Hosea 13:2 - Iaai Bible 1901 (New Caledonia)

² Ke walang ang adre me kong tot, kʼ adre me ânyâ je idola hobi kodra adre me okoiâ ge anyidra sileva, a je idola hoton anyidra metâ, huliwa anyin at tretrao hia: kʼ adre me ha ge je ûnyi e, ka habe, E so ame he tavat adre me he ka hudo hut ka drem je nokon kau.

Hosea 13:2 ပူးပေါင်းရင်းမြစ်များ

I. Je Than 19:18

Ke so bi oge me he ka hna biju gak hnyi Isaraela seven thauzan tavat adre me ca cibouca kö Baala, me je hnyem hia adre ca ûcimhnyimak më.

II. Man Ûlabainy Je Than. 28:13

me ha ködrin, ka habe, Öbun e ca he ka hom jem je bâ: anyin a öbun e beânyâ ûnyi ame he ka oâ monu kötin ga Iehova, he ka bi hanen kongitin, me hwakecitin ae monu: anyin ae gan hmâ anyitin monu, ke gan hmâ minya hmonyin ka at Isaraela.

II. Man Ûlabainy Je Than. 33:23

Ke so bi, e ame ca oûhnyûkongoâ e bi hnyi hnyimakö Iehova helâ me hnö Manase a kamen hna oûhnyûkongoâ e bi; ke haba Amona ame ânyâ hwakecin ae kong hmiö nyin.

Salamo 2:12

Ûcimhnyimak dö öbun me nokon, wâ e nye he ka hmonyin, me hiʼ öbun dut eû hnyi gethen, Anyin ame he ka ie kû anyin hmonyin. Hnödra hnahic ödra hia adre me labageju kâu.

Isaia 1:5

Anyin a ieû adre me he hmetu ka kuc öbun, me tiga bihanen bala hnobun hna ûkhin fuc? Ame mok hia ban, ke sēnyin hia hnyok.

Isaia 30:1

EKÖLÖ ge tavat adre me ûkhin fuc, ame ha Iehova, tavat adre me elâm bongon, ke ca ûnyi bi gak; adre me tube hnen ûnyi hnân tube, ke ca ûnyi bi ge hanuk, mʼ adre me he ka bi hanen hulo ka hulo:

Isaia 44:11

Wâ bi, ame he ka hmehma je lawaeny hia; ke je at, tavat adre me huliwan: e so adre me oûkhacaköu ödra hia, e so adre me ûtitilen; adre me he bi ka ot, adre me he ka tha hmehma.

Isaia 45:20

Ûkhacaköu thö ke ai öbun; tha hakekenyâ ju, öbun tavat öbun e kec möt ûnyi hnyi je hnyei: e ca hu metâ gadra adre me hom tilâ ûtoiny anyidra je idola, me hic ka khong ae ca khana he ka omelo.

Isaia 46:6

Haba tavat adre me hingâlâ gol ûnyi hnyi tang, ke tuluto sileva hnyi tulut, me adre me hawâ at ame huliwan gol, me e ame ânyâ e me me khong; adre me ta ju hnyikânâi, eke, adre me khudrung.

Isaia 46:8

Ûnykûme thö e öbun, ke hnyok baga thö: tavat hanyâûâ lö, ûnykûme hmetu e.

Jeremia 10:4

Adre me theibâ e ge sileva me gol, ke adre me ohmâ e ge fao me hama, me me ca bwebwet bi.

Jeremia 10:8

Ke ödra tavat a hwakecin meno me monu hia: haba hna ûnö hnen je hnatheat wale thibi e a hnyiban utö.

Jeremia 8:5

Anyin a ieû ame hmetuhmetu tavat ang wale Jerusalema ke ame labö kolu balua? adre me kât hmâ thoi ödra, höcö he ka hmetu.

Hosea 10:1

HABA Isaraela, me vine, at ame kû hlau, kʼ ame wa je wan; hoton ûganiny je wan e, e ame osehia je taben hut; hoton ûsoiny iny hnyei, adre op je veto ame tot ae hmanenang.

Hosea 10:5

Ame he tavat adre me laba hnyi Samaria ka hmak hnyekudra ge je nokon kau hnyi Beth-aven; anyin ame he aten ka tenge can e, ke tavat bihut hnyin, waleji adre hobeluâ ge hmanenanginy, anyin ae hia but e.

Hosea 11:2

Adre me hawʼ ödra, me adre me he but ûnyi gadra: adre me bi hut ka je Baala, me leû uto ae bo so ka je idola.

Hosea 11:6

Me ame he ka nyikâ hele vat hnyi anyin je taun, me ohia je venyâiny, me ön ödra, can hnödra je hna ûhnenamö.

Hosea 14:3

Ame ca he Asuria ka omeli ohmun; ohmun e ca he ka tabâ je hors: ke ohmun e ca he hmetu bi ka ha ke je huliwa anyin je hnyamöhmun, ka habe, Obun je konguhmun: anyin ame wâ unyâm betenge ge tavat a mokcu kamödra.

Hosea 2:8

Anyin ae ca khana bi momo a oge me ham kâu hwit, me waina, me wakaco, me osehia kâu sileva, me gol, wale ödrin e bi Baala kâu.

Hosea 4:17

Ke Eferaima ame ûkhacaköu me je idola; hna but e.

Hosea 8:4

Adre hia but otilâ je than, ke ca ûnyi bi gak; adre hia but bi taben, ke ca khanö nya: adre hia but ânyâ anyidra sileva me gol hnân anyidra je idola, mʼ adre me ka subâ degeci ödra bi.

Hosea 8:5

Samaria lö, e ame hia but hota degecâ nokon kau unyâm; kʼ ame ubâhlâ thö anyik hmonyin kodra: ke ne o but kehö adre me ca he ka vheno hwakecin ae so?

Hosea 8:6

Anyin a ûnyi ga Isaraela e; kʼ ame ânyâ e hnen at huliwa, ke ca Khong bi e: eke, adre me he ka kot omomono nokon kau anyin Samaria.

Numera 32:14

Ke wâ bi, öbun e o biju hwaban lakamöbun, a hanen tavat ae kong, he ka ogânâ hmönyin ae gan anyi Iehova kö Isaraela.

Roma 11:4

Ke ieû hna thu kâu hnen Khong? walang, Oge me ip biju hobi könya tavat a seven thauzan, waleji adre me ca hnyi cibouca kö Baala.

Roma 2:5

ke can hnyekom ae nâk ke ca ietra, me u me ûkhöûnâ tang hmonyin hnân hobi köu bi hnyi bonginy hmonyin, ke hobi kâu ûen adre me omanenâ hwaban ae wisa ge Khong;

II. Timoteo 3:13

Ke haba tavat adre me ânyâ hwakecin ae kong, me tavat iyawo, adre me he ka kong tot bala, adre me omonoâ, me adre me ka omonu ödra bi.

I. Samuela 10:1

ME wale Samuela ame hom tap wakaco me hingâlâ hon ban, me ûcimhnyimak mē, me ha, ka habe, Hawa, ca anyin a Iehova ame hû u me hnân taben jekhon?