuku helâ me je nak liona: eke, adre me he ka kip me oloû je hanidra, me hom ka hnyi dok ae iyong, ke ame he ka ba at ka omelo.

Isaia 56:9

Ai öbun omenoiny ta hnyei he ka han, eke, öbun hia thithö omenoiny hnyot.

Jeremia 12:9

Hawa, helâ me meno ame gâ ame seset ke at ae ûhûlû, ik hnyei könya? ame o but kâu ta je meno ame gâ ae ûhûlû wale a igigilo but? he thʼ öbun, ûkhacaköuâ thö je menoiny hnyot hia thithö, hum ödra ju he ka ûhûlû.

Jeremia 25:38

A hia but hna degecâ umen uma helâ me liona: anyin adre hia but wia idra hnyei me hnân lâiâ hnen hwegien at ûöveci, me hnen anyin hmonyin ae hwege.

Hosea 2:12

Ke oge me he ka ohia anyin je vine, me imeta, wale e ame ha gan, ka habe, Wale hwabök a ham könya lawek: ke oge me he ka wia me me hnyot bi, ke ame he je menoiny hnyot ka han.

Hosea 5:14

Anyin a oge me he ka helâ me liona ka Eferaima, ke helâ me nak liona ka lap anyi Juda: haba inya me oge me he ka oloû kia me he but; oge me he ka hom, ke ba at ame he ka hûgûnâ.