Hosea 13:10 - Iaai Bible 1901 (New Caledonia)

¹⁰ Ewa tuhâm, me me omeli u hnyi ânyâm ta je taun hia thithö? ke ânyâm tavat owisa köu, waleji u je ha, ka habe, Ham könya than me je taben?

Hosea 13:10 ပူးပေါင်းရင်းမြစ်များ

I. Je Than 12:20

Ke a long ut Isaraela hia a ga o thö Jeroboama, me adre me ûkhûnöng he ka hawâ ka hnyi ûkhacaköu, me otilâ e me than Isaraela hia: ke ba at ame hnu hoton lap anyi Davita, ke so bi hake tribu Juda thibi.

II. Je Than 17:4

Ke a wâ but than Asuria hna sihnân ga Hosea; anyin a e ame hia but kunâ je ûthumetu kö So than Aigupito, me ca kunâ ke bwihlany ka than Asuria, helâ me hnen hna labö ânyâ hnyi ke huna me ke huna: anyin a wale haba than Asuria ame hlöng hwanuma kâu, me ca e hnyi umaʼceat.

Salamo 10:16

Iehova thibi Than nyiele nyiele balua: A hia but je hnyei ûnyi hnyi iny hnyei.

Salamo 149:2

E so e he Isaraela ka senyin ka at a op e: E so e hobâ je laku Ziona ka Tuhödra.

Salamo 44:4

Khonguk lö, u thibi Tuhok: Hûna ju möt hobi kö Jekob.

Salamo 74:12

Ke Khong thibi Tuhok kâû adrem, At ame huliwan hna ûhomeli hnyi wanben hmeledrany.

Salamo 89:18

Anyin a e unyi Iehova becihmun Ke tuhöhmun unyin At ae Kap anyi Isaraela.

Isaia 33:22

Anyin a Iehova at ame owisʼ öta, Iehova at ame ha anyita ge hnanyibu, Iehova tuhöta; e ame he ka omeli öta.

Isaia 43:15

Inya Iehova, Kabibun, at a Up Isaraela, ke Tuhöbun.

Jeremia 2:28

Ke ewa je khongom waleji u je ânyâ hobi köu? Hamödrin he ka tot, a ne khanʼ ödrin he ka omeli u hnyi ûen u me vec hnyin: anyin ae ûcû ûseiny ânyâm je khong, Juda, me ânyâm je lap.

Jeremia 8:19

Wâ bi, ûtengien hluiny ik hnyei ûnyi hnyi hnyei ae sâkâû: hawa, ca e bi Iehova hnyi Ziona? ke ca e bi ling thaniny? anyin a ieû adre hia but ohmönyini nya ge anyidra je hnatheat, me anyidra ta je ûnyi baû a je atkanyua.

Je tenge anyi Jeremi 4:20

Haba hna menû hnyi je hnyingöihmun, wale a hû Iehova, me ame didrut hnyi anyidra je thop; Waleji at ohmun e ha gan, ka habe, Ohmun e he ka mot unyin je hnyei hnyi hmelen hmenon.

Hosea 10:3

E hnathu adre me he walang ang ka ha, ka habe, E ba but tuhöta: anyin ate me ca outö Iehova; ke haba than, ieû ae khana he ka ânyâ hobi köta?

Hosea 13:4

Ke inya Iehova Khongom ûnyi hnyi hnyei Aigupito; kʼ ame ca he ka khanö u ke khong ke hake inya thibi, ke ba at ûhomeli ke hake inya ke.

Hosea 3:4

Anyin ame he lakon Isaraela ka laba thibi hnyi se hia je bong ke ba than, ke ba taben, ke ba at bihut, ke ba veto ame tot, ke iefoda ke hnatheat:

Hosea 7:7

Ödra kahwa hia but helâ me wahnainyâ, ke adre me ohia tavat owisʼ ödra; a ta but anyidra je than: e ba ke at gadra ame hongot könya.

Hosea 8:4

Adre hia but otilâ je than, ke ca ûnyi bi gak; adre hia but bi taben, ke ca khanö nya: adre hia but ânyâ anyidra sileva me gol hnân anyidra je idola, mʼ adre me ka subâ degeci ödra bi.

Zakaria 14:9

Ke ame he Iehova ka Thaniny hmeledrany hia: hnyi bong eling ame he Iehova ka khaca thibi, ke khaca thibi ien.

Ioane 1:49

Haba Nathaniela ame thu kâu, ka habe, Kabi, u thibi Nokon Khong; u thibi Than Isaraela.

I. Samuela 8:7

Ke Iehova ame ha kö Samuela, ka habe, Long ju hofuc hwan tavat, wale adre me ha hia köu: anyin a ödrin e ca hna degeci u, ke ödrin e hna degeci nya bi, me inye ca thanidrin.