Hosea 12:7 - Iaai Bible 1901 (New Caledonia)

⁷ E at ame ûcû omjeû, e hnyi hnyamen tulut iyawo; e ame weny he ka seda.

Hosea 12:7 ပူးပေါင်းရင်းမြစ်များ

Genese 49:18

Iehova lö, oge hia but halubahingen ânyâm ûhomeli.

Ta je Vejec 11:1

IKIKI kö Iehova tulut uhni ae iyawo; Ke e ame senyinâ tulut ae ti wisa.

Ta je Vejec 16:11

Haba tulut ke tulut uhni ae wisa, me li ûnyi anyi Iehova: Anyin bi huliwa ta je fao hnân tulut eû hnyin tang.

Isaia 3:5

Ke ame he tavat ka ûöveciköu, ke at me ke at: ame he wanakat ka bi gan ka hingat, me hoûmonu ka je than.

Isaia 56:1

WALANG hna ha hnö Iehova, ka habe, Vheno thö ûnyi ae ûcû, ke ânyâ thö ûnyi ae wisa: anyin ae hakekeny jut he ka o anyik ûhomeli, me he ka omanenâ anyik wisa.

Ezekiela 16:3

Ke ha thö, ka habe, Walang hna ha hnen Than Iehova ka Jerusalema, ka habe, Haba dok u je kû hnyin, ke dok adre hnöku u hnyin, me ûnyi hnyi hnyei Kanana; at Amora kâmâm, ke momo Heth hinyâm.

Ezekiela 22:29

Haba tavat aten hnyei adre hia but ûöveci, me hûgûnâ omjeû; eke, adre hia but okongoâ ta je hna ovecâ, me tavat ae theduoc, me sedâ atkanyua hnen ûnyi ae ca wisa bi.

Ezekiela 28:5

u je hia but osehia ânyâm ta je ûnyi hnen ûganiny ânyâm metâ, ke hnâm hna ûcû, me bi gan hnyekom hnen tang omjehem:

Hosea 14:2

Hom dö je ifucibun ke hmeto ju kö Iehova, ha thö kâu, ka habe, Hom dö hulo hia, me kap ju ûnyi ae so: me ohmun e he ka ham je hudiny hnyi-möhmun.

Joela 2:12

Ke so bi, haingo Iehova, ka habe, Walang ang hwio thö könya ge je hnyekubun ae bekhot, me ânyâ ca han, me tenge, me tenge thungaû:

Amosa 2:7

tavat adre me behnyekudra kânâ a e hon ban tavat ae theduoc, kʼ adre me wia gethen deny tavat ae menyik: kʼ ame he at me kamen unyin hlu a khaca, me okongoâ iök ae kap:

Amosa 3:9

Haimemenâ thö hnyi je uma umen than hnyi Asedoda, me je uma umen than hnyi hnyei Aigupito, me ha, ka habe, Ûkhacaköu thö hon je buceniny Samaria, me wâ je imediököu ae gan hnyin e, me je hna ovecâ hnyi wanben e.

Amosa 4:1

LONG ju hofuc ang öbun je kau hnyi Basana, a öbun hnyi je bucen Samaria, a hnyat öbun e ovecâ tavat ae theduoc, me okongoâ tavat ae vec, a hnyat öbun e ha ka latuhöbun, ka habe, Hom but jem me habelihmun.

Amosa 5:11

Anyin a öbun e uto at ae theduoc, me hûgûnâ gan je hok hwit: anyin a wale öbun e ca he ka labâ je uma öbun e hia but op ge veto adre tretrao: kʼ öbun e ca he ka ic wainainy je hnyei vine öbun e belökâ.

Mika 2:1

EKÖLÖ ge tavat adre me ûnykûme monu, me ânyâ hulo hon hnödra je hna mokut, adre me ânyâ e hnyi haolany anyin ae metâ kodra.

Mika 7:2

E hia but at ae so eang hmeledrany, ke ba at ae fofâ unyin tavat: ödra hia adre me mokut he ka mâdrâ dra; adre me ve hnu je lawaedra ge ert.

Zakaria 14:21

Eke, ame he ka kap kö Iehova tuhan sabaoth je öt hia hnyi Jerusalema me Juda: ke ame he tavat bihut hia ka he me hom me ölâ: ke ame he ka ba hmetu bi at Kanana hnyi uma umo Iehova tuhan sabaoth hnyi bong eling.

Zakaria 5:8

Ke haingen, ka habe, Wale Hwakecin ae Kong; ke e ame khûâ hnyikânâi momo, ka hnyi wanben efa: me e ame khûâ tulut led ka hnyi hnyimen ûnyi e.

Zakaria 7:9

Walang hna ha hnö Iehova tuhan sabaoth, haingen, ka habe, Owisa wia ju, ve omanenâ betenge me hnyok ae menyik ka je liamekeiny möbun:

Malaki 3:5

Ke oge me he ka hakekeny köbun he ka owisa; ke oge me he ka ie omanenâ at ae tren khong, me tavat bi ûnyi monu, me tavat khemanyin thoi; me tavat ovecâ at ame huliwa ge hwaban e, me safac, me nakahme, me tavat ohavâ wisa ka atkanyua, me ca outö nya, haingö Iehova tuhan sabaoth.

Ioane 2:16

me e ame ha ka tavat ûco je biny, ka habe, Hom dö ta je ûnyi eang ûheny ang; ca wia bi uma umo Cica, me me uma ûcû.

Iakobo 5:4

Wâ bi, ame hongot goranyai hwaban ae ûcû ka tavat adre me huliwa waleji adre me meno ibun je hnyei, ke öbun e behânâ ge iyawâ: ke ame aat dö hnyi li hnyikonyen Than tuhan sabaoth hwahongot hwan tavat meno.

I. Samuela 12:3

Inyʼ ang: ohnathu nya thö hnyi hnyimakö Iehova, me hnen hna hû: ia oge hom haleny bolok? ke hale ia asina oge hom? ke oge iyawö ia? ke oge oveci ia? ke oge kap hwaban ûnyi hnyi hnyamö ia he ka omûkâ li emakök can e? mʼ oge me he ka ham hmetu köbun.