Hosea 13:7 - Iaai Bible 1901 (New Caledonia)

⁷ Anyin a wale iny ûcû me liona kodra, oge me he ka tue eû hnyi gethen helâ me lepad:

Hosea 13:7 ပူးပေါင်းရင်းမြစ်များ

Jobu 10:16

A ne hamen bök he ka ogöranyâ e bi, u je hnu nya helâ me liona: Ke u me he ka ânyâ hmetu könya je ûnyi hnân lâiâ.

Isaia 42:13

Ame he Iehova ka he helâ me at ae hwege; e ame he ka oâ tang hwege helâ me taben vat: e ame he ka kuku, eke, e ame he ka hongot goranyai; e ame he ka hwege hon je iwahnaihmiony mē.

Jeremia 25:38

A hia but hna degecâ umen uma helâ me liona: anyin adre hia but wia idra hnyei me hnân lâiâ hnen hwegien at ûöveci, me hnen anyin hmonyin ae hwege.

Jeremia 5:6

Anyin a wale ame he liona ûnyi hnyi hnyot ka hlingʼ ödra, ame he lukoiny sahac ka sei ödra, ame he lepad ka tuö anyidra je taun, ame he ka oloû usukiʼ ödra tavat adre me didrut ûnyi hnyi hnyin: anyin a ödra ibi ose ûkhin fuc, ke ödra ose hia kolu.

Je tenge anyi Jeremi 3:10

E helâke me bea könya, at ame mokut tuʼ önya, helâ me liona hnyi je dok ae iyong.

Hosea 5:14

Anyin a oge me he ka helâ me liona ka Eferaima, ke helâ me nak liona ka lap anyi Juda: haba inya me oge me he ka oloû kia me he but; oge me he ka hom, ke ba at ame he ka hûgûnâ.

Amosa 1:2

Ke haingen, ka habe, Ame he Iehova ka kuku hwege hnyi Ziona, me fuc ûnyi hnyi Jerusalema; kʼ ame he bi ka tenge je hnyaban tavat tuö mamoe, kʼ ame he ka meleca ban Karemela.

Amosa 3:4

Hawa, ame he ka kuku liona hnyi hnyot, e ka ba haniny? hawa, ame he nak liona ka fuc hnyi umen bi, e ka ba ûnyi e ame hom?

Amosa 3:8

A um dö kuku liona, ie at ame ca be ka outen? a hia but Iehova fuc, ie at ame ca he bi ka perofeta?

Hna Omanenâ 13:2

Ke haba meno oge me wâ, me helâ me lepad, ke haba je can me helâ me je can bea, ke haba hnyimen me helâ me hnyimen liona: ke drakona ame ham kâu maniny man, me anyin theron, me musi ae gan.