Hosea 12:13 - Iaai Bible 1901 (New Caledonia)

¹³ Ke haba Iehova ame hum Isaraela ûheny Aigupito a deny perofeta, me tuö e a deny perofeta.

Hosea 12:13 ပူးပေါင်းရင်းမြစ်များ

Genese 28:2

Todrö, he thö Padanarama ai, ka hnyi hnyaba Bethuela, kamen hinyâm; me hok âiâm ju ûnyi e unyin je laku Labana a je hlu, a mahinyâm.

Genese 29:20

Me Jekob ame huliwa seven ta je huna hwabö Rakela; ke helâke je bong ae wakhalet thibi kâu, can anyin betenge ka hlu.

Salamo 77:20

U je su lakem helâ me hnahat mamoe, Ge hnyamö Mose me Arona.

Esodo 13:3

Ke haba Mose ame ha ka tavat, ka habe, Ûnykûme ju öbun bong eang, bong öbun e he but ûhebun Aigupito hnyin, ûnyi hnyi hnyaban at hwenbâ; anyin a ûnyi ge hwegien hnyamö Iehova, e ame hum öbun ûnyi hnyi dok e: adre me ca he ka han areto adre levenâ.

Esodo 14:19

Ke haba angela anyin Khong, at ame bân hnyi hnyimakan at Isaraela, ame biliny jut hotudra; ke haba ûlâ at ame tot wisa hnyi hnyi-maködra, e ame hwiö me tot hotudra:

Hosea 11:1

HNYI ûen ae tiga wanakat Isaraela, oge me betenge gan, me hawâ nokuk ûheny Aigupito.

Hosea 2:15

Ke oge me he ka ham kâu iny je hnyei vine ûheny e, me hnyigöulen bucen Akora hnân gethen deny gejon: ke e ame he ka thu hmetu eling helâ me ehac ke tiga hlu, ke helâji me ehac hnyi ûheny hnyi hnyei Aigupito.

Mika 6:4

Anyin oge hum u ûnyi hnyi hnyei Aigupito, me omeli u ûnyi hnyi hnyaba ûthaluo; ke oge kunö Mose me Arona, me Miriama hnyi hnyimakâm.

Numera 12:8

me oge me he ka ûcû hnyem mē me ha manenâ, ke ca hnyi je hofuc ae lit; ke e ame he ka wâ unyu Iehova: ke ieû gabu a öbu ca ot he ka fuc ga Mose a athnyabaik

Deuteronomi 26:5

Ke u me he ka thu me ha hnyi hnyimakö Iehova Khongom, ka habe, Haba kamök, me, at Suria ame he but ka mok, ke e ame he Aigupito ai, kʼ ame laba atkanyua eling, ke e wakhalet thibi; me e ame wia ka hnyei ae gan, ke hwege, ke se hia:

I. Samuela 12:8

Haba hnyi ûen ame o Jekob hnyi Aigupito, me ame tenge lakamöbun kö Iehova, me haba Iehova ame kunö Mose me Arona, ödre hom lakamöbun ûheny Aigupito, me olabʼ ödrin hnyi dok eang.