Hosea 13:14 - Iaai Bible 1901 (New Caledonia)

¹⁴ Oge me he ka hûgûnʼ ödra ûnyi hnyi maniny erkemok; oge me he ka omeli ödra ûnyi ge mok: Mok lö, ewa ânyâm je ûokonguny? Erkemok lö, ewa hnâm hna ûhangö? adre me he ka ikhâlâ ietra ge li emakök.

Hosea 13:14 ပူးပေါင်းရင်းမြစ်များ

Jobu 33:24

Awe, e ame he ka betenge gan me ha, ka habe, Omelö e me me ca ut kâû ka hnyi thop, Anyin a oge me wâ but hwaban möt.

Jobu 41:22

E bi hnyi nyin tang hwegien, Ke öbubuny ame biâ hnyi hnyimakan.

Salamo 16:10

Anyin a u me ca he ka hna but hanuk ka hnyi hedis; Ke u me ca he ka hna degecâ atâm ae kap he ka wâ hna bobot.

Salamo 30:3

Iehova lö, u je hia but hai goranyai hanuk ûnyi hnyi hedis: U je labö omeli nya mʼ inye ca hnyi utut ka hnyi thop.

Salamo 49:15

Ke ame he Khong ka omelo hanuk ûnyi hnyi man maniny hedis: Anyin a e ame he ka kop nya. [Sela.

Salamo 49:16

Ca he ka ot bi a ne he ke at ka hu omjeû, Kʼ ame ne khulelau hmanenanginy anyin lap:

Salamo 71:20

Haba u at ame omanenâ kohmun je vec ae hwege ke se hia, Me u me he ka hmetu ka omeli ohmun, Me hum ohmun hmetu goranyai ûnyi hnyi je dok a diliny hmeledrany.

Salamo 86:13

Anyin ae gan hmâ ânyâm betenge könya: Ke u je hia but thang hanuk ûnyi hnyi erkemok ae dit hmonyin.

Isaia 25:8

E ame hia but utâ mok me ohia e; ke ame he Than Iehova ka kot degecâ ta je deköiö ûnyi hnyi ta je hnyimak hia thithö; ke e ame he ka ohia hna haikongoâ lakeiny ûnyi eang hmeledrany hia: anyin ame ha Iehova.

Isaia 26:19

Ame he ka möt hmetu ta je kokâm; ame he kʼ tot hmetu ta je kokik. Hmak dö, me khumöng dʼ öbun tavat öbun e laba hnyi sesâ: anyin a helâ me dân hau hon ûö ae ometu dân ânyâm hau, ke ame he kânâ ka oâ ta je komok.

Jeremia 15:6

Haingö Iehova, ka habe, U je hia but hna degeci nya, ke u je hmetuhmetu: anyin a wale oge hia but hai hnyamok gam, me ohiö u; oge sënyin dut ge ietra.

Jeremia 20:16

E so ame he at e ka helâ me je taun waleji a hagutâ Iehova, me ca ietra bi: ke so e ame long hwakuku hnyi hnyomakatu, me hwahongot hnyi jebigo;

Jeremia 31:35

Walang hna ha hnö Iehova at ame ham seûno hnân lany hnyi selany, me hnanyibuiny tehi me ta je okhû hnân melam hnyi lit, at ame bwebwelâ köiö me me û je waköiöiny; Iehova tuhan sabaoth ien:

Ezekiela 37:9

Me e ame ha könya, ka habe, Nokon at lö, perefota thö ka ang, perofeta thö me ba ka ang, ka habe, Walang hna ha hnen Than Iehova, ha habe, Homenâ lö, aiö u ûnyi hnyi je ang a vak, me menâ ka hnyi hon je hna hlingâ ejo, mʼ ödrin e he ka möt bi.

Hosea 6:2

Hwaban lo li bong e ame he ka omeli öta: ke hnyi bong a kuniny e ame he ka höi öta, mʼ ate me he ka mot hnyi hnyimakan.

Hosea 7:10

Ke ame ohnatho hnen bi gan anyin Isaraela hnyi hnyimakan: ke so bi adre me ca hmetu bi kö Iehova Khongudrin, me elâm e, hnyi je ûnyi hia eling.

Malaki 3:6

Anyin a inya Iehova oge me ca hwio; anyin a wale, adre ca ohiʼ öbun je laku Jekob.

Numera 23:19

Haba Khong me ca at bi, me me he ka thoi; Ke ca nokon at bi, me me he ka ietra: Hawa e ame fuc kʼ ame ca he ka ânyâ? Ame ha hofuc, kʼ adre me ca he ka owhâdâ?

Roma 11:15

Ke a ne hu ge hmeledrany ûsoköu hnyi hna digic ödra, ame he ka hu ieû hnyi hna he ka kap hmetu? ca möt bi ûnyi hnyi hna mok?

Roma 11:29

Anyin ame ca ietra Khong ge hnen hna ham, me hnen hna hawâ.

II. Korinito 5:4

Anyin a haba öhmun hnyi uma menâ eang, öhmun e mâng, ke hmak; ca anyin ae wehmun he ka uny jut, e so bi mʼ adre me khaûʼ öhmun, me me utâ but mok hnen möt.

Filipi 3:21

at ame he ka ohâtâ hmetoâ ta je unyita ae kong, mʼ adre me ûcû me unyin ae hmanenang, hoton man at ae khana he ka hom ûhnyûkongoâ ta je ûnyi hia thithö kâu bi.

I. Thesalonika 4:14

Anyin ate ne ûnykûme a ga mokcu Iesu kʼ ame möt hmetu thö, awe, helâe minya ame he Khong ka tha hom më tavat adre me mokut ut unyi Iesu.

Iakobo 1:17

Haba ta je bwihlany hia ae so me ta je hna ham bâûâ ae hmanenang, me ûnyi ethö ge Kamen melam, waleji ame ca ok, ke ba ong haten hwio gan.

Hna Omanenâ 20:13

Ke haba köiö, me ame ham hmetu tavat adre mok hnyin; ke mok minya, me Hedis, ödru me ham hmetu tavat adre mok unyidru: me adre me ve hnei ödra hoton anyidra ta je huliwa.

Hna Omanenâ 21:4

ke e ame he ka kot degecâ ta je deköiö hia ûnyi hnyi ta je emaködra; ke ba hmetu bi mok; keʼ ba hmetu bi hnyok ae hmak, me tenge, me vec: a hia but ta je ûnyi a bân.

Hna Omanenâ 6:8

Ke inya oge me wâ, ke wâ bi hors ae löhau: ke Mok ien at a tabâ: ke Hedis ame tha he hoton. Ke adre ham ködru musi he ka hlingâ ke keihen hmeledrany a vakiny, ge hele vat, me hmiâ, me mok, me je meno ae ûhûlû hnyi hmeledrany.

I. Samuela 15:29

Ke haba khaca, ame ca he ka thoi me ietra Man mani Isaraela: anyin a ca at, me me ietra.