Hosea 13:16 - Iaai Bible 1901 (New Caledonia)

¹⁶ Ame he Samaria ka hijen anyin bi hulo; anyin e ame hia but ûkhin fuc me Khongon: adre me he ka ta ge hele vat; adre me he ka sa lakudra je mendring, me kave omomo a je erkin.

Hosea 13:16 ပူးပေါင်းရင်းမြစ်များ

II. Je Than 15:16

Ke haba Menahema ame kot Tifesa me tavat hia hnyin, me hnyi hnyigöulen e, hwân Tireza: anyin a ödrin e ca khong homagöule kâu, me e ame kot e; me e ame kave je erkin hia.

II. Je Than 17:18

Anyin a wale Iehova ame hmonyin gan hmâ kö Isaraela me kunʼ ödrin dut ûnyi hnyi hnyimakan: e ba köluidrin, ke hake so thiju tribu anyi Juda.

II. Je Than 17:5

Haba than Asuria ame vheno hnyei hia, me he Samaria ai, me thelöng e hnyi kun ta huna.

II. Je Than 17:6

Ke hnyi huna a naini Hosea, haba than Asuria ame hûgûnâ Samaria, me hom Isaraela Asuria ai, me ip ödrin hnyi Hala, me Habora, hnyi wagewe Gozana, me je taun anyin at Madai.

II. Je Than 8:12

Haba Hazaela ame ha, ka habe, Tuhok lö, ieû u me tenge gan? Me e ame thu, ka habe, Anyin ae khanö nya ûnyi ae kong u me he ka ânyâ ka lakon Isaraela: haba anyidrin ta je hnabâ u me he ka thong ge meic, me u me he ka hlingâ ge hele vat ta je hidröu unyidrin, me sa degecâ lakudrin je mendreng, me kave je erkin gadrin.

Isaia 13:16

Ke adre me he ka sa lakudra je mendreng hnyi hnyimakodra; ke adre me he ka söh umödra ta je uma, me okongoâ laöiödra.

Isaia 17:3

Ke ame he ka hia hnabâ hnyi Eferaima, me dokhu hnyi Damaseko, me je kolon hayi Suria; kʼ adre me he ka helâ me hmanenanginy lakon Isaraela, haingö Iehova tuhan sabaoth.

Isaia 8:4

Anyin ae ka tiga ca khana wanakat he ka ha, ka habe, Cica ke bai, me adre me he ka hom je omjeûiny Damaseko me je hna söh hnyi Samaria hnyi hnyimakan than Asuria.

Hosea 10:2

Ame kia but je hnyekudra; ke walang adre me he ka owisa anyidra hulo; e ame he ka thö degecâ anyidra je taben hut, me okongoâ anyidra je veto ame tot.

Hosea 11:6

Me ame he ka nyikâ hele vat hnyi anyin je taun, me ohia je venyâiny, me ön ödra, can hnödra je hna ûhnenamö.

Hosea 7:14

Ke ame ca hia but tenge je hnyekudra könya, ke adre me kuku tenge bi hon hnödra je hna mokut: adre me ûkhacaköu ge hwit me waina, kʼ adre me ûkhin fuc mönya.

Amosa 1:13

Walang hna ha hnö Iehova, ka habe, Can kun ta monuiny lakon Amona, eke, can vak, me oge me ca he ka ohavâ hwaban e; anyin adre hia but kave je erkin hnyi Gileada, mʼ adre me he ka ogânâ idra:

Amosa 3:9

Haimemenâ thö hnyi je uma umen than hnyi Asedoda, me je uma umen than hnyi hnyei Aigupito, me ha, ka habe, Ûkhacaköu thö hon je buceniny Samaria, me wâ je imediököu ae gan hnyin e, me je hna ovecâ hnyi wanben e.

Amosa 9:1

OGE me wâ Than ame tot hnyi taben hut: ke haingen, ka habe, Kot dö je ban, me me jijing dö je hwanuma: me thu omomonu ödrin hon je bödra hia; ke oge me he ka hlingâ at a biliny gadra ge hele vat: e ba at a khaca gadra ame he ka kec, ke ba ke at gadra ame he ka mot.

Mika 1:4

Me ame he je bucen ka köiö hnyi hmelen, kʼ ame he ka hmouca hnyigöulen je bucen, helâ me wasu hnyi meic, ke helâ me köiö ame hingölö hnyi dok ae hwatapkolu.

Mika 6:16

Ke adre me tuö je hnanyibu anyi Omeri, ke ta je ûnyi j hia a ânyâ ge lap anyi Ahaba, ke öbun e hnu hoton hnödra hna ûhnenamö: waleling me oge me öba wan gam, ke wia tavat adre me labâ e me me hnân jû; ke öbun e he ka hom tilâ hna haikongoâ lakeik.

Nahuma 3:10

Ke so bi adre hom e, e ame he but ka hnyi hwenbâ: ke adre me sa lakudra je mendreng hnyi ta je hna saû hia gethen: ke adre me ugleköbâ anyidra tavat ae ûnyi hnathu, ke adre me ca tavat ae beönua unyidra ge je tö fao.